06/10/2026
ХЭН НЭГЭН ЧАМАЙГ ГОМДООВОЛ ҮҮНИЙГ ХИЙЖ ДАДААРАЙ
1. Шууд бүү хариу үйлдэл үзүүл. Эхлээд тайвшир.
Өвдөлт, уур бухимдал биднийг дараа нь харамсах үг хэлэхэд хүргэдэг. Сэтгэл хөдлөлөө намжих хугацаа өг. Дараа нь хариу өгөх нь үнэхээр хэрэгтэй эсэхийг шийд.
2. Заримдаа чимээгүй байх нь уураас илүү хүчтэй.
Хэн нэгний үл хүндэтгэсэн үйлдэл бүрт хариу өгөх шаардлагагүй. Заримдаа маргаан, зөрчлийн оронд тайван байдлаа сонгох нь илүү хүчирхэг хариулт болно.
3. Сэтгэл хөдлөлөөр хариу үйлдэл үзүүлэхээ болих үед чи хүчтэй болж байдаг.
Бүх маргаанд заавал ялалт байгуулах шаардлагагүй. Аливаа нөхцөл байдалд анхаарал, эрч хүчээ ихээр зарцуулахаа болих үед л жинхэнэ амар амгалан эхэлдэг.
4. Сэтгэлээсээ хязгаарлан удирдах нь хүйтэн сэтгэл биш. Энэ бол сэтгэл хөдлөлийн эрх чөлөө.
Буддын сургаалд зууралдалтаас ангижрах гэдэг нь бусдын үйлдэл чиний дотоод байдлыг бүхэлд нь удирдахгуй байхыг сурахыг хэлдэг. Чи бусдыг халамжилж болно. Гэхдээ тэдний үйлдэл өөрийг чинь шатаахгуй, удирдахгуй байлгах хэрэгтэй.
5. Шаардлагатай бол чимээгүйхэн холд.
Бүх төгсгөлд дуулиан, өшөө авалт, эцсийн тайлбар хэрэгтэй байдаггүй. Заримдаа хамгийн эрүүл сонголт бол зүгээр л зайгаа авч, амьдралаа цааш үргэлжлүүлэх явдал.
6. Чанга уурлахаас илүү тайван байдоыг сонго.
Ууртай үедээ хэн ч хариу үйлдэл үзүүлж чадна. Харин бодож байж хариулах, эсвэл огт хариу өгөх шаардлагагүй гэдгийг ухаарах хэмжээний өөрийгөө хянах чадвар бол жинхэнэ хүч юм.
7. Зовлон зүдгүүрийг сэтгэлдээ хат суулгаж, хатингаршуулах биш, ухаанаа уран болгоход ашигла.
Хүнд хэцүү зүйлс бидэнд хил хязгаар, хүн таних ухаан, өөрийгөө хүндлэхийг зааж чадна. Чамд тохиолдсон зүйл чамайг хүйтэн сэтгэлтэн биш биш, илүү ухаалаг хүн болгоосой.
8. Өшөө авахын оронд амар амгаланг мэдэр.
Өшөө авалт чамайг үргэлж тэр дайсантай чинь холбож байдаг. Харин амар амгаланг мэдэрч сурах тусам тэр холбоо аажмаар тасарч, эрч хүч чинь эргэн сэргэж ирдэг.
9. Үнэнг үйлдэл, цаг хугацаа хоёрт даатга.
Бүхнийг өөрөө тайлбарлаж, бүх маргааныг өөрөө шийдэх шаардлагагүй. Хүмүүс өөрсдийгөө ухамсаргүй давтан үйлдлээрээ илчилдэг. Өөрийнхөө үйлдэлд л анхаар. Үлдсэнийг цаг хугацаанд даатга.
10. Чимээгүй байх нь сул дорой байдал биш. Энэ бол хүч.
Тайван сэтгэл өөрийгөө хүн бүрт батлах шаардлагагүй. Заримдаа хамгийн хүчтэй хариулт нь чиний амар амгаланг үймүүлж буй зүйлд оролцохгүй байх явдал юм.
Буддагийн сургаал хэмээн уламжлагдан ирсэн нэгэн алдартай зүйрлэлд:
“Уурыг атгаж явах нь хэн нэгэн рүү шидэхээр халуун нүүрс атгаж явахтай адил. Тэр нүүрс хамгийн түрүүнд өөрийн чинь гарыг түлнэ.”
Бардам зангаа хамгаалахаас илүү амар амгалангаа хамгаал.
Чи бусдын хэрхэн авирлахыг хянаж чадахгүй. Харин өөрийнхөө дотор юу авч үлдэхээ сонгож чадна.
Тэдний үйлдлээс сургамж ав.
Хил хязгаараа өөрийгөө хамгаалах бамбай болго.
Эдгэрэхийг чинь тэдэнд хариу барихаас илүү чухал зүйл болго.
СУРГАМЖ:
Хэн нэгэн чамайг гомдоосон ч, чамайг гомдоосон хүн шиг бүү бол.
Ухаанаар хариул.
Хил хязгаараа хамгаал.
Шаардлагатай бол чимээгүйхэн холд.
Чиний хамгийн том ялалт бол тэднийг зовоож чадсан явдал биш.
Харин тэдний үйлдэл чиний амар амгаланг булааж чадаагүй явдал юм.
