17/10/2025
Mainene Tauhidi ? (1)
Tauhidi (توحيد) kalma ce daga Larabci wadda ke nufin “Ɗayantawa ” ko “kaɗaitawa" " ko Ƙudircewa da abu ɗaya”. A fannin ilmin Tauhidi kuwa , Tauhidi yana nufin kaɗaita Allah da bauta gare Shi shi kaɗai ba tare da haɗa Shi da wani ba.
Ma’anar Tauhidi a addinin Musulunci:
Tauhidi shi ne imani da cewa Allah ta'ala Maɗaukaki, shi kaɗai yayi halitta, kuma shi kaɗai ya mallaki halitta, Kuma shi kaɗai yake gudanar da halitta, kuma shi kaɗai ya cancanci a bauta masa, babu wanda ya cancanci bauta sai Shi, bashi da abokin tarayya a cikin yin halitta ,mallakar halitta, gudanarwa, da sunayan Sa siffofinsa, aiyukanSa da aiwatar da ibada.
Rukunnan Tauhidi:
Malamai sun kasu Tauhidi gida uku domin saukin fahimta:
1. Tauhīdul Rubūbiyyah (توحيد الربوبية)
– Yana nufin imani da cewa Allah ne mahalicci, mai azurtawa, mai sarrafa kome.
– Misali: Allah ne ya halicci sama da ƙasa, Allah ne mai kashewa da rayawa.
2. Tauhīdul Ulūhiyyah (توحيد الألوهية)
– Yana nufin yin ibada ga Allah shi kaɗai: salla, addu’a, azumi, sadaka — duk ga Allah kaɗai ake yi, ba tare da yin haka ga wani ba ko don wani.
– Wannan shi ne ginshiƙin da annabawa s**a fi kira zuwa gare shi.
3. Tauhīdul Asmā’i wa Ṣifāt (توحيد الأسماء والصفات)
– Yana nufin yarda da sunaye da siffofin Allah kamar yadda s**a zo a Al-Qur’ani da Sunnah, ba tare da ƙaryatawa, kwatantawa, ko karkatar da ma’ana ba.
– Misali: Allah Mai jin ƙai ne, Mai gani ne, Mai magana — amma ba kamar halittu ba.
Muhimmancin Tauhidi:
