19/12/2025
Ang Sukatan ng Lakas ay Paggalang
Bilang kinatawan ng sektor ng senior citizens sa Kongreso, malinaw sa akin ang isang simpleng katotohanan: ang paggalang sa nakakatanda ay hindi lamang kaugalianโito ay obligasyon. Ito ang pundasyon ng isang lipunang marunong kumilala sa sakripisyo, karanasan, at dignidad ng mga nauna sa atin.
Kamakailan, nasangkot sa isyu ang isang senior citizen na opisyal ng larangan ng isports at isang halal na mambabatas. Aking tinutukoy si Kinatawang Ormoc Congressman Richard Gomez at Fencing President Rene Gacuma na isa nang senior citizen. Nakita sa CCTV ang pagbatok ni Gomez kay Gacuma dahil umano sa alitan ukol sa naging desisyon ng huli na hindi isama ang isang atleta sa line up ng fencing competition sa SEA Games.
Hindi tayo narito upang humusga, ngunit hindi rin tayo dapat manahimik sa mas malaking aral na hatid ng pangyayaring ito.
Sa gitna ng tensyon, aberya, at matitinding emosyonโang paggalang sa matanda ay hindi dapat nawawala.
Lalo na kung ang kaharap ay isang senior. Ang edad ay hindi kahinaan. Ito ay karangalan. Ang mahabang taon ng serbisyo, sa gobyerno man o sa ibang sektor, ay nararapat suklian ng mahinahong pakikitungo at pag-unawa. Sabihin na natin may pagkakamali, mas mainam kung mahinahon na usapan at hindi sakitan.
Sa aking paninindigan bilang tagapagsulong ng karapatan ng senior citizens, malinaw ang aking panawagan: hindi kailanman katanggap-tanggap ang anumang kilos na naglalagay sa alanganin ang dangal ng nakatatanda.
Ang kapangyarihan, titulo, o katanyagan ay hindi nagbibigay ng karapatang maliitin ang sino manโlalo na ang mga matatanda na patuloy na naglilingkod sa bayan kahit lampas na sa karaniwang panahon ng pamamahinga.
Ang tunay na lakas ng isang lider ay hindi nasusukat sa kung gaano siya kaimpluwensiya, kundi sa kung paano niya pinipiling makitungo sa ibaโlalo na sa mga mas nakakatanda sa kanya. Ang pagpipigil, paggalang, at pagpapakumbaba ay hindi kahinaan. Ito ang tunay na anyo ng pamumuno.
Kung nais nating magkaroon ng lipunang makatao at makatarungan, dapat itong magsimula sa malinaw na pamantayan ng asal. Igalang natin ang ating mga senior citizensโhindi lamang kapag ito ay madali, kundi lalo na kapag ito ay sinusubok.
Dahil ang paggalang sa nakakatanda ay hindi lamang paninindigan ng iilanโito ay sukatan ng ating pagkatao bilang bayan.
Naway magsilbing aral ang insidenteng ito na dapat bilang kongresista at opisyal ng pamahalaan, importante na galangin natin ang mga nakatatanda. Sila ang nagbigay daan sa atin upang matamasa ang mas maayos na kinabukasan kayat marapat lamang na galangin . Para sa akin, we cannot demand respect, we need to earn it. At ang edad ang nagbibigay ng respeto sa atin dahil na din sa ating pinagdaanan.
Cong. Rodolfo "Ompong" Ordanes
Daddy "O" ng Senado sa 2028
. Rodolfo "Ompong" Ordanes
"O" Supporters Movement
