19/04/2024
အဆင့်အတန်းဆိုတာကို မသိဘူး
အရက်ဆိုင်မှာ
လက်တစ်ဖက်က တစ်ဖက်ကိုကိုင်ပြီး
မီးခြစ်လှမ်းပေးတဲ့ အရက်သမား ရဲ့
ယဥ်ကျေးမူလောက်ပဲ သိတယ်
ဘောင်မဝင်ဘူးလို့ပြောရင် စိတ်မဆိုးတတ်တော့ဘူး
ဟုတ်တယ် ကျနော်ဘောင်မဝင်ဘူး.....
အထိန်းအကွတ်တွေ စည်းကမ်းတွေ ကျနော်မကြိုက်ဘူး
လူ့စည်းလူ့ဘောင်တွေ ကျနော်မသိချင်ဘူး
ကျနော်ဟာ လွပ်လပ်ချင်တဲ့သူတစ်ယောက်
ပျော်ရွင်စရာနည်းနည်းနဲ့ ရှင်သန်ရတဲ့ ကမ္ဘာမှာ
ရင်ခုန်စရာတွေ ပူဆွေးစရာတွေ ကျနော်မလိုချင်ဘူး
အသက်အရှည်ကြီး မနေချင်ဘူး
လုပ်ချင်တာတွေလုပ် ဖြစ်ဖြစ်သမျှခံဆိုတဲ့
ကံနဲ့ပဲ နေသွားချင်တယ်
အမှန်တရားကို မှန်ပါတယ်လို့
ရှင်းပြရတာလောက် ပျင်းစရာကောင်းတာမရှိဘူး
စာအုပ်ပေါ်ချရေးထားတဲ့ လူ့ကျင့်ဝတ်တရားတွေထက်
ဘယ်အရက်က ဘယ်လောက်သောက်ကောင်းတာ
ဆိုတာကိုပဲ စိတ်ဝင်စားတယ်..
ဒီ ကမ္ဘာမှာ နောက်ထပ်နှစ် နှစ်ဆယ်နေရရင်တော်ပြီ
ဒါ..ကျနော့်အတွက် လုံလောက်တဲ့ ပျော်ရွင်မူ တခုပဲ
အချစ်နဲ့လဲ ကောင်းကောင်းရင်းနီးခဲ့ပြီးပြီ
ချစ်တယ်လို့လဲ ပြောခဲ့ပြီးပြီ
ချစ်တယ်ဆိုပြီး ထပ်တူပြန်ရခဲ့ပြီးပြီ
ကျန်ခဲ့တာကတော့
သေမလို ဖြစ်ခဲ့ရတာတခုပဲ....
လောကကို တစ်ရက်ကုန်သွားရင်
နောက်တစ်ရက်ကို အစက ပြန်ဖြစ်ရင်ကောင်းမယ်
မနေ့က ဆိုတာတွေကို မနက်ဖြန်ဘာမှ ပါမလာခဲ့ရင်
ကောင်းမယ်...
တစ်ယောက်ထဲဆိုတော့ အပူအပင်တွေ
သိပ်မရှိဘူး ဆိုပါတော့
ဒါပေမဲ့ နည်းနည်းတော့ အထီးကျန်တယ်
ဒီတစ်သက်တာ ဖြတ်သန်းမူက
ဒီလောက် ပါပဲ....
နောက်ဆို စီးကရက်တံဆိပ်အသစ်တွေသောက်ရင်း
ရယ်နေအုံးမယ်...
သိပ်ကို ဂရုဏာတရားကြီးမားတဲ့
လူတွေအကြောင်း....။
