Raithaane Agri Products Nepal

23/06/2026

हाम्रो समाजमा त्यस्ता केही व्यक्तिहरू हुन्छन्, जसको बोलीमा मिठास मात्र होइन, गराईमा समाजलाई बदल्ने अद्भुत शक्ति हुन्छ। त्यस्तै एउका निष्ठावान् र प्रेरणादायी नाम हो श्याम श्रेष्ठ। चन्द्रागिरी नगरपालिकाका स्थायी बासिन्दा श्याम श्रेष्ठ केवल एक किसान मात्र हुनुहुन्न, उहाँ त यो धर्तीलाई माया गर्ने एक सच्चा अगुवा र अभियन्ता हुनुहुन्छ।
​विगत दुई दशक (२० वर्ष) देखि श्याम श्रेष्ठ र उहाँको समूहले एउटा यस्तो बाटो रोज्यो, जुन सुरुमा कठिन थियो तर आज सबैका लागि अनुकरणीय बनेको छ। उहाँहरूले एकीकृत कीरा व्यवस्थापन (IPM) विधि अपनाएर तरकारी उत्पादन गर्दै आउनुभएको छ।
यो बालीमा लाग्ने कीरा, रोग, झारपात तथा अन्य हानिकारक जीवहरूको नियन्त्रणका लागि विभिन्न सुरक्षित, वातावरणमैत्री र दिगो उपायहरूलाई एकीकृत रूपमा प्रयोग गर्ने पद्धति हो। यसमा रासायनिक विषादीको ठाउँमा केवल जैविक र प्राकृतिक विषादीहरू मात्र प्रयोग गरिन्छ, जसले न त मानव स्वास्थ्यलाई असर गर्छ, न त धर्तीको उर्वरा शक्तिलाई नै नष्ट गर्छ।
​मानिसहरू बढी नाफा कमाउन रासायनिक विषादीको अन्धाधुन्ध प्रयोग गरिरहेका बेला, श्याम श्रेष्ठले आम उपभोक्ताको स्वास्थ्य रक्षाका लागि "विषादीरहित उत्पादन" को एउटा बलियो खम्बा गाड्नुभयो। तरकारी खेतीसँगसँगै उहाँले प्रकृति र माटोको सन्तुलन मिलाउन निरन्तर मौरीपालन व्यवसाय पनि गर्दै आउनुभएको छ।
​श्याम श्रेष्ठ केवल आफैं मात्र सिक्नुहुन्न, आफूले जानेको सीप अरूलाई बाँड्न पनि खप्पिस हुनुहुन्छ। उहाँ एक कुशल प्रशिक्षक हुनुहुन्छ, जसले अनगिन्ती किसानहरूलाई दिगो र सुरक्षित कृषिको कखरा सिकाउनुभएको छ।
​उहाँको परिचय केवल कृषिमा मात्र सीमित छैन। नरम स्वभाव, सधैं ओठमा सजिरहने हसिलो मुस्कान, भद्र र मिलनसार व्यवहारका कारण उहाँ जोसुकैको मनमा सहजै बस्न सक्नुहुन्छ। उहाँलाई भेट्ने जुनसुकै व्यक्तिले पनि उहाँभित्रको शालिनता र आत्मीयताको महसुस गर्न सक्छ। उहाँ साँच्चिकै सबैका प्रिय हुनुहुन्छ।
​विगत ३ वर्षदेखि रैथाने कृषि हाटबजारमा श्याम श्रेष्ठ एउटा परिचित र सम्मानित अनुहार बन्नुभएको छ। हरेक हप्ता उहाँ आफ्नै खेतबारीमा फलेका ताजा र विषादीरहित तरकारीहरू, शुद्ध मह, केरा, आरु र सिजन अनुसारका रसिला फलफूलहरू लिएर बजार आउनुहुन्छ।
​तर, हाटबजारमा उहाँको भूमिका एउटा बिक्रेताको रूपमा मात्र सीमित छैन। उहाँ हाटबजारलाई जीवन्त बनाउने, व्यवस्थित गर्ने र उपभोक्ताहरूसँग भावनात्मक सम्बन्ध जोड्ने एक सक्रिय र मुख्य सदस्य हुनुहुन्छ। उहाँसँग सामान किन्नेहरू ग्राहक मात्र रहँदैनन्, उहाँको व्यवहारले गर्दा परिवारका सदस्य जस्तै बन्छन्।
थप जानकारीका लागि: रैथाने एग्री प्रडक्ट्स नेपाल, धापासी हाइट
01-5917529,9851405837,9851089994

20/06/2026

नेपालमा पनि चामल लगायत कोदो, फापर नुडलहरु बजारमा सानो स्केलमा आउन थालेको छ। बिदेसको सिकाइ नेपालमा नि केही गर्न सकिन्छ कि भनेर राजन नेउपाने वाट सुरु गर्नु भएको छ चामलको नुडल बनाउन । हरेक हाटमा यसको बजारीकरण गरि राख्नु भा छ। चामलबाट बन्ने नुडल (Rice Noodles) र मैदाबाट बन्ने नुडल (Wheat/Instant Noodles) भन्दा गुणकारी हुन्छ। यो मुख्यतया चामलको पिठो र पानीबाट बन्छ। यसमा थप रसायन वा धेरै प्रशोधन नगरिने हुनाले यो प्राकृतिक रूपमा ग्लुटेन मुक्त (Gluten-free) हुन्छ।
तेस्तै गरि पचाउन तुलनात्मक रूपमा सजिलो हुन्छ,
चामलबाट बनेकाले पेटमा हल्का महसुस हुन्छ।
स्थानीय रैथाने चामल प्रयोग गरी बनाइएकोमा थप पौष्टिक हुन सक्छ।
यो चामलको नुडल रैथाने एग्री प्रडक्ट्स नेपाल धापासीमा र सनिवारे कमलादी हाटमा पनि पाइन्छ।

20/06/2026

आजको आधुनिक र पश्चिमा संस्कृतिको बढ्दो प्रभावमा हामीले कतै आफ्नै माटोको सुगन्ध त बिर्सिँदै छैनौँ? हाम्रा पुर्खाले बचाएर राखेको रैथाने स्वाद, त्यो अर्गानिक स्वास्थ्य र मौलिक सीप कतै हराउने त होइन भन्ने चिन्ता हामी सबैमा छ। यही चिन्ता र चिन्तनको एउटा सुन्दर चौतारी बनेर उभिएका छन्— कमलादी (आइटी प्लाजा) र धापासीका रैथाने कृषि हाटबजारहरू।
​तर सम्झनुहोस्, यी हाटबजारहरू केवल सामान किन्ने र बेच्ने व्यापारिक केन्द्र मात्र होइनन्। यो त हाम्रो अस्तित्व र संस्कृतिको एउटा जीवन्त उत्सव हो।
​१. जहाँ माटो बोल्छ, संस्कृति मुस्कुराउँछ
​यो बजार त्यस्तो ठाउँ हो, जहाँ पुग्दा हामी नेपाली हुनुको साँचो गौरव महसुस हुन्छ। यहाँ हाम्रा रैथाने कृषि प्रणालीका जीवन्त रूपहरू देख्न पाइन्छ। पुर्खौँदेखि चल्दै आएका सीपमा आधारित वस्तुहरूलाई नजिकबाट हेर्ने, बुझ्ने र नयाँ पुस्तालाई सिकाउने यो एउटा अनुपम पाठशाला हो। यहाँ ताइचिन चामल, कोदो, फापर, र फाँटहरूबाट टिपिएका ताजा तरकारी, झप्री केरा , चिनो , कागुनो मात्र पाइँदैनन्, बरु तिनको पछाडि लुकेको कृषकहरूको कडा मिहिनेत र माया पनि अनुभव गर्न सकिन्छ।
​२. रैथाने स्वाद र नवप्रवर्तनको संगम
​बजार छिर्दा पाक्ने नेपाली मौलिक खानाका परिकारहरूको सुगन्धले बाल्यकाल र गाउँघरको सम्झना ताजा गराइदिन्छ। एकातिर पुराना पुस्ताको अनुभव छ भने अर्कोतिर साना-साना नवप्रवर्तक (उद्यमी) हरूको नयाँ जोस र सिर्जनशीलता छ। नयाँ सोच लिएर आएका युवा उद्यमीहरूलाई पहिचान दिने, उनीहरूको हौसला बढाउने यो एउटा महामेला हो।
​३. आत्मनिर्भर समाजको साझा सपना
​हामी सधैँ देश आत्मनिर्भर भएन भनेर गुनासो गर्छौँ। तर आत्मनिर्भरताको बाटो अन्त कतै होइन, हाम्रै स्थानीय उत्पादनको प्रवर्द्धनबाट सुरु हुन्छ। जब हामी यी हाटबजारबाट एउटा स्वदेशी उत्पादन किन्छौँ, तब हामी एउटा नेपाली किसानको घरमा खुसी भित्र्याउँछौँ र देशको अर्थतन्त्रलाई बलियो बनाउने अभियानमा एउटा इँटा थप्छौँ।
​"होस्टेमा हैसे गरौँ, रैथाने जोगाऔँ"
​रैथाने कृषि जोगाउनु भनेको हाम्रो भविष्य र स्वास्थ्य सुरक्षित गर्नु हो। आउनुहोस्, हामी सबै मिलेर यो साझा अभियानमा होस्टेमा हैसे गरौँ। केवल आजका लागि मात्र होइन, हाम्रा रैथाने उत्पादन र संस्कृतिलाई सदाका लागि बचाइराख्ने प्रण गरौँ।
​आफ्नो फुर्सदको समयमा परिवारसहित कमलादी वा धापासीको रैथाने हाटबजार पुगौँ। मौलिकताको स्वाद चाखौँ, स्वदेशीलाई माया गरौँ!
शुक्रवार : दिनको २-६ बजे धापासी हाइट टोखा
सनिवार: बिहान ६-१२ बजे , आइटीप्लाजा कमलादी।

20/06/2026

मासको बारा (नेवारी भाषामा "वो") नेपालका लोकप्रिय रैथाने परिकारहरूमध्ये एक हो। यो मुख्यतः कालो मास पिसेर बनाइने स्वादिष्ट परिकार हो। बारा खाजा, भोज, चाडपर्व तथा विशेष अवसरहरूमा खाने गरिन्छ। विशेषगरी काठमाडौँ उपत्यकाको नेवार समुदायमा यसको विशेष सांस्कृतिक महत्त्व रहेको छ। मासको बारा सादा वा अण्डा सहित पनि बनाइन्छ।
मासको बाराका फाइदाहरू
१. प्रोटिनको राम्रो स्रोत
२. ऊर्जा प्रदान गर्छ
३. पाचन स्वास्थ्यका लागि लाभदायक
४. फलाम (आइरन) र खनिज तत्वको स्रोत
५. शाकाहारीका लागि उत्कृष्ट प्रोटिनयुक्त खाना
६. परम्परा र संस्कृतिसँग जोडिएको खाना
मासको बारा नेवार समुदायको मौलिक रैथाने परिकार हो। यो स्वादिलो, पौष्टिक, प्रोटिनयुक्त तथा सांस्कृतिक महत्त्व बोकेको नेपाली खानाको उत्कृष्ट उदाहरण मानिन्छ।

20/06/2026

सनिवारे हाट : कमलादी काठमाण्डौ।
बिहान ६ देखि दिनको १ बजे सम्म।

19/06/2026

19/06/2026

आउनुहोस् है, हाटबजार हेर्न।

19/06/2026

आज सबेरै रैथाने एग्री प्रडक्ट्स नेपालको कार्यालय परिसर, धापासी पुग्दा वातावरण एकदमै शान्त थियो। चराहरूको चिरबिर आवाज र फूलको रसमा मस्त माउरी तथा भमराहरूले प्रकृतिसँगको सामिप्यता गराइरहेका थिए।
​जब मैले त्यहाँको करेसाबारी, भित्ता र पिँढीतिर ,आंगनतिर आँखा डुलाएँ, मन सिरिङ्ग भयो। हाम्रा मौलिक र रैथाने वस्तुहरूले मलाई नै चियाइरहेका जस्तो लाग्यो । गमलामा रोपिएका चिनो र कागुनो, कुनामा थन्किएका माउरीका घार, ढिकी, घट्ट, हलो-जुवा, जाँतो अनि लटरम्म फलेका लोकल टमाटर र भण्टा। यी सबै हेरिरहँदा एकातिर आत्मीयता जाग्यो भने अर्कोतिर मन चसक्क दुख्यो।
​ती सबै रैथाने वस्तुहरू कता कता दुखी र मलिन देखिन्थे। लाग्थ्यो, तिनीहरू कसैको मायालु हात र संरक्षणको व्यग्र पर्खाइमा छन्।
हामी आधुनिकताको नाममा आफ्ना मौलिक जगहरू धमाधम बिर्सिँदै र छोड्दै गइरहेका छौँ। यदि हामीले यसै गरी आफ्ना रैथाने पहिचानहरू छोड्दै जाने हो भने, भोलि हाम्रा भावी पुस्ताले के हेर्लान्? के सिक्छन् होला? जब 'हाम्रो पन' नै बाँकी रहँदैन, तब हाम्रो अस्तित्व कहाँ रहला?
​रैथाने एग्री प्रडक्ट्सले यी अमूल्य सम्पदाहरूको अलि-अलि भए पनि संरक्षण गरेर नयाँ पुस्तालाई जुन सूचना र सन्देश दिन खोजेको छ, त्यो सराहनीय छ। तर, यो दायित्व कुनै एउटा संस्थाको मात्र होइन। हाम्रा पुर्खाका नासो, हाम्रा रैथाने बीउबिजन र मौलिक प्रविधिलाई बचाउन अब हामी आफैँ जाग्नुपर्छ।
​हाम्रो पहिचान जोगिए मात्रै हाम्रो भोलि सुरक्षित हुनेछ।

18/06/2026

हाम्रा मौलिक रैथाने खाना परिकार लोप हुँदै छन , सबै मिली जोगाउन सबै उठौं , सबै जुटौं ।

18/06/2026

तपाईं रैथाने, लोकल , स्थानिय कृषि उपज नपाएर हैरान हुनु हुन्छ ?
आउनुहोस सनिवारे हाट कमलादीस्थित आइटीप्लाजामा।