14/05/2025
ကူဝိုင်လာ (Kuroiler)
ကူဝိုင်လာကြက်မျိုးဟာ အိန္ဒိယနိုင်ငံ Harayana ပြည်နယ် မှာရှိတဲ့ KeggFarms Pvt ltd က စတင် တီထွင်ထားတဲ့ကြက်မျိုးစပ်ဖြစ်ပါသည်။ ကူဝိုင်လာကြက်တွေဟာ Broiler အထီး နဲ့ RIR အမ (သို့) White Leghorn အထီး နဲ့ RIR အမတို့ စပ်ထားတဲ့မျိုးစိတ်တစ်ခုဖြစ်ပါတယ်။
၁၉၉၀ ခုနှစ်အစောပိုင်းတွေမှာ KeggFarms Pvt ltd ကိုတည်ထောင်ခဲ့သူ Mr.Vinod Kapur က ကူဝိုင်လာ ကြက်မျိုး ကိုစတင် မျိုးစပ်ထုတ်လုပ်ခဲ့ပြီး မိတ်ဆက်ခဲ့ပါတယ် ၊ သူ့ကုမ္ပဏီနာမည် Kegg မှ k နဲ့ Broiler ကြက်နာမည် roiler တို့ကို အစွဲပြုပြီး Kuroiler ဆိုပြီးပေးခဲ့တာပါ။
အသားနဲ့ ဥများထုတ်လုပ်ရန်အတွက်ရည်ရွယ်ပြီးစပ်ထားတဲ့ ကူဝိုင်လာကြက်တွေ ဟာ မူရင်းမျိုးရိုးများထက် ပိုမိုအကြမ်းခံပြီး ရာသီဥတုဒဏ် နှင့် ပတ်ဝန်းကျင်သစ်တွေမှာ လွယ်ကူအသားကျစွာနေ နိုင်ပါတယ်။ ဒေသကြက်မတွေဟာ တစ်နှစ် ကြက်ဥအလုံးပေါ်င်း (၄၀ မှ ၆၀) လုံးခန့်သာဥ နိုင်ကြပြီးတော့ ကူဝိုင်လာမျိုးကြက်မတွေ ကတော့ တစ်နှစ်အလုံးပေါ်င်း ( ၁၅၀) ခန့်ဥနိုင်ကြပါတယ်။ ကူဝိုင်လာကြက်ဖ တွေဟာ ခန့်မှန်းခြေ ၃.၅ ပိသာ ထိ ကြီးပြီး ကြက်မတွေဟာ ၂.၅ ပိသာထိကြီးပါတယ်။ သူ့ရဲ့ ထူးခြားတဲ့ မျိုးရိုးဗီဇ လက္ခဏာများကြောင့် ကူဝိုင်လာကြက်မျိုးတွေဟာ ဒေသကြက်များထက်ပိုပြီးရောဂါများကိုခံနိုင်ရည်ပိုရှိကြပါတယ်။ အဲ့တာကြောင့် အိန္ဒိယ ကျေးလက်ဒေသ မှာတော့ အမျိုးသမီး အိမ်ရှင်မတွေဟာ အပိုဝင်ငွေတစ်ခုအနေနဲ့ ကူဝိုင်လာကြက် ကိုမွေးမြူ ကြပါ တယ်။
နောက်ပိုင်းမှာကူဝိုင်လာကြက်များကို အိန္ဒိယ ပြည်နယ်တွေဖြစ်တဲ့ Uttar Pradesh , Jharkhand , West Bengal , Mizoram , Chhattisgarh, Assam , Meghalaya နဲ့ Uttarakhand အပါဝင်ကျေးလက်ဒေသများသို့ ပို့ခဲ့ ပြီးလူကြိုက်များလာကာမျိုးဆက်ပြန့်ပွားလာခဲ့ခြင်းဖြစ်သည်။ အိန္ဒိယ နိုင်ငံရှိ အသေးစား လုပ်ငန်းရှင်များ၊လယ်သမားများနှင့်အမျိုးသမီးများက အချိန်ပြည့် (သို့) အချိန်ပိုင်းလုပ်ငန်းအဖြစ်ကူဝိုင်လာကြက်ကိုမွေးမြူခဲ့ကြပါတယ်။နောက်ပိုင်းတွင်ယူဂန်ဒါနိုင်ငံသို့လည်းအောင်မြင်စွာပို့ ဆောင်နိုင်ခဲ့ပါတယ်။
ပေးချင်တဲ့ Message က Kuroiler ဟာ စပ်မျိုးပါ။
#ကူဝိုင်လာ Zalatt Organic Farm #ကြက်ကြီးမျိုး
