04/10/2022
"G**O"
Sa unang araw, hindi mo sya lubusang kilala
Ni ang pangalan niya ay kinakabisado mo pa
Pero iisa lang ang tawag sa kanila
Apat na letra sa iisang salita
"G**O"
G**ong maituturing na pangalawang ina't ama
G**ong masungit man sa umpisa
Pero kung makilala mo sya
Parang anghel sa kabaitan pala
Hindi ka nya kaanak o kadugo
Pero anak ang turing nya sayo
Ang Pangarap nya ay katumbas ng Pangarap mo
Na kung saan makapagtapos at makahanap ng magandang trabaho
Mga G**o na Gumagabay sayo
Sa pagsusulat o di kaya sa pagbabasa ng libro
Nasa Puso nila ang mag turo
Mapaelementarya man o nasa kolehiyo
At Sa araw na nahihirapan ka
O leksiyon ay di na maintindihan pa
Lumapit kalang sa kanya
Dahil sigurado akong matutulungan ka nya
Hindi lang sya basta taong nagtuturo,
Hindi lang sya basta Propesyonal na nagtatrabaho
Sa paaralang nasa pribado man o publiko.
Sya ang "Hero"
Ng mga batang gustong matuto
Kaya sa aking g**o,
Hindi lang isa,
Hindi lang dalawa,
Kundi sa lahat ng naging g**o ko
Pati na ang mga g**o sa buong mundo
Buong puso akong nagpapasalamat sa inyo
Sa mga aral at pagmamahal na ibinigay nyo
Kayo ang tumayo bilang magulang ng bawat bata sa mundong ito
Kami ay binibigyan nyo ng halaga
Kahit minsan sa klase ay pasaway pa
Ilang taon nyo kaming tiniis
Sa mga ugali naming hindi kanais nais
Dahil sa pursigido kayo sa pagtuturo
Heto kami ngayon nagtuto, natututo at higit sa lahat nagbago
Mga asignatura noon na nahihirapan kami
Ngayon ay napapadali
Ito'ydahil sa tulong nyo
Kaya Sa G**o ko, salamat dahil ikaw ang naging hero sa paaralang nasaan ako.
Kaya bago ko tapusin ang mensaheng ito,
May nais lamang akong sabihin sa inyo
Alam kong hindi madali
Alam ko ding napapagod din kayo
Pero sa bawat pagod na inilalabas nyo
Ilang bata ang matutulungan
Kaya ang buhay nila sa kinabukasan ay mapapagaan
Alam ko din na
Bago kayo naging ganap na g**o
Ilang sakripisyo rin ang ginawa nyo
Ilang araw din kayong nagpagod para makuha ang kursong ito
Alam ko na marami ng luha ang pumatak sa mga mata nyo
Para makamit ito
Ma'am Sir Maraming salamat po sa tulong nyo!
Kaya dahil sa inyo, makakamit ko ang mga titulo na pinapangarap ko,
Salamat sa walang sawang pagtitiis at pagtuturo!
Salamat dahil hindi kayo sumuko!
Kaya ikaw?
Na gusto rin magturo,
O kahit na iba man ang iyong kinuhang kurso
Hindi mo maabot ito
Kung wala ang mga g**o!
Hindi ka magiging ganap na doktor, architect,Engineer, kung wala sa iyong nagturo;
Kung wala ang iyong G**o,
Kaya't ikaw na nagbabalak kumuha sa kursong ito,
Sa mga kag**o ko,
Huwag tayong susuko!
Magpursige tayo para sa mga batang gustong matuto!
PAGBATI SA INYO MGA G**O!
MAHAL NAMIN KAYO, 💚
