22/07/2022
Bakit Tinatawag na "Munggo Day" ang Friday?
Kadalasan, ang ulam na makikita sa hapag-kainan tuwing araw ng Biyernes ay ginisang munggo.
May ilan na nagsasabing ito ay dahil sa pagsunod sa tradisyong katoliko na hindi pagkain ng karne sa araw ng Biyernes. Ngunit, karamihan na paliwanag ay dahil wala pang "refrigerator" noong mga panahon na iyon. Ang araw ng pamamalenge ay kadalasang Sabado o Linggo. Dahil dito, inuuna lutuin ang mga madaling masira gaya ng karne, isda at ilang mga gulay. Sapagkat ang munggo ay hindi agad nasisira, ito ang tinitira nila at niluluto sa huling araw (Biyernes), bago ang susunod na pamamalengke.
PS:
Ito rin ang madalas na inuulam pag naghihingalo na ang pitaka at wala pa ang sweldo. Sa halagang 20 pesos/pack, may ulam na. Samahan ng dahon ng ampalaya, malunggay o alugbati. Dagdagan pa ng chicharon, tinapa o dilis, wow sa sarap!
