31/07/2026
За хүүхдүүд маань визээ хүлээгээд догдолж байцгаана уу
Энэ үед Солонгост суралцах талаар, мэргэжил сонгох талаар, тэр сургууль хэр вэ, энэ хот ямар вэ гээд асуултууд их байх шиг байна.
Ерөнхийд нь нэг зөвлөгөө маягийн юм бичье гэж бодлоо.
1рт: Туйлын үнэн гэж байхгүйг санах хэрэгтэй. Энэ нь юу гэсэн үг вэ гэвэл Дорж хэлсэн болохоор худлаа, Дондог хэлсэн нь үнэн гэж бодох боломжгүй юм. Тиймээс цуглуулсан мэдээллүүд дээрээ тулгуурлаад дүгнэлтээ та өөрөө гаргана. Хувийн өнцгөө тулгасан саналууд зөндөө байдаг. Жишээлбэл зохион бүтээх чадвартай өвөрмөц сэтгэлгээний уртай дизайнер болох хүүхдийг монголд хамгийн хэрэгцээт мэргэжил бол уул уурхай юм гээд инженер болгочихож болохгүй юм. Эсвэл аливаад уужуу хандаж удаан боловсруулж байж шийдвэр гаргах төрлийн хүнийг энэ удаад л боломж байна үгүй бол хоцроно гэх мэтээр яаран буруу сонголт хийлгэх ч тохиолдлууд зөндөө. Тиймээс туйлын үнэн гэж үгүйг ямагт санах
2рт: Ангийнхан бүгд сургуульд явах боллоо гээд дагаад, санд мэнд ямар нэг сургуулийн ямар нэг анги сонгоод эцэг эхийнхээ чиний ирээдүйд зориулан олон жил хумьж хураасан мөнгө дээгүүр нүдээ аниад гишгэчиж болохгүй. Энэ нь чи хүссэн ангидаа орж чадаагүй байсан ч үүнийг өөрт ашигтайгаар эргүүлэх боломжтой. Чи хүссэн хувиараа авч чадаагүй нь чамайг чин сонирхолоо тодорхойлох хугацаа болж, амжилт гаргах үүд нээгдэж болох юм. Тиймээс бусдын шуургыг даган бүү урууд.
3рт: нэгэнт бусдын нөлөөллөөр буруу сонголт хийсэн бол засах боломж нь үргэлж байдаг. Чи дуртай биш мэргэжлээ хэн нэгний ятгалгад ороод сураад эхлэчихсэн байлаө гэж бодъё. Энэ үед чи дургүй байгаа эрт мэдсэндээ баярлаад дуртай зүйлээрээ сурч тэрүүгээрээ аз жаргалтай ажиллах хэрэгтэйг ухаарсан нь чиний аз юм. Оройтоогүй тул солиод дуртай мэргэжлээрээ сураад насаараа амжилттай ажиллаж, аз жаргалтай амьдрах юм. Энд яагаад насаараа гэж оруулав гэхээр жилийн 270 ажлын өдөртэй гэж тооцвол амьдралынхаа 75%-ийг ял мэт өнгөрөөх үү, дуртай ажлаа хаппи хийж өнгөрөөмөөр байна уу гэдэг сонголт юм. Дээрээс нь дуртай байна гэдэг нь зүрх сэтгэлдээ аз жаргалыг мэдэрч байгаа болохоор далд ухамсарын түвшинд амжилттай байх нь тодорхой юм.
4рт: Гадаадад ч бай дотоодын их дээд сургуульд ч бай сурахаар шийдсэн бол сурч мэдэхдээ л анхаарах. Жишээлбэл Солонгост сурахаар шийдээд очсон бол миний мэргэжил монголд ажлын байр олдох боловуу, дэлхийн чиг хандлага өөрчлөгдөөд миний мэргэжлийн хэрэгцээ буурчихвий гэх мэт эргэлзээ огт хэрэггүй юм. Чиний толгойд хийсэн мэдлэг ямарч үед үнэлэгдэнэ гэдгийг санаад сурахдаа анхаарч нэг хүүхдээс ч гсн илүү сурах чухал. Харин сурч байх үедээ ядрах өлсөх гэрэээ санах түмэн бэрхшээлийг давахдаа сургуулиа төгсөөд маш гоё ажлын байранд маш нэр хүндтэй ажиллаж байгаагаар төсөөлөл үүсгэж давах хэрэгтэй. Энэ нь бүүр өөрийнхөө үнэлэмжээс давсан том албан тушаал ч байж болно. Тэрнийхээ хирээр чи тухайн үеийн бэрхшээлийг туулахад илүү хүчтэй байна, дээрээс нь далд ухамсрын түвшинд биелэх боломж нь ч нэмэгдэж байдаг байхнээ..
Гэх мэт зөвлөгөөгөө харамгүй өгч байх болноо. Та бүхэндээ амжилт хүсье. #эвтбриж #Солонгос
