15/01/2026
𝗪𝗮𝗹𝗮𝗻𝗴 𝗮𝗿𝗲𝗴𝗹𝗼, 𝗵𝘂𝘀𝘁𝗶𝘀𝘆𝗮 𝗮𝗻𝗴 𝗵𝗶𝗻𝗶𝗵𝗶𝗻𝗴𝗶.
Ina ng batang nasawi sa pedestrian lane, nanindigang lalaban hanggang dulo. Isang matapang at pusong-panawagan para sa hustisya ang ibinahagi sa social media ni Monica Ganton Linga, ina ng 11-taong-gulang na si Rafaele o mas kilala bilang “Rafraf,” ang batang nasawi matapos masagasaan ng isang pickup truck habang tumatawid sa pedestrian lane.
Sa kanyang opisyal na pahayag sa Facebook, mariing nilinaw ni Linga na agad siyang nagsampa ng kaso kinabukasan ng kanyang pagdating at walang naganap na anumang areglo.
“Walang anumang halaga ng pera ang makakatumbas sa buhay ng anak ko,” ani Linga.
“Hindi ito aksidente—ito ay malinaw na kapabayaan at reckless driving.”
Ayon sa salaysay ng ina, malinaw sa CCTV footage na maingat na tumawid si Rafaele. Tumingin umano ito sa kaliwa at kanan, huminto, at sinigurong ligtas bago tumakbo sa pedestrian lane matapos tumigil ang isang sasakyan upang magbigay-daan.
Ngunit sa gitna ng sandaling iyon, isang pickup truck ang biglang nag-overtake at humarurot sa nakahintong sasakyan—isang desisyong nauwi sa trahedya.
“Ang walang-ingat na pag-overtake ang pumat*y sa anak ko,” pahayag ni Linga.
Ibinahagi rin niya ang bigat ng kanyang pinagdaraanan bilang isang solo parent na biglang nawalan ng kaisa-isang anak.
“Si Rafaele ang buong mundo ko. Ang buong buhay ko.”
Ngunit bukod sa matinding sakit ng pagkawala, isa pang pasanin ang kanyang kinakaharap, ang posibilidad na makalaya sa piyansa ang responsable, habang ang kanyang anak ay wala nang babalikan.
“May impluwensya sila. May koneksyon. Kaya kailangan ko ang inyong boses.”
Sa pagtatapos ng kanyang pahayag, nanindigan si Linga na hindi siya mananahimik.
“Lalaban ako hanggang sa huli para sa anak ko. Ang hinihingi ko ay hustisya.”
Kasama ng kanyang post ang hashtag , na patuloy na kumakalat sa social media, simbolo ng isang inang tumangging tumahimik upang ipaglaban ang hustisya para sa kanyang anak.
📸 Ctto Monica Linga
