07/01/2024
အသားအရေကောင်းဖို့ဆိုတာ အိပ်ချိန်မှန်ပြီး၊အိပ်ရေးဝဖို့လည်းလိုသေးတယ်။
ကောင်းပေ့ဆိုတဲ့ Skincare ပစ္စည်းတွေအများကြီးသုံးနေပေမဲ့၊ ကိုယ်က သန့်ရှင်းမှုအားနည်းပြီး၊ ကောင်းမွန်တဲ့ lifestyle ထဲမှာရှိမနေရင်တော့ အသားအရေကောင်းဖို့က အမြဲတစ်ခုခုတော့ထပ်လိုနေလိမ့်မယ်။
အထူးသဖြင့် ဝက်ခြံသမားဆို Skincare တော့ရှယ်သုံး၊ဆေးခန်းတွေလည်းအကြိမ်ကြိမ်ပြပေမဲ့၊ အိပ်ရေးပျက်များပြီး အိပ်ချိန်မမှန်ဘူးဆို သက်သာရမဲ့ဝက်ခြံက သက်သာဖို့ပိုကြာသလို၊ အိပ်ချိန်မမှန်တော့ ပျောက်ရမဲ့ဝက်ခြံက မပျောက်နိုင်တော့ဘူး။
အသားအရေအတွက်တင် ကောင်းမွန်တဲ့အိပ်စက်ခြင်းလိုအပ်တာမဟုတ်၊ ဂျူလီတို့ဦးနှောက်နဲ့ ခန္ဓာကိုယ်တစ်ခုလုံးအတွက်ပါ sleep quality ကလိုအပ်တယ်။ အိပ်ရေးပျက်တာများလာရင် ဂျူလီတို့ဦးနှောက်ရဲ့တွေးခေါ်ပုံ၊အလုပ်လုပ်နိုင်ပုံတွေ တဖြည်းဖြည်းနဲ့ လျော့ကျလာနိုင်သလို၊ ရေရှည်ကျန်းမာရေးအတွက်လည်းမကောင်းဘူး။
မြင်သာအောင် အိပ်ရေးဝတဲ့နေ့နဲ့၊ အိပ်ရေးမဝတဲ့နေ့ပဲယှဉ်ကြည့်။ အိပ်ရေးမဝတဲ့နေ့ဆို လူကထုံထုံမှိုင်းမှိုင်းနဲ့ အလုပ်လုပ်ရတာလည်းစိတ်မပါဘူး။ ဘာလုပ်လုပ် တက်တက်ကြွကြွမရှိဘူး။ စဉ်းစားတွေးခေါ်နိုင်စွမ်းလည်း လျော့တော့တော့နဲ့။ သုံးရက်လောက်သာ အိပ်ရေးမဝတာဆက်ရင် ဂျူလီဆို မျက်ကွင်းညို+အဖုတစ်သိန်းပဲ။
ဝက်ခြံသက်သာဖို့နဲ့၊ ကောင်းမွန်တဲ့အသားအရေရရှိဖို့ဆိုတာ ငွေကုန်တဲ့ skincare ၊ လိုအပ်ရင်ဆေးခန်းပြ၊ treatment ယူတာမျိုးကလည်း အရေးပါတယ်ဆိုပေမဲ့၊ ငွေမကုန်တဲ့ အိပ်စက်ခြင်း၊အစားအသောက်တို့လို diet & lifestyle တွေကလည်း လိုသေးတယ်။
ဒါ့ကြောင့် ကိုယ်က ကောင်းမွန်တဲ့အသားအရေပိုင်ဆိုင်ချင်ရင် skincare လည်းလုပ်၊ အိပ်ရေးလည်းဝဝအိပ်၊ အိပ်ချိန်မှန်အောင်အိပ်။ အိပ်တာနောက်ကျတဲ့အကျင့်ကို တဖြည်းဖြင်းချင်းပြင်ကြည့်ပါ။ ဒါဆိုရင် အရင်တုန်းကထက် အသားအရေကောင်းမွန်လာတာ သိသိသာသာမြင်ရမှာပါ။
Let’s care with
Juliee,
Reposting & copying are not permitted.
