24/09/2025
“LAWBENDER”
Nagpatutsada si dating Comelec Commissioner Atty. Rowena Guanzon sa kontrobersyal na pahayag ni Senador Erwin Tulfo sa Senate Blue Ribbon Committee na “sometimes you have to bend the law in order to please the people.”
Ani Guanzon sa kanyang reaksyon:
“Long ago there were 4 element benders. 1) earth bender, 2) fire bender, 3) water bender, 4) air bender but today we witness the man who can bend the 5th element… 5) Law bender 😂”
Pumukaw ng atensyon ang banat ni Guanzon kasunod ng mainit na debate sa Senado kung dapat bang isailalim sa Witness Protection Program (WPP) ang mga Discaya, na direktang naglantad kay Speaker Martin Romualdez bilang umano’y tumanggap ng kickbacks mula sa flood control projects.
Sa halip na bigyang-proteksyon, sinuportahan ni Sen. Tulfo ang katuwiran ni DOJ Sec. Boying Remulla na dapat may restitution muna bago makasama sa WPP—isang rekisito na hindi nakasaad sa Republic Act 6981.
Dahil dito, maraming netizen at personalidad, kabilang si Guanzon, ang pumuna at nagbansag kay Tulfo bilang “Law Bender”—isang satirikong banat na tumama sa seryosong isyu ng rule of law.
