Jade Garden ကျောက်စိမ်းလုံးစွတ်\အသားဆန်းအကျွတ်အရေခေါင်းကျောက်ရောင်းဝယ်ရေး

11/10/2025

11/10/2025

သိန်းပေါင်း၁၇၀၀၀နဲ့တည့်သွားတဲ့လက်ကောက်လေး💚🍀🍀🍀✨✨✨✨🧩🧩🧩🌌🌌🌌💯💯

22/02/2024

သိန်းတထောင့်သုံးရာခေါ်တဲ့မြန်မာကျောက်စိမ်းပဲချိမ်

လက်‌ေကာက်နှစ်ကွင်းဘယ်လောက်နဲ့အရောင်းအဝယ်

ဘယ်‌‌ေလာက်နဲ့တည့်သွားမလဲ လောပန်းတို့ စောင့်

ကြည့်ရအောင်

#ကျောက်စိမ်း
#ကျောက်စိမ်းဈေးကွက်


#ရွှေလီ

18/02/2024

#မှော်စီဆာမှော်

သက်တမ်း အရင့်ဆုံး ကျောက်စိမ်း ထွက်ရှိတဲ့ မှော်စီဆာမှော် (မှော်ဘုရင်)
•••••••••••••••••••••••••••••••••••••••

ဒီဆောင်းပါး ရေးရတာဟာ မြန်မာ ပြည်သားတွေ ကိုယ့်နိုင်ငံက ထွက်တဲ့ ကျောက်စိမ်းရဲ့ တန်ဖိုးကို သိစေချင်တာရယ် ဒီက အ ကောင်းဆုံး ကျောက်စိမ်းတွေ ဘာ့ကြောင့် ကျောက်မျက် ရောင်းချတဲ့ emporium မှာမမြင်ရတာလဲ ဆိုတာရယ် စသည်တို့ကို သိစေချင်လို့ပါ။

မှော်စီဇာဆိုတာ ဖါးကန့် နဲ့ လုံးခင်း ကြားက မှော်ပါ။ အရင် က လုံးခင်းနဲ့ ပိုနီးတဲ့နေရာကိုသာ ခေါ် ပေမယ့် ခုတော့ လုံးခင်းက နေ ဖါးကန့်နားထိ တ ကြောလုံးကို ခေါ် နေပါတော့တယ်။ အ ကောင်းဆုံး ကျောက်တွေက လုံးခင်းနဲ့ ပိုနီးတဲ့ နေ ရာမှာ ထွက်ပါတယ်။

မှော်စီဇာမှော်က ကျောက်သားဟာ ကမ္ဘာမှာ အဆင့်မြင့်ဆုံး ဖြစ် တယ်။ ကျောက်စိမ်းမှာတော့ မာခြင်းအဆင့်မှာ ဒီမှော်က ကျောက်ကို ဘယ်မှော်မှ မမှီဘူး။ အသားကောင်းတယ်။ အမြုပ် ရှင်းတယ်။

ဒီဓာတ်ပုံ 1 က ကျောက်စိမ်းက ဘော်လီအရည်စွဲ လို့ ခေါ်ပါတယ်။ ဖန်သားမှန်သားမှာ အရည်စွဲတာ။ ရောင်းလိုက်တာ $ 15 သန်း ကျပ် သန်း တစ်သောင်း ခုနှစ်ထောင်ကျော် ရပါတယ်တဲ့။ အများကြီးရတာ မထင်နဲ့။ နိုင်ငံတကာစျေး ထက် အများကြီးလျော့နည်း ပါတယ်။

မှော်စီဇာ ဆိုတာ ဒီလို ဘော်လီသား နဲ့ အသားအ ကောင်းဆုံး ကျောက်စိမ်းကောင်းတွေ ထွက်တဲ့နေရာပါ။ အခုလက်ရှိလို ယန္တရား အင်အားနဲ့ လုပ်ကိုင်ရင် မှော်စီဇာ တစ်မှော်လုံး အတိုင်းအတာနဲ့ဆို တစ်ရက် တစ်ရက် အလုံး ၅၀ လောက် ထွက်မယ် ခန့်မှန်းတယ်။

၂၀၁၂ က တိုက်ပွဲတွေဖြစ်နေပြီး ကုမ္ပဏီတွေ လုပ်ငန်းရပ် ထားချိန် ကြိုင်လုပ် ကွက်လို့ ခေါ်တဲ့ နေရာဟာ မှော်စီဇာမှာ နာမည်အကြီးဆုံးပါပဲ။ ခေါင်းပေါင်းကျင်းထားပြီးသလို ဖြစ် တဲ့ အဲ့လုပ်ကွက်မှာ တစ်ချို့ လူတွေဆို ၃ ယောက်တူးတာ တစ်ရက် နှစ်ရက်နဲ့ သိန်း လေး/ငါး သောင်း ရ သွားတာ ရှိပါတယ်။ စာရေးသူ ကိုယ်တွေ့ ပါ။

၂၀၁၃ လောက်က ကြိုင်လုပ်ကွက်မှာ တနိုင်တပိုင် ဝင်လုပ် တဲ့သူ တစ်ထောင်နီးပါးရှိတယ်။ စာရေးသူရဲ့ မျက်စိရှေ့ သုံးလအတွင်း သိန်းငွေ မရတဲ့ ကျင်းသား မရှိ။ ကျပ် သိန်း ဆယ် ကြီး ရာငွေ မရတဲ့ ငွေ ထောက် လောပန်း မရှိပါဘူး။

အဲဒီ လူတစ်ထောင်လောက်နဲ့ တူးတဲ့ ၃ လ ဆိုတာ အခု ယန္တရားအားနဲ့ တူးရင် ၃ ရက်မလိုဘူး ကုန်မှာ။ ၃ လ အတွင်း မိသားစု ထောင်ချီ ကို အဆင်ပြေ စေ သည့်အပြင် အပို ကားဝယ် အိမ်ဝယ် နဲ့ လူအများကြီး ဘဝ တွေ စိုပြေ စေခဲ့တာပေါ့။ ဒါ ၃/၄ ဧက လောက် ရှိတဲ့ ကြိုင်လုပ်ကွက် တစ်ခုထဲနော်။ ဒီလို လုပ်ကွက်ပေါင်း ရာချီ ဖါးကန့် လုံးခင်းကြားမှာ ရှိပါတယ်။

ဒီနေရာ တစ်ကြောပဲနဲ့ကို တစ်ရက် us$ ဒေါ်လာ သန်းဆယ် ကြီး ရာ ငွေ ရနိုင်တယ် လို့ပြောရင် ပိုတယ်လို့ မထင်ပါနဲ့။

ဒါဆိုရင်ပဲ Global Witness က ဖော်ပြတဲ့ တစ်နှစ် us $ 31 billions ဟာ မရိုင်းပါဘူး။ emporium မှာ အခွန်ငွေ ရောင်းရ ငွေမှ ၂၀% က နေ ၂၅% ထိ အစိုးရကို ပေးရပါတယ်။ အခွန်ဆောင်တာပေါ့။ အခွန် မ ဆောင်ချင်တာရယ် မိမိရဲ့ ကျောက်စိမ်းက ရတဲ့ ဝင် ငွေကို လျှို့ဝှက်ထားချင်တာရယ် တို့ကြောင့် မှောင်ခို ကျောက်စိမ်း တင်ပို့ရောင်းချ ကြတာပါ။

မိမိရဲ့ ကျောက်စိမ်းက ရ ငွေကို ဖော်ပြလိုက်ရင် (emporium တင်ခြင်းဖြင့်) လုပ်လိုက်ရင် မိမိတူးနေတဲ့ လုပ်ကွက်ဟာ အရမ်း နာမည်ကြီးသွားပြီး အပြိုင်အဆိုင် ဝင်လာမယ်။ ဒါဆို အလကား နီးနီး ရထားတဲ့ လုပ်ကွက်ကို သူလည်းရချင် ငါလည်းရချင် ဖြစ်ပြီး မလိုအပ်တဲ့ ပြသာနာ တွေ ဖြစ်လာမယ်လို့ သူတို့ ယူဆတာကြောင့် emporium မှာ ကျောက်ကောင်း တွေ မတင်မဖြစ် တစ်လုံး နှစ်လုံးသာ တင်ကြတာပါ။ ပြီးတော့ သိပ်မ ကောင်းတဲ့ ကျောက်တွေ ဂိုဒေါင်လိုက် တင် တယ်။ အဲ ကျောက်စိမ်း ဘယ်နှစ်တန် ရောင်းတယ်ပေါ့။ တကယ်တော့ အဲဒီ တန်လိုက် ဆိုတဲ့ ကျောက်စိမ်းတွဲတွေ ဟာ ကျောက်ကောင်း ၃ ပိဿသာ လောက်တစ်လုံး ကို မမှီပါဘူး။

ဒါဟာ မှော်စီဇာရဲ့ အကြမ်းဖျင်း မှတ်စု အဆင့်ပဲ ရှိပါတယ်။ ဒါကြောင့် နိုင်ငံတော်မှ ဖါးကန့် ဒေသကို စနစ်ကျတဲ့ ကြီးကြပ် မှုတွေ နဲ့ လုပ်ကိုင်စေပြီး ဆင်းရဲတဲ့ လက်လုပ်လက်စား တွေ ရဲ့ ဘဝကို ပြောင်းလဲပေး နိုင်မူကိုပါ ထောက်ရှု ပေးရပါလိမ့်မယ်။ (ဆင်းရဲသားများ လုပ်ကိုင်နိုင်မည့် နည်းလမ်းများ ချမှတ်ပေးခြင်းကို ဆိုလိုသည်။)

crd - original
crd - Jademonger
နှောက်ထပ်နှောက်ထပ်ဖော်ပြစရာလေးတွေရှိလို့followထားကြပါနော်🥰🥰🥰🥰

15/02/2024

ကျောက်စိမ်းလောက ရောင်းသူနဲ့ဝယ်သူကြားက

ကျောက်အောင်ခြင်း၊မအောင်ခြင်းရဲ့ အဖြေပေါ့. . . .

ကျောက်အောင်ခြင်း. .
ရောင်းသူက ဝယ်ယူသူကို ကိုယ်ချင်းစာပြီး
ဈေးချန်ရောင်းတယ်၊ခေါင်းချက်ချန်ပေးတယ်
ကျောက်ပညာနဲ့အောင်နိုင်ချေကို ချဥ်းကပ်ပြီးဝယ်ရောင်းလုပ်တယ်. . .
ဝယ်သူက ကျောက်ပညာနားလည်တယ်. .
ဈေးကွက်ကို အရှုံးအမြတ်ချိန်ဆနိုင်တယ်
ဘယ်လိုခေါင်းမယ် ဘယ်လိုရောင်းမယ် သူသိတယ်
ကျောက်ရောင်းသူကို (သူ့ပညာ သူ့စေတနာ သူ့စိတ်ရင်း)
ဝယ်သူကကောင်းကောင်းသိတယ်
အဲ့မှာ ရောင်းသူရော ဝယ်သူပါအကျိုးအမြတ်ရရှိတယ်
Ok အဲ့မှာ ကျောက်ရဲ့အောင်ခြင်း. . .

ကျောက်မအောင်ခြင်း. . (လာပြီနော်)
ရောင်းသူက ဈေးကုန်ရောင်းမယ်
ကိုယ့်ဘက်ပဲကြည့်မယ် အပြောကောင်းကောင်းနဲ့
ဂျင်းထည့်မယ် သူ့မှာ ကျောက်ပညာမရှိဘူး(အောင်ကျောက်ကို မချဥ်းကပ်နိုင်ဘူး )ကျောက်ပညာရှိလည်းစေတနာမရှိဘူး၊ကျောက်ရဲ့ပြချက် (ကျောက်ရဲ့အဆိုးအကောင်း)ကိုလိမ်ညာပြောမယ်. . .
ဝယ်သူက ကျောက်ပညာမတတ်ဘူး(တတ်အောင်လည်းမသင်ယူဘူး)တွေ့သမျှဝယ်မယ်၊ဝယ်သမျှဖြတ်မယ်
ဖြတ်သမျှအောင်မယ်လို့တွေးတယ် ဈေးကွက်မသိဘူး
အရှုံးအမြတ်မချိန်ဆနိုင်ဘူး ကံကိုယုံပြီးဆူးပုံနင်းမယ်
အိတ်ထဲကငွေကုန်ပြီး အကျိုးမရှိဘူးကျောက်လောကကို
မကောင်းမြင်လာမယ် ကြာလာတော့ ကျောက်ဆိုတာကို ကြောက်သွားမယ် (ကျောက်မအောင်ခြင်း)
အဲ့တော့ အဖြေက . . . .
​ကျောက်ဝယ်ယူမယ်ဆိုယင် ကိုယ့်မှာဘာလိုအပ်နေလဲ?
ဝယ်ပြီးရင် ဘာလုပ်မလဲ? ဆေးပြီးပြန်ရောင်းမှာလား?
ဖောက်ချက် ကွမ်ချက်လုပ်ပြီးရောင်းမှာလား? တစ်နန်းဖြတ် နှစ်နန်းဖြတ် ဖြတ်ပြီးဖြတ်သားရောင်းမှာလား? လွှာချပ် ပန်းပု အတုံးအတစ်လုပ်ရောင်းမှာလား? အရည်တစ်စလုပ်ရောင်းမှာလား?အပွင့်သွေး အထည်ကပ်အပြီးလုပ်ရောင်းမှာလား? ပုတီးလိုင်းလုပ်မှာလား? လက်ကောက်လိုင်းလုပ်မှာလား? ကျောက်စိမ်းမှာကလိုင်းတွေက အများကြီးရှိပါတယ်...
ကိုယ်ဝယ်မယ့် ကျောက်ရဲ့အခြေအနေကိုကြည့်ပြီးအချို့ဆရာတွေက နှစ်လိုင်း၊သုံးလိုင်းကနေပြီး လေး ငါးလိုင်းလောက်အထိလုပ်ကြပါတယ်...
အဲ့နေရာမှာ ကိုယ်က ဘယ်လိုင်းအားသန်လဲ?ဘယ်လိုင်းကိုကျွမ်းကျင်သလဲ? ကိုယ်မကျွမ်းကျင်သေးတာတွေကဘယ်ဟာတွေလဲ?လေ့လာရင်းလုပ် လုပ်ရင်းလေ့လာဆိုပေမယ့်...
ကိုယ်ရင်းလိုက်တဲ့ငွေ မြတ်ရင်ဘယ်လောက်ဆိုတာထက် အကယ်၍များရှုံးခဲ့မယ်ဆိုရင် ဘယ်လောက်အထိရှုံးနိုင်မလဲ?ဆိုတာကိုတော့ အနီးစပ်ဆုံးခန့်မှန်းကြရပါတယ်...ခန့်မှန်းပြီးရင်လဲ အဲ့အရှုံးကို မိမိအနေနဲ့ခံနိုင် မခံနိုင်ကို ကြိုတင်ပြင်ဆင် တွက်ချက်ထားရပါတယ်...အဲ့တာတွေကို
အရင်စဥ်းစားပါ အဖြေရှာပါ ပြီးမှဆက်လုပ်ပါ... . . . . . ကျောက်ကကြောက်စရာ မဟုတ်ပါ... . . . .
အောင်ကျောက်များရကြပါစေ....
. . . . . . . . . ကျောက်လောက တိုးတက်ပါစေ. . . . . . .
ဆရာတွေ ရဲ့ဂုဏ်ကျေးဇူးအမြဲ ဦးထိပ်ပန်လျက် . . . . . . . .ကျနော့်ရဲ့ အသိ အတွေး စိတ်ကူးလေး
အနည်းငယ်ဖြည့်စွပ်ရေးသားထားပါသည်... . . . .
မူရင်း Creditphoto
A T Z

04/02/2024

အခုညliveမှာရတဲ့ကျောက်လေး၃သိန်းနဲ့မျှတာကို

ယူတဲ့သူမရှိဘူး အဲ့ဒါနဲ့သူငယ်ချင်းပွဲစားကို

ကျောက်ပေးတိုက်လိုက်တာ တစ်လက်ထဲ့ငါသိန်း

ပေးတယ် သူလည်းလပ်ကီးဖြစ် ကိုယ်လည်း

လပ်ကီးဖြစ်လို့ရောင်းပေးလိုက်တယ်🎁✨✨

02/02/2024

🙆🏻‍♀️ကျောက်စိမ်း အရိုင်းတုံးကို 🍀
ကြည့်ရှု့စစ်ဆေးရမည့် အချက်များ 🍀
★ ★ ★ ★ ★ ★ ★ ★ ★ ★ ★ ★
🙆🏻‍♀️Credit to original uploader🙆🏻‍♀️
( ၁ ) ရိုးရိုး ကျောက်တုံး နှင့် ကျောက်စိမ်းအရိုင်းတုံး ခြားနားချက်ကို စစ်ဆေးခြင်း

သန့်ရှင်းစင်ကြယ်သော ကျောက်စိမ်းအရိုင်းတုံး ၏ မျက်နှာပြင်တွင် အလင်းရောင် ၌အရောင်လက်သော ယမ်းပွင့်ဖတ် အကြီးအသေး ၊ ယမ်းမျှင် အကြီးအသေး များ ကျဲကျဲဖြစ်စေ ၊ စိတ်စိတ်ဖြစ်စေ အနေအထားအမျိုးမျိုးဖြင့် ရှိနေသည် ။ ကျောက်စိမ်းမဟုတ်သော ကျောက်တုံး ရိုးရိုး ၏ မျက်နှာပြင်တွင်မူ ဤလက္ခဏာမျိုး တွေ့ရလေ့မရှိပါ ။

ကျောက်စိမ်းအရိုင်းတုံး သည် ရိုးရိုး ကျောက်တုံးထက် သိပ်သည်းဆ များ၍ ထုထည်ပမာဏချင်း တူပါလျှင် အလေးချိန်ပိုပါသည် ။

ကျောက်စိမ်းအရိုင်းတုံးတွင် ကျောက်စိမ်းတွင်းထွက်ငယ်ကလေးများ ( ဂျေးဒိုက်တွင်းငယ်ကလေးများ ) လက်ယှက်ထိုး အနေအထားဖြင့် ကြပ်သိပ်စွာ ဖွဲ့စည်းထားသော သဘာဝကြောင့် ပျင်းတွဲ ကြံခိုင် တောင့်တင်း ပါသည် ။ ရိုးရိုးကျောက်တုံးကဲ့သို့ ကြွပ်ဆတ်ခြင်း မရှိပါ ။ တူ ၊ပုဆိန် စသည်တို့ဖြင့် ရိုက်ဖဲ့ပါက ကျောက်စိမ်းမှန်လျှင် လွယ်ကူစွာမအက်ကွဲ ၊ မပဲ့နှိုင်ဘဲ ရိုးရိုးကျောက်တုံးဖြစ်လျှင်မူ အလွယ်တကူ ပဲ့နိုင်သည် ။

ကျောက်စိမ်းတွင် ရေကျောက် ၊ ကုန်းကျောက် ၊ တောမှော်ကျောက် ( လုံးဖဲ့ ) ဟူ၍ သုံးမျိုးသုံးစား ရှိသည် ။ ရေကျောက်၏ အခွံမှာ ပါး၍ချောသည် ။ ကုန်းကျောက် အခွံမှာ ထူ၍ကြမ်းသည် ။ တောမှော်ကျောက် သည် ကျောက်ကြော အတွင်းသားကို ထွင်း၍ယူရသဖြင့် ရေကျောက် ၊ ကုန်းကျောက် များတွင်ရှိတတ်သော အခွံမျိုး မရှိပေ ။ သို့သော် ဆင်စွယ်နှစ်ရောင်အကာမျိုးဖြစ်စေ ၊ ကျောက်ဖယောင်းသားအကာမျိုးဖြစ်စေ တွေ့ရတတ်ပါသည် ။

ကျောက်စိမ်းအရိုင်းတုံး၏ အခွံတွင် တွေ့ရသော ယမ်းပွင့် ၊ ယမ်းမျှင်များ ၏ အနေအထားအရ ယမ်းပွင့်ဖတ် ကြီးလျှင် အတွင်းကျောက်သားကြမ်းသည် ။ ယမ်းပွင့်ဖတ်ကလေးများ မှုန်လျှင် အသားညက်သည် ။ ယမ်း မှုန့်ပြီး စိပ်လျှင် အသားညက်အသားကောင်းပြီး ပထမတန်းစားကျောက်သား ဖြစ်ပါသည် ။

အခွံနှင့်ပတ်သက်၍ အခေါ်အဝေါ်မျိုးစုံ ရှိသော်လည်း ယေဘုယျသဘောကိုသာ ဖော်ပြမည်ဖြစ်ပါသည် ။ ကုန်းကျောက်တွင် အခွံညက်ခြင်း ၊ ရွခြင်း ရှိလျှင် ကျောက်သားကောင်းတတ်ပြီး အခွံကြမ်းခြင်း ၊ ချောခြင်း ၊ မညီခြင်းရှိလျှင် ကျောက်သားညံ့တတ်ပါသည် ။ ရေကျောက် တွင် အခွံညက်ခြင်း ၊ ချောခြင်း ၊ အဆီတက်ခြင်းရှိလျှင် ကျောက်သားကောင်းတတ်ပြီး အခွံကြမ်းခြင်း ၊ မညီညာခြင်းရှိလျှင် ကျောက်သားညံတတ်ပါသည် ။

( ၂ ) ကျောက်စိမ်းတုံး အခွံတွင် အရည်တည်နေပုံအနေအထားအမျိုးမျိုးကိုစစ်ဆေးခြင်း

👉 အရည်မန်း

မန်း၏လက္ခဏာမှာ အခွံတွင် တွန့်လိမ်ကွေ့ကောက်နေသော အစင်းကြောင်း များဖြစ်ပါသည် ။ တိုက်ချွတ်ကြည့်၍ အစိမ်းရောင်ပေါ်လာလျှင် အရည်မန်းဖြစ်ပြီး အစိမ်းရောင် မရှိလျှင် အသားမန်းဖြစ်ပါသည် ။

👉 အရည်ပွေး

ပွေးကွက်ကဲ့သို့ အကြီးအသေး ၊ အစိမ်းရောင် ပါသောအကွက်များ အခွံပေါ်တွင် ပေါ်နေလျှင် အရည်ပွေး ဖြစ်ပါသည် ။

👉 အရည်ပွင့်

ပန်းပွင့်သဏ္ဍာန်သေးငယ်သော အစိမ်းရောင် အပွင့်ကလေးများ အခွံပေါ်တွင် ပေါ်နေလျှင် အရည်ပွင့် ဖြစ်ပါသည် ။

👉 ဝက်မှင်

ကျောက်စျမ်း၏ အခွံပေါ်တွင် တစ်ခါတစ်ရံ တွေ့ရတတ်သော အနက်စင်းများ ဖြစ်သည် ။အရည်ကြောတွင်လည်း ဖြစ်ပေါ်နေတတ်သည် ။ အသားတွင်လည်း ဝက်မှင် ကဲ့သို့ သေးငယ်သောအနက်စင်းကလေးများ တိုးဝင်နေတတ်သည် ။ ထိုသို့တိုးဝင်နေလျှင် အရည်ကောင်းစေကာမူ တန်ဘိုးလျော့သွားတတ်သည်ကို သတိပြုရပါမည် ။

👉 ဖားမျက်ဆံ

ကျောက်စိမ်း၏အခွံပေါ်တွင် ဖားမျက်ဆံကဲ့သို့ဖုထွက်နေသော အရည်ကွက် ကလေးများဖြစ်ပါသည် ။ ယင်း၏ အရည်သည် အလင်းရောင်တွင်ကြည့်ပါက အရည်ကောင်းအဖြစ်တွေ့ရတတ်သော်လည်း အသားတွင်းသို့ မဝင်တတ်ပါ ။ အရည်ပွေး ၊ အရည်ပွင့် များနှင့် ရုတ်တရက်ရောထွေးကာ လွဲမှားသောကောက်ချက် ချတတ်ကြသဖြင့် သတိထားသင့်ပါသည် ။

👉 မောက်

အနက်ရောင်သမ်းသည့်ကျောက်သားတွင် ပတ်ပတ်လည်တွင် ဝင်ရောက်နေသောအပိုင်းဖြစ်သည် ။ ယင်းအပိုင်းတွင် အရည်ကောင်းစွဲနေလျှင် အနာကင်း၍ အသားကောင်းစေကာမူ သွေးလိုက်သည့်အခါ အရောင်မပွင့်ဘဲနေတတ်ပါသည် ။

👉 မားရား

အရည်စွဲသောကျောက်သားတွင်ဖြစ်စေ ၊ အရည်မဝင်သောကျောက်သားတွင်ဖြစ်စေ ၊ ကျောက်စိမ်းမဟုတ်သောအသား ဝင်ရောက်နေခြင်းကို ခေါ်ခြင်း ဖြစ်ပါသည် ။ မားရား၏အရောင်မှာ နို့နှစ်ရောင်ကဲ့သို့ဖြူသော အရောင်ရှိသည် ။ ပြောင်လက်နေသော အဖတ်ငယ်ကလေးများ ကပ်နေခြင်း ဖြစ်ပါသည်။ ယင်းဝင်ရောက်နေလျှင် ကျောက်စိမ်းအသွေးအရောင်ကို ဖျက်ဆီးတတ်သော သဘောရှိသဖြင့် အပြစ်အနာတစ်ရပ်အဖြစ် ထည့်သွင်းရပါသည် ။

★ ★ ★ ★ ★ ★ ★ ★ ★ ★ ★ ★ ★ ★ ★ ★ ★
ကျောက်စိမ်းအရိုင်းတုံးများကို အမျိုးအစားခွဲခြားခြင်း
★ ★ ★ ★ ★ ★ ★ ★ ★ ★ ★ ★ ★ ★ ★ ★ ★

👉 ဂျေးဒိုက်ကျောက်စိမ်းအရိုင်းတုံး၏ အခွံများ

ကျောက်စိမ်းအရိုင်းတုံး အများစုကို အခွံ သို့မဟုတ် အကာဖြင့် ဖုံးအုပ်ထားသဖြင့် အတွင်းပိုင်းရှိ ကျောက်စိမ်းအရည်အသွေးကို ဆုံးဖြတ်ရန်ခက်ခဲလှပါသည် ။ ကျောက်စိမ်းအရိုင်းတုံး အခွံ၏ ဖွဲ့သားမှာ အမျိုးမျိုးရှိပြီး အရောင်မှာလည်း အမျိုးမျိုးဖြင့် တွေရ၏ ။ အများအားဖြင့် အဝါရောင် ၊ အည်ိုရောင် ၊ အညိုရောင်သန်းသော အနီရောင် ၊ အမဲရောင် ၊ အဖြူရောင် စသည်တို့ဖြစ်၏ ။ အရောင်မှာသီးသန့်တစ်မျိုးတည်းမဟုတ်ဘဲ ရောနှော အရောင်များလည်းတွေ့ရတတ်သည် ။ ကျေက်စ်ိမ်းအရိုင်းတုံးနှင့် ဖွဲ့သားအနေအထားတို့၏ သဘာဝသည် ကျောက်စ်ိမ်း၏ မူလဓာတ်ဖွဲ့စည်းပုံနှင့် ကျောက်သားအခံ ( မျိုး ) တို့အပေါ်တွင် အဓိကတည်မှီနေကြောင်း တွေ့ရပါသည် ။
ထို့ပြင် အရိုင်းတုံး၏ မျက်နှာပြင်အနေအထားနှင့်အရောင်သည် ဥတုချေမွခြင်းဖြစ်စဉ်နှင့်
တိုက်ရိုက် ဆက်စပ်နေပါသည် ။ ကျောက်စိမ်းအခွံအမျိုး ကျောက်အခွံတစ်ခုနှင့်တစ်ခုသည် အထူအပါး ၊ အရောင် နှင့် ကျောက်သားကြပ်ခြင်း ၊ ကျွတ်ခြင်း ၊ ပွခြင်း ၊ ရွခြင်း စသည်တို့၌ အားလုံးကွာခြားပါသည် ။ အရိငုးတုံးအခွံ၏အထူသည် ရေတွင်မျောပါသော ရေဆောင်ကျောက်ကုံးပေါ်တွင် တူးဖော်ရရှိသော ကုန်းကျောက်စသည်တို့နှင့် ဆက်နွယ်လျှက်ရှိသည် ။ အရိုင်းတုံးအခွံ၏အရောင်နှင့် ဖွဲ့သား သဘာဝတို့သည် ကျောက်စိမ်း၏ အတွင်းပိုင်း ဓာတ်ဖွဲ့စည်းပုံပေါ်တွင် မူတည်ပါသည် ။ ဂျေးဒိုက်ကျောက်စိမ်း၏ အခွံအမျိုးအစားသည် ကျောက်စိမ်း၏ အတွင်းပိုင်းရှိ အရည်အသွေး ကို အဆုံးအဖြတ်ပေးရန် အဓိကကျသောလမ်းညွှန်ချက်များတွင် တစ်ချက်အပါအဝင်ဖြစ်သည် ။ ကျောက်စ်ိမ်းကုန်သည်များသည် ကျောက်စိမ်းအရိုင်းတုံး၏ အခွံအမျိုးအစားကို အထူးသတိထား၍ စစ်ဆေးကြ၏ ။ အကြောင်းမှာ ကျောက်စ်ိမ်းအခွံ၏ အခြေအနေ နှင့် သဘာဝသည် ကျောက်စိမ်း၏ အတွင်းပိုင်းအသားခံဖြင့်လည်းကောင်း ၊ အရောင်သဘာဝဖြင့်လည်းကောင်းနီးစပ်စွာဆက်စပ်နေသည်ဟု ယုံကြည်ထားကြခြင်းကြောင့်ဖြစ်၏ ။ ကျေက်စိမ်းအရိုင်းတုံးကြီး၏ အခြေအနေကို ကြည့်ရှု့စစ်ဆေးခြင်းဖြင့် အတွင်းပိုင်းရှိ ကျောက်စိမ်း၏ ဖွဲ့သားအသားခံနှင့် အရောင်ကိုသိရှိရန် လမ်းညွှန်ချက်ရရှိနိုင်ပါသည် ။ ဤအချက်သည် မပိုင်းဖြတ်ရသေးသော အရိုင်းတုံးကြီးများ၏တန်ဘိုးကို သတ်မှတ်ရန် အရေးကြီးဆုံး အထောက်အထားတစ်ရပ်ဖြစ်၏ ။ ကျောက်စိမ်းအရိုင်းတုံးကြီး၏ အခွံကို လေ့လာသုံးသပ်၍ ၄င်း၏အတွင်းပိုင်းရှိအရည်အသွေးကို အကဲဖြတ်ရန် အလွန့်အလွန်ခက်ခဲလှပါသည် ။ သို့သော် အချို့သောအရိုင်းတုံးများကို ၄င်း၏ အခွံကိုလေ့လာ၍ ရံဖန်ရံခါ မှန်ကန်စွာ အကဲဖြတ်နိုင်ပါသည် ။ အရောင်၏ သဘာဝနှင့် ဖွဲ့သားအသားခံ အမျိုးအစား အချက်နှစ်ချက်အပေါ် အဓိကအခြေခံ၍ ကျောက်စိမ်းကုန်သည်တို့သည် ကျောက်စိမ်းအရိုင်းတုံး များကို အမျိုးအစား ( ၂၀ ) မှ
( ၂၀ ) ကျော်အထိ ခွဲခြားသတ်မှတ်ကြသည် ။

★ သဲဆန်သောအခွံ

ကျောက်စိမ်းအခွံပေါ်ရှိ ယမ်း ( အစေ့ ) များသည် အရွယ်အစားကြီး၍ သဲဆန်သောအစေ့ငယ်များကို လက်ဖြင့်ပွတ်၍ ခံစားသိရှိနိုင် ၏ ။ တစ်ခါတစ်ရံ ရွယ်သေးစေ့များကိုလည်း တွေ့နိုင်သည် ။ ဤအမျိုးအစားအခွံများကို ယေဘုယျအားဖြင့် သဲဆန်သောအခွံ ဟုခေါ်ပြီး အရောင်အပေါ်မူတည်၍ အောက်ပါအတိုင်း အမျိုးအစားများ ထပ်မံခွဲခြားသတ်မှတ်ပါသည် ။

★အဖြူရောင်ဆန်သောအခွံ

ဤကျောက်စိမ်းအရိုင်းတုံးအခွံ၏အရောင်သည် အဖြူရောင် ဖျော့ ဖြစ်သည် ။ အရောင်မဲ့နီးပါးဖြစ်ပြီး မီးခိုးရောင်အနုကို အများဆုံးတွေ့ရ၏ ။ ဤအခွံအမျိုးအစားရှိသော အရိုင်းတုံး၏ အတွင်းပိုင်း၌ အရည်အသွေးကောင်းသော အစိမ်းရောင်ကို တွေ့ရလေ့မရှိချေ ။

★အဝါရောင် သဲဆန်သော အခွံ

အဝါရောင် သဲဆန်သောအခွံ များကို အဝါနုရောင် ၊ မြေဝါရောင်နှင့် အည်ိုရောင် သန်းသောအဝါရောင် စသည်ဖြင့်တွေ့ရ၏ ။ အထူအပါး အမျိုးမျိုးရှိပြီး အချို့သော အဝါရောင်ဆန်သောအခွံများသည် စင်တီမီတာ အနည်ငယ်အထိ ထူသည် ။ ဤအခွံအမျိုးအစားတွင် ကျောက်စိမ်းတွင်းထွက်များ၏ ယမ်း ( အစေ့ဖွဲ့ကျောက်သား ) ကိုကောင်းစွာ တွေ့မြင်ရ၏ ။ဤအခွံအမျိုးအစားရှိသော ကျောက်စိမ်းအရိုင်းတုံး များတွင် အစိမ်းရောင် ပါဝင်မှု့အချိုးအစားများသော်လည်း အရောင်ညီညာမှု့မရှိချေ ။ ဤအရိုင်းတုံးတွင် တောက်ပ၍ပီပြင်ထင်ရှားသော အစိမ်းရောင် အကြောများကို တွေ့ရတတ်ပါသည်။ ( ၁၉၉၃ ) ခုနှစ် မြန်မာ့ ကျောက်စိမ်း လေလံတင်ပွဲတွင် အနည်းငယ် ကွမ်ချက်ပြထားသော ကျောက်စိမ်းအရိုင်းတုံး တစ်တုံးကို ကြမ်းခင်းစျေးထက် ဆယ်ဆကျော်ပေး၍ ဝယ်ယူသွားပါသည် ။ ယင်းကျောက်စ်ိမ်းအရိုင်းတုံးသည် အဝါရောင် သဲဆန်သောအခွံ အမျိုးအစား ဖြစ်ပြီး အစိမ်းရောင် အကြောများကို လည်းတွေ့ရ၏ ။
အဝါရောင်သဲဆန်သောအခွံ၏အဝါရောင်သည် လီမွန်နိုက်သံ ( lemonite ) ပါဝင်မှု့ကြောင့်ဖြစ်သည် ။ ကျောက်တွင်ပါဝင်ဖွဲ့စည်းထားသော သံဓာတ်သည် ဓါတ်ပြိုကွဲခြင်းဖြစ်ကာ လီမိုနိုက်သို့ပြောင်းလဲသွား၍ အဝါရောင်အခွံ ဖြစ်ပေါ်ရခြင်းဖြစ်၏ ။ ဤအခွံအမျိုးအစားများသည် ကျောက်စ်ိမ်းအရိုင်းတုံးများတွင် အတွေ့ရများသော အခွံအမျိုးအစားဖြစ်၏ ။

★သံဓါတ်ပါ သဲဆန်သောအခွံ

ဤကျောက်စိမ်းအရိုင်းတုံး၏အခွံသည် အနီရောင် သန်းသော အညိုရောင်ဖြစ်သည် ။ ဂျေးဒိုက်ကျောက်တွင်ပါဝင်ဖွဲ့စည်းထားသော သံဓာတ်သည် ဓာတ်ပြောင်းလဲခြင်းဖြစ်စဉ်ကြောင့် ဤအရောင်ဖြစ်ရခြင်းဖြစ်၏ ။ ယင်းအရိုင်းတုံးသည် ကြမ်းတမ်းသောမျက်နှာပြင်ရှိပြီး သံချေးတက်နေသောလွှာချပ် အနေအထားကိုတွေ့ရ၏ ။ သံဓာတ်ပါ၍ သဲဆန်သောအခွံရှိသည် ။ ကျောက်စိမ်းအရိုင်းတုံးသည် လုံးဝိုင်းသောပုံသဏ္ဍာန်မရှိ ၊ အချိုင့်အခွက်အဖုအထစ်များပါသော ပုံသဏ္ဍာန်ဖြင့် တွေ့ရတတ်၏ ။ အတွင်းပိုင်းကျောက်စိမ်းသည် ရေခဲသား အမျိုးအစား ဖြစ်တတ်၏ ။ကောင်းမွန်သော ကျောက်သား အသားခံရှိပြီး ပီပြင်ထင်ရှားသော အစိမ်းရောင် အကြောများကိုလည်း တွေ့ရတတ်၏ ။

★ အမည်းရောင် ဆန်သော အခွံ

ဤအမျိုးအစား အရိုင်းတုံး၏ အခွံသည် မည်းနက်သောအရောင်ရှိ၏ ။ တစ်ခါတစ်ရံ အဖြူရောင်ျကောက်စိမ်း တွင်းထွက်အစေ့အခဲ အနည်းငယ် ရောနှော ပါဝင်ခြင်းကြောင့် အရောင်မှာ မီးခိုးရောင် ဖြစ်နေတတ်၏ ။ဤအခွံမျိုးရှိ အရိုင်းတုံးတွင် အစိမ်းရောင်လည်းတွေ့နိုင်၏ ။အတွေ့အကြုံများသော ကျောက်ကုန်သည်တို့သည် အရိုင်းတုံးကိုဝယ်ယူသောအခါ အခွံ၏အရောင် ၊ အတိမ်အနက် ၊ အထူအပါးနှင့် အသားခံ ၊ ယမ်းသဘာဝကို အထူးဂရုစိုက်စစ်ဆေးကာ ဝယ်ယူလေ့ရှိ၏ ။ ၄င်းတို့၏အယူအဆမှာ အမဲရောင်သဲဆန်သောအခွံရှိ ကျောက်စိမ်းအရိုင်းတုံးမှ အစိမ်းရင့်သောကျောက်စိမ်းကို ရနိုင်ပြီး အရည်မှာ ပြည့်ဝစိမ်းစိုသောအရောင် ဖြစ်နိုင်ချေအလားအလာပို၍ရှိသည် ။အမှန်စင်စစ် အစိမ်းရင့်လွန်းသောအရောင်ဖြစ်ပြီး ၄င်းသည်အစိမ်းရောင်ဖြစ်စေသည့် ခရိုမီယမ်ဓာတ်စင်ပြည့်ဝစွာ ပါဝင်ဖွဲ့စည်းထားသောကြောင့်ဖြစ်သည် ။ ဤအခွံအမျိုးအစား ကျောက်စိမ်းအရိုင်းတုံးမှ ပြည့်ဝစိမ်းစိုသော အရည်အသွေးကောင်းသည့် ကျောက်စိမ်းကို မကြာခဏ ရတတ်သည့်အပြင် တွေ့ရသောထုထည်ပမာဏမှာလည်း ကြီးမားပါသည် ။ ကျောက်စိမ်းကုန်သည် အချို့တို့သည် ဤအခွံအမျိုးအစားရှိသော ကျောက်စိမ်းအရိုင်းတုံးတို့ဖြင့် ကြွယ်ဝချမ်းသာခဲ့ကြ၏ ။ ဤအခွံအမျိုးအစားတွင် အမည်းရောင်အစက်အပျောက်များလည်း ပါဝင်နိင်၏ ။ အကယ်၍ အမည်းရောင်အစက် အပျောက်များသည် သေးငယ်ပြီး အရေအတွက်များစွာ ပါဝင်နေပါက ယင်းတို့ကိုဖြတ်သွေးသောအခါ ဖယ်ထုတ်ပစ်ရန်ခက်ခဲသဖြင့် အရိုင်းတုံး၏တန်ဘိုးကို များစွာကျဆင်းစေပါသည် ။ ကျောက်စိမ်းအရောင်းအဝယ်လောကတွင် စကားပုံတစ်ခုရှိရာ ၄င်းမှာ " အမည်းရောင်သဲဆန်သော အခွံသည် လူများစွာကို ချမ်းသာစေခဲ့သလို လူများစွာကိုလည်း ဆင်းရဲမွဲတေစေခဲ့ပါသည် ။ စွန့်စားရသော လောင်းကစားဆန်သော ကျောက်စိမ်းအရိုင်းတုံးမျိုးဖြစ်သည် ။ ကျွမ်းကျင်သူများ၏ အခိုင်အမာပြောကြားချက်အရ ကွမ်ချက်တွင်တွေ့ရသော အသားခံကို အသေအချာကြည့်ရှု့၍ ဤကျောက်စိမ်းအရိုင်းတုံး၏တန်ဘိုးကို သတ်မှတ်ရပါသည် ။

★ရေကျောက်

ရေကျောက်အမျိုးအစား ကျောက်စိမ်းအရိုင်းတုံး ၏အခွံကို လက်ဖြင့်ကိုင်ကြည့်ပါက မျက်နှာပြင်ချောမွေ့ကြောင်း တွေ့ရပြီး မျက်နှာပြင်ပေါ်တွင် သဲစေ့လေးများ မရှိချေ ။ အခွံမှာ အလွန်ပါးပြီး အများစုမှာ အည်ိုရောင် ဖြစ်ပြီး မီးခိုးရောင် ၊ အမဲ ၊ အညိုနှင့် အဝါရောင်စသည်ဖြင့်တွေမြင်နိုင်၏ ။ အတွင်းပိုင်းရှိ ကျောက်စိမ်း၏ အရောင်သဘာဝကို အခွံကို ဖောက်၍တွေ့မြင်နိုင်ပြီး တွေ့မြင်ရသော အစိမ်းရောင်မှာ အစိမ်းနုမှ ပီပီပြင်ပြင်စ်ိမ်းသော အစိမ်းရောင်အထိ တွေ့ရ၏ ။ ရေကျောက်တွင် ပထမတန်းစား ၊ ကျောက်ဖွဲ့သား ၊ အသားခံ တွေ့ရသည် ။ အခွံပါးလေ သဲခွံကျောက်စိမ်းတုံးများထက် အစိမ်းရောင် ပါဝင်မှု့ပိုများလေဖြစ်ပြီး စျေကောင်းပို၍ရနိုင်၏ ။ ရေကျောက်များ ပေါ်လာရခြင်းမှာ ကျောက်စိမ်းတုံး ကြီးများသည် ဥရုမြစ်ကြောင်းတစ်လျှောက်နှင့် ချောင်းများတစ်လျှောက် ကာလကြာမြင့်စွာ လိမ့်မျော၍ သယ်ယူပို့ဆောင်မှု့ခံရခြင်းကြောင့် ဖြစ်၏ ။ ကျောက်စိမ်းတုံးကြီးများသည် မြစ်များ ၊ ချောင်းများ၏ အောက်ခံကြမ်းပြင်နှင့် ပွတ်တိုက်စားခံရခြင်းကြောင့်လည်းကောင်း ၊ ၄င်းတို့အချင်းချင်း ပွတ်တိုက်ခြင်းကြောင့်လည်းကောင်း ဖြစ်ပေါ်လာရခြင်းဖြစ်၏ ။ ထို့ကြောင့် ကျေက်စ်ိမ်းတုံးကြီးများ၏ ကျစ်လစ်ခိုင်ခံသော အတွင်းပိုင်း သာလျှင် ကျန်ရစ်ခဲ့၏ ။ ရေကျောက် အများစုမှာ ကျောက်သားအသားခံကောင်းမွန်၍ အလင်းပေါက်ခြင်းဆိုင်ရာ ဂုဏ်သတ္တိလည်း ကောင်းမွန်၏ ။ ဤအခွံရှိသော ကျောက်စ်ိမ်းအရိုင်းတုံးမှ အရည်အသွေး မြင့်မားသော ကျောက်စိမ်းရရှိတတ်ပါသည် ။

★ကြွေသားအခွံရှိ ကျောက်စိမ်းအရိုင်းတုံး

ဤကျောက်စိမ်းအရိုင်းတုံး၏ အခွံသည် အတွင်းပိုင်းရှိ ကျောက်စ်ိမ်းကို အပြည့်အဝ ဖုံးအုပ်ထားသဖြင့် အတွင်းပိုင်းရှိ ကျောက်စိမ်း၏ အရောင် ၊ အလင်းပေါက်ခြင်းဆိုင်ရာ ဂုဏ်သတ္တိနှင့် အသားခံသဘာဝတို့ကို ခန့်မှန်းရာ၌ သေချာမှု့လုံးဝမရှိတော့ပေ ။ ယင်းအခွံ၏ အစိတ်အပိုင်း အချို့ကို ကွမ်ချက်ချပြီး အတွင်းပိုင်းရှိ ကျောက်စိမ်း၏ အရည်အသွေးကို အားကောင်းသော လက်နှိပ်ဓာတ်မီး၏ စူးရှသော အလင်းရောင်ဖြင့် ဆုံးဖြတ်နိုင်၏ ။" ကွမ်ချက် " သေးလျှင် ကျောက်စိမ်းအရိုင်းတုံး၏ တန်ဖိုးဖြတ်ရန် ခက်ခဲပြီး ကွမ်ချက်ကြီးလျှင် အရိုင်းတုံး၏ တန်ဖိုးဖြတ်ရန် ပိုမိုလွယ်ကူပါသည် ။ အတွေ့အကြုံရင့်ကျက်သော ကျောက်ကုန်သည်တို့သည် " လောင်းကစားကျောက် " များကို ဝယ်ယူခြင်းဖြင့် ကံစမ်းလိုကြ၏ ။ အတွေ့အကြုံမရှိသောကုန်သည်များအနေဖြင့် ဤကဲ့သို့သော စွန့်စားမှု့မျိုးကို မပြုလုပ်သင့်ပေ ။

★ သန့်ရှင်းကြည်လင်သောကျောက်

ဤကျောက်စိမ်းအရိုင်းတုံးများသည် အခွံမဲ့နီးပါးဖြစ်၏ ။ ယင်း ကျောက်စိမ်းအရိုင်းတုံး၏ အရောင် ၊ အသားခံနှင့် အလင်းဆိုင်ရာ ဂုဏ်သတ္တိအားလုံးကို ရှင်းရှင်းလင်းလင်း တွေ့မြင်ရ၏ ။

★ တစ်ခြမ်းမည်း တစ်ခြမ်းကြည် ကျောက်စိမ်းတုံး

ဤ အမျိုးအစား ကျောက်စ်ိမ်းအရိုင်းတုံးတွင် အခွံတစ်ခြမ်းကို ကွမ်ချက်ပြ ထား၏ ။ အတွင်းပိုင်းရှိကျောက်စ်ိမ်း၏ အရောင်နှင့် အသားခံကို ပိုမိုတွေ့မြင်ရသော်လည်း ကျောက်၏အခြားအရည်အသွေးကိုသိရှိရန် ဆက်လက်ေ့လလာစူးစမ်းရပါမည် ။ နိုင်ငံတော် အစိုးရ၏ ကျောက်စ်ိမ်း လေလံပွဲများတွင် ဤအမျိုးအစား ကျောက်စိမ်း အရိုင်းတုံးများကို အများအပြား တွေ့ရ၏ ။

★ ကျောက်စ်ိမ်း အရိုင်းတုံး၏ အရည်အသွေး

ကျောက်စိမ်းအရိုင်းတုံး လေလံတင်ရောင်းချပွဲများတွင် ကျောက်စိမ်းအရိုင်းတုံးများကို ယင်းတို့၏ အရည်အသွေး အလိုက် အတန်းအစားများ ခွဲခြားသတ်မှတ်ထားပါသည် ။ အရည်အသွေး အတန်းအစားများ ခွဲခြားရာတွင် အောက်ပါအချက်များကို အခြေခံထားကြောင်း တွေ့ရပါသည် ။
(၁) အရောင်အမျိုးအစားနှင့် ပါရှိသောအရောင်များ၏အချိုးအစား
(၂) အရောင်စွဲဝင်နေသော ကျောက်သားထု၏ အတိမ်အနက် ၊ အထူအပါး ၊ အကျယ်ပြန့်
အတိုင်းအတာ
(၃) အရောင်၏ ပီပီပြင်ပြင်ရှိမှု့
(၄) အလင်းပေါက်ခြင်းအတိုင်းအတာ
(၅) ကျောက်သား အသားခံ
(၆) အက်ရာများ ၊ အနာများ၏ အခြေအနေ တို့ဖြစ်ပါတယ် ။
Credit jasmine jade
(လေးစားစွာဖြင့် ကူးယူဖော်ပြခြင်း)
ကျောက်စိမ်းပညာလေးတွေမျှဝေပေးနေမို့page‌ေလးကိုfollowထားကြမို့မမေ့ပါနဲ့နော်🥰