01/07/2024
သုံးသင့်သလောက် သုံး
ရှာသင့်သလောက် ရှာ
ပိုက်ဆံရှာရင်း ပျော်တတ်ပါစေ။
ငွေဆိုတာ ပျော်ရွှင်မှုအတွက် ကြားခံပစ္စည်းတစ်ခုပါ။
ငွေကို နတ်ဘုရားလို ကိုးကွယ်သွားရင်တော့
အရူးတယောက်လို အလုပ်လုပ်ပေတော့ ပေါ့။
ငွေကြောင့် လူဖြစ်လာတယ်လို့ ယူဆရင်
ငွေက နတ်ဘုရား။
လူကြောင့် ငွေဖြစ်လာတယ် လို့ ယူဆရင်
ကိုယ်က ငွေရဲ့ အရှင်သခင်။
ဂျပန်နိုင်ငံမှာ အလုပ်ကြိုးစားလွန်းလို့ သေတဲ့သူတွေ ရှိပါတယ်။
စင်္ကာပူမှာလည်း နေ့ညမအား ဘဝပျောက်နေတဲ့ ခွဲစိတ်ဆရာဝန်တွေ ရှိပါတယ်။
ဒေါ်လာသန်းချီတန်တဲ့ ကွန်ဒိုဝယ်ပြီး ညအိပ်ချိန်သာ အိမ်ပြန်အိပ်ရသူတွေ ရှိပါတယ် ။
အိမ်ဖော်လေးတွေကသာ ကွန်ဒိုမှာနေ, ဒေါ်လာသောင်းချီတဲ့ ဆိုဖာပေါ်ထိုင်, လက်မ ၁၀၀ Ultra HD တီဗွီနဲ့ အဲကွန်းအောက်မှာ နှပ်နေရတာတွေ ရှိပါတယ်။
ဘယ်လောက် ငွေကြေးချမ်းသာနေပါစေ
မကျန်းမာရင်
သူဆင်းရဲထက် ဘဝဆိုးပါတယ်။
မကျန်းမာတဲ့ ခန္ဓာကိုယ်ဟာ ဘယ်အရာကိုမှ သာသာယာယာ ခံစားနိုင်စွမ်းမရှိပါဘူး။
ကျန်းမာတဲ့ ခန္ဓာကိုယ်ကသာ အရာရာကို ခံစားနိုင်စွမ်းရှိတာပါ။
ဒါကြောင့် ငွေကြေးဘယ်လောက် ချမ်းသာပါစေ။
ကိုယ့်ကျန်းမာရေးအတွက်ကတော့ တစ်နေ့ကို အနည်းဆုံး အချိန် တစ်နာရီလောက်တော့ ပေးရမှာပါ။
မိသားစုအတွက် အချိန်ပေးပါ။
ချစ်သောသူတွေအတွက် အချိန်ပေးပါ။
မိတ်ဆွေတွေအတွက် အချိန်ပေးပါ။
ပျော်ရွှင်ကျေနပ်စရာ ဘဝကို ပိုင်ဆိုင်ရပါလိမ့်မယ်။
ငွေနောက်လိုက်ရင်း လမ်းပျောက်သူတွေ မဖြစ်ကြစေဖို့ ပြောပြတာပါ သူငယ်ချင်း။
Crd