28/05/2026
Ope heile døgnet
I går fekk me nye kassar, og no har me endeleg blitt delvis digital sjølbetjent🤩 Det betyr at du no kan handle hjå oss både tidleg, seint og midt på natta — når det passar deg.
Sjølv om noko er nytt, er eigentleg det viktigaste akkurat som før:
Det er den same lokale butikken, dei same folka, og den same hjelpa når du treng det.
I går kveld var det faktisk fleire som testa CoopKey, låste seg inn sjølv og handla i ubemanna tid. Det var litt kjekt å sjå at folk tok løysinga i bruk med ein gong, utan at me annonserte at me var i gang. Det tyder at kundene våre har venta på dette🤩
Me veit at nye ting kan kjennast litt uvant, så me kjem til å bruke god tid på å hjelpe alle som vil prøve. Frå klokka 15:30 kvar dag vil det vere kundeverter i butikken som viser korleis appen, innlogginga og sjølvscanning fungerer. Det skal vere trygt og enkelt å kome seg både inn og ut att😊
For å bruke den digitale opningstida lastar du ned CoopKey og loggar inn med BankID. Då veit systemet mellom anna om du er gammal nok til å kjøpe aldersbestemte varer.
Har du litt tid til overs allereie no, kan du gjerne laste ned appen og vere klar til neste handletur🙌
Hugs at butikken er bemanna som før, men om du ynskjer at butikkdøra skal opne og lukke seg utan app kan du komme mellom 09:00-15:30.
Me gler oss til å vise dykk den nye kvardagen i butikken. Me sjåast!
