Etnemarknaden

12/06/2026

Frå Dagsnytt til distriktsredaktør – møt Sigvart Østrem på Kveldsdrøs! 🎙️⭐

Då Østrem gjekk inn døra til NRK Dagsnytt som tilkallingsvikar i 1967, var han ikkje klar over at det var starten på ei lang karriere hjå rikskringkastaren.

Gjennom fire tiår har etnebuen vore innom det meste: reporter, programleiar, olje- og energijournalist, distriktssjef og distriktsredaktør. Mesteparten av karrieren hadde han Stavanger som arbeidsstad, og han var med på å formidla både små og store hendingar til lyttarar og sjåarar over heile landet.

På 1970-talet fann lyttarane han i lokalsendingane til NRK Rogaland. På 1980-talet vart han ein av NRK sine sentrale journalistar innan olje og energi. Tiåret etter tok han leiaransvar som sjef for NRK Rogaland. Då år 2000 kom, valde han å gå tilbake til det han alltid hadde trivst best med, som var journalistikken.

Sigvart er fødd i Etne i 1942 og vaks opp med folkeskule på Enge, framhaldsskule i Steinshagen, og søndagsskule på Grønstad. Vegen vidare gjekk gjennom Øystese statsrealskule, gymnas i Bergen, studiar i statsvitenskap og sosiologi, før journalistikken etter kvart tok han med ut i verda, men aldri heilt bort frå røtene i Etne.

På Kveldsdrøs får publikum møte ein mann med eit unikt innblikk på norsk mediehistorie, og med mange historier på lager frå eit langt liv i nyheitsformidlinga si teneste.

Dette blir ei oppleving! ⭐

Billett til kvelden kan du sikre deg her: https://checkout.ebillett.no/103/events/27464/purchase/setup?kanal=ex

02/06/2026

Anne Gunn Halvorsen til Kveldsdrøs
Her er den første gjesten til Kveldsdrøs 21. august!
Anne Gunn Halvorsen (41) er forfattar og journalist frå Vikedal. Ho bur i Oslo og har gitt ut fleire populære ungdomsbøker og sakprosabøker om livet, internett, kjendisar og kongehus. 21. august kjem ho til Etne og er første gjest i sofaen hjå Alf Østrem!

Etter endt skulegong i Vikedal og på Ølen vidaregåande skule, jobba ho som journalist i mellom anna Dagens næringsliv og Skavlan, samt vore redaktør for Dagbladet Fredag og gratismagasinet Spirit.

Parallelt har ho fått solid fotfeste som forfattar, både innan sakprosa og skjønnlitteratur. I 2017 gav ho ut den første boka si Livet og korleis leve det, tett etterfulgt av boka Stress og korleis leve med det i 2019.

I 2020 debuterte ho med ungdomsserien Halve kongeriket med forfattarkollega Randi Fuglehaug. For den første boka mottok dei Uprisen i 2021, og same året kjøpte Netflix rettane til same bok, som har ført til to Netflixfilmar basert på dei to første bøkene i serien.

Engasjementet for born og unge har fortsett gjennom utgjeving av boka Ikke vær redd – en overlevselsesguide til unge, ei sakprosabok om frykt for ungdom mellom 12-18 år. Ho og Randi Fuglehaug har også fortsett samarbeidet og skriv no på barnebokserien Barnehagen for magiske enhjørninger, der første bok kom ut i 2024.

Anne Gunn Halvorsen sine tekstar er kjende for ein skarp penn, humor og ofte med eit nostalgisk tilbakeblikk til oppveksten i Vikedal på nittitalet med den spede starten på internett, skuledagbøker og bygdeungdomsmiljø. Dette er skildra i den siste boka hennar Mitt internett som kom ut i 2025. Ho har elles ein stor forkjærlegheit for Taylor Swift og kan i følgje ho sjølv svært lite om hage- og handarbeid.

12/05/2026

Kjære Ingvild Slåke
Etter 10 år i styret for Etnemarknaden takkar vi deg hjarteleg for innsatsen din! 🎉

Gjennom desse åra har du prega utviklinga og verkeleg bidrege til at marknaden har teke store steg i rett retning – både for dei frivillige og for gjestene. Du har vore ein sentral og drivande kraft i ein av Vestlandets største og mest tradisjonsrike marknader. Sidan starten i 1981 har Etnemarknaden vorte eit viktig samlingspunkt for lokalsamfunnet i Etne, med dyr og landbruk, saueklipping, underhaldning, konsertar, politiske debattar, aktivitetspark for barn og unge, utstillarar og mykje frivillig dugnad. Du har vore med på å forme og vidareføre denne tradisjonen, slik at tusenvis av besøkande kvart år får ein minnerik helg.

Mange kjenner deg som den pålitelege kontaktpersonen for dugnadsvakter – alltid positiv, løysingsorientert og engasjert. Du har vore ein viktig del av styret saman med gode kollegaer, og har hjelpt til med planlegging, koordinering og gjennomføring av alt frå rigging til dei mange aktivitetane me har hatt.

Takk for at du har gitt av di tid, energi og kjærleik til Etnemarknaden i ti heile år. Du har vore ein uvurderleg bidragsytar til eit levande lokalsamfunn og ein flott tradisjon. Vi håpar du tek med deg mange gode minne, – no som ein fortent «pensjonist» frå styrearbeidet!

Tusen takk, Ingvild – for alt du har gjort!

Vi ønskjer deg alt godt vidare ❤️
Med varm takk frå styret, eigarlaga og alle som set pris på Etnemarknaden.

10/04/2026

Kven trur du havnar i stolane til Alf Østrem denne gongen?

Etnemarknaden er særs glad for å kunne invitere til Kveldsdrøs også i 2026!

04/04/2026

Kveldsdrøs 🤠

Etnemarknaden sitt eige talkshow! Samtalar med lokalt kjende personar, leia av vår eminente vert Alf Østrem. 4 spennande gjester er klar for ein koseleg prat på scenen i kinosalen.

Følg med for å få med deg kven som kjem dette året. Det blir pub i foajeen både før og etter showet. Me ser fram til å sjå deg i salen!

Fredag 21. august kl. 19.30

sikra deg billett i lenka under 👇🏽

https://l.facebook.com/l.php?u=https%3A%2F%2Fcheckout.ebillett.no%2F103%2Fevents%2F27464%2Fpurchase%2Fsetup%3Ffbclid%3DIwZXh0bgNhZW0CMTAAYnJpZBEweVdiYktwMWZ1ZXdyN3JIdXNydGMGYXBwX2lkEDIyMjAzOTE3ODgyMDA4OTIAAR4kmuP-iS8tMJokLDhmCERkKP2dgDY_VonKTaXna7zVvnOzCMaRRNSZE2HOAQ_aem_pkaeqdx2FyN7jmpCcg5TCw&h=AT7DgLHmMvk6EiSP3MHEKSNbPJnQ0fClpelfJBp15wUuD68R_jT1zsC4xPmYJ5VpLmv2kQhhdozNoCQLTadmVSIBjZ8wHp09TNtPZmiXrmsMMwvl2qYSpLMiMoPxvnmo2ETtqQ82BJ6OLNStwSE

Bilete er KI generert !

29/03/2026

10/01/2026

Dei fire eigarlaga og styret har bestemt seg for å gå tilbake til teiknebrettet for å utvikla eit nytt og meir berekraftig arrangement i Etne.

Les meir om kvifor i saka i Grannar.

Me vil takka alle trufaste frivillige, utstillerar og gjester som har stått på og skapt magiske øyeblikk med oss. Me sjåast 🫶

Dei fire eigarlaga og styret har bestemt seg for å gå tilbake til teiknebrettet for å utvikla eit nytt og meir berekraftig arrangement i Etne. Målet er å skapa nye moglegheiter, nå nye målgrupper og samtidig ta vare på dei sterke verdiane marknaden har vore tufta på sidan starten i 1981.

27/09/2025

Takk til alle som besøkte oss på vår stand i dag på Bondemarknaden i Etne😊
Me sette pris på alle tilbakemeldingar me har fått inn. Dei tar me med oss vidare👍
Ha ei strålande fin helg 🙌

Foto: Økland Foto As

24/09/2025

Møt oss på vår stand på laurdag😊

Me ønskjer tilbakemeldingar frå dykk etter årets Etnemarknad. Ris & Ros samt at me tek gjerne imot ønsker for neste år.
Me sjåast laurdag😊