21/05/2026
PAKIGSUSI OG PAKIGHINABI NGADTO SA MGA STALLHOLDERS
CAPTION:
Nakigsusi og nakighinabi ang mga personahe sa Cogon Public Market ngadto sa mga stallholders niini alang sa pag pahibalo og pagpahimangno alang sa kalimpyo, han-ay og luwas nga merkado, og ilabi na gayod ang pag renew sa ilang mga business.
Gipangunahan ang maong pakigsusi sa branch manager sa Cogon Public Market Ms. Maria Gina M. Madrelejos inubanan sa mga personahe sa Stakeholder sa maong merkado, sanitation personnel nga gipangulohan sa ilang section head Mr. Rommel Apal, security personnel nga gipangulohan sa ilang section head Mr. Paul Naces og sa revenue personnel nga gipangulohan sa ilang section head Mr. Marvin Pacheco.
Gihimo sa tibuok pwersa sa Cogon Public Market ang maong pakigsusi aron masuta ang kinahanglanon nga mga buhaton para mapalambo ang serbisyo nga mahatag ngadto sa stallholders ilabi na gayod ang isyu sa kalimpyo og safety sa mga produkto ilabi na gayod ang safety sa kinatibuk-ang merkado.
Gipahimangnoan usab ang mga vendors nga wala pa naka renew sa ilang business permit alang sa tuig 2026 nga mag renew na aron dili madak-an sa balayronon tungod sa penalty nga mapahamtang kanila.
