03/06/2025
Ngayong araw po ay isang dakilang karangalan at kasaysayan sa aking buhay ang opisyal na panunumpa bilang halal na Konsehal ng Bayan ng Alabat, Quezon. Kasama ang iba pa nating mga bagong halal na miyembro ng Sangguniang Bayan, ang panunumpa ay ginanap sa tanggapan ng ating iginagalang na Governor, Hon. Angelina “Helen” Tan, sa pangunguna ng ating minamahal na Mayor-Elect Ays Canimo at Vice-Mayor Elect Hilda Ursolino.
Ang seremonyang ito ay hindi lamang isang pormalidad, bagkus ay isang sagradong pangakong buong puso kong isasabuhay — isang pangakong paglilingkod nang tapat, may integridad, at may malasakit sa kapakanan ng ating mga kababayan sa bayan ng Alabat.
Lubos ang aking pasasalamat sa tiwala at suporta na ipinagkaloob ninyo sa akin. Ang tiwalang ito ang magsisilbing gabay at inspirasyon upang maging matatag sa pagtupad ng mga tungkulin at responsibilidad na kaakibat ng posisyong ito.
Magsisilbi akong bukas-palad, tapat, at masigasig sa pagsusulong ng mga adhikain para sa kaunlaran ng ating bayan at kapakanan ng bawat mamamayan.
Nawa’y gabayan tayo ng Poong Maykapal sa bawat hakbang na ating tatahakin tungo sa tunay na pagbabago at pag-unlad.
Muli, taos-puso ang aking pasasalamat sa bawat isa. Sama-sama po tayo sa pag-abot ng mas mataas na mithiin para sa bayan.
🇵🇭💛
