16/12/2025
👩🍳Цангис авсан хэрэглэгч нартаа зориулаад шинэ жилийн ширээгээ чимэх амтат салатны жор орууллаа.
🥗Бууцай, цангистай салат
Орц:
🥣Салатанд:
-1 аяга хатаасан цангис жимс
-450гр бууцай (зөөлөн байлгахын тулд baby spinach байвал тохиромжтой)
-1 аяга шарсан алмонд (нимгэн хэрчсэн эсвэл зүссэн байвал илүү тохиромжтой) Pistachio эсвэл пекан, хушга ч байж болно
🍵Соусанд:
-1 хоолны халбага гүнжидийн үр /чиа үр ч байж болно/
-1/2 аяга оливын тос
-2 хоолны халбага алимны цуу
-3 хоолны халбага нунтаг сахар
-1 хоолны халбага жижиглэж хэрчсэн ногоон эсвэл улаан сонгино(амтыг жигд тараахын тулд маш нарийн)
-3 хоолны халбага зөгийн бал/Maple сиропоор мөн орлуулж болно
-1/4 аяга цагаан дарсны цуу
👩🍳Хийх заавар:
Алхам 1: Саванд эсвэл шилэн саванд цагаан дарсны цуу, алимны цуу, сахар-ыг хийж, сахар бүрэн уустал сайтар хутгана.
Ингэснээр соусны чихэрлэг, исгэлэн суурь бэлэн болно.
Дараа нь оливын тос, зөгийн бал, нарийн хэрчсэн сонгино, гүнжидийн үрийг нэмээд холимог жигд болж, тос цуу хоёр нийлэгжтэл хутгана.
Соусыг хэрэглэх хүртлээ хойш тавьж амраана.
Алхам 2: Салатны орцуудыг хольж бэлтгэх
Том салатны аяганд шинэхэн бууцайны навчууд, нимгэн хэрчсэн эсвэл зүссэн алмонд, хатаасан цангис жимс-ийг хийж холино.
Эдгээр орцууд нь салатанд амт ба бүтэцийн сайхан зохицол бий болгоно.
Алхам 3: Соус нэмээд хутгах
Бэлтгэсэн соусыг салат дээрээ жигд асгана.
Бууцай, алмонд, цангис жимсийг соусаар жигд бүрхэгдэхээр зөөлөн хутгана.
