21/12/2025
विपन्न लाई राहत
बेलबारी नगरपालिका वडा नम्बर ६ मा घरमूली कैला माझी सहित परिवारका ३ जना नै अशक्त अवस्थामा अत्यधिक दयनीय जिवनयापन गरिरहेका थिए । सडक सुविधा नपुगेको स्थानमा बसिरहेका परिवार खानेपानी ट्युबवेल र विद्युत समेत उपभोग गर्न नसक्ने अवस्थामा अन्धकारमा जीवन बिताइरहेको देखेपछि बेलबारी ६ का राज लामा को अगुवाईमा मलेसियामा कार्यरत मनकारी नेपाली हरुको सहयोगमा केही दिन अगाडी न्यानो कपडा, सिरक-डसना, खाद्यान्न सहयोग गरिएको थियो भने हालसालै ट्युबवेल र ३०० मिटर तार सहित घरमा विद्युत जडान गरिएको छ । मट्टीतेलको टुकीमा जीवन बिताइरहेका अशक्त परिवारको मुहार बिजुलि बत्ती जस्तै चम्किलो देखिएको छ । करिब ५ वर्ष अगाडी विपन्न लाई आवास कार्यक्रम अन्तर्गत घर बनाइदिए पश्चात स्थानीय सरकारबाट कुनै किसिमको सहयोग नपाइएको गुनासो माझी परिवारले गरेका छन । स्थानीय विचारी गुरुङ, उदय बहादुर राई, राजु मगर, निरबहादुर तामाङ लगायतले आवश्यक सहयोग र समन्वय गराएका थिए ।-
