20/08/2025
TIMBOG ANG ISANG LALAKI SA BUY-BUST OPERATION SA BAYAN NG JOSE PANGANIBAN,
Jose Panganiban, Camarines Norte – Isang matagumpay na operasyon laban sa iligal na droga ang isinagawa ng mga operatiba ng Jose Panganiban Municipal Police Station (MPS) katuwang ang CNPIU at PPDEU-CNPPO, sa ilalim ng direktang superbisyon ni PMAJ NORWEN ABELIDA, Chief of Police, at sa koordinasyon ng PDEA Regional Office V, nitong ika-20 ng Agosto 2025 bandang alas-9:16 ng umaga sa Purok 4, Brgy. Bagongbayan, Jose Panganiban.
Naaresto sa isinagawang buy-bust operation ang suspek na kinilalang si Alyas “Egad”, 52 taong gulang, may-asawa, gold panner at residente ng Purok 5, Brgy. Luklukan Sur, Jose Panganiban. Siya ay bagong nakilalang drug personality (TIP B-2025-013-PRO5-CN Jose Panganiban MPS).
Nasamsam mula sa suspek ang mga sumusunod na ebidensya:
Isang (1) piraso ng maliit na sachet na may lamang hinihinalang shabu na binili
ng poseur buyer;
Isang (1) itim na coin purse;
Dalawang (2) medium at dalawang (2) small na sachet na may lamang
hinihinalang shabu; at
Isang (1) piraso ng ₱500.00 buy-bust money.
Samantala, tinatayang aabot sa higit kumulang 2 gramo ang nakumpiskang iligal na droga na may katumbas na Php 13,600.00. Ang pagmarka, imbentaryo at dokumentasyon ng nasabing operasyon ay nasaksihan ng mga mandatory witnesses na kinabibilangan ng nahalal na opisyales ng barangay at kinatawan ng media.
Ang suspek ay mahaharap sa kasong paglabag sa Section 5 at Section 11, Article II ng Republic Act No. 9165 (Comprehensive Dangerous Drugs Act of 2002) Sa kasalukuyan, inihahanda na ng mga imbestigador ang kaukulang dokumento para sa pormal na pagsasampa ng kaso laban sa kanya.
Patuloy ang Jose Panganiban MPS sa maigting na kampanya kontra iligal na droga bilang bahagi ng pangangalaga sa kapayapaan at kaayusan sa ating komunidad