09/03/2026
๐๐๐จ ๐ ๐๐ฅ๐๐ฉ๐๐๐๐ฆ ๐๐ ๐ฃ๐๐๐ ๐๐ก๐ง๐ฆ ๐๐ข๐ ๐ฃ๐ฅ๐๐ฆ๐ฆ๐๐ ๐๐ข๐จ๐ฅ-๐๐๐ฌ ๐ช๐ข๐ฅ๐๐ช๐๐๐
Alinsunod sa Memorandum Circular No. 114, s. 2026 na inilabas ng Office of the President of the Philippines, na nag-uutos sa lahat ng ahensya ng pamahalaan na magpatupad ng mga hakbang sa pagtitipid ng enerhiya habang tinitiyak ang tuloy-tuloy na paghahatid ng serbisyong publiko, ipatutupad ng Pamahalaang Bayan ng Mariveles ang Compressed Four-Day Workweek Arrangement.
Simula Marso 9, 2026, ang mga tanggapan ng LGU Mariveles ay bukas sa publiko mula 7:00 AM hanggang 6:00 PM, Lunes hanggang Huwebes, habang ang Biyernes, Sabado, at Linggo ay ituturing na non-working days.
Ang kaayusang ito ay ipinatutupad alinsunod sa Executive Order No. 21, ay naglalayong mabawasan ang konsumo ng enerhiya, mapakinabangan nang mas episyente ang mga pasilidad ng pamahalaan, at maisulong ang mas sustenable at episyenteng kapaligiran sa trabaho habang patuloy na tinitiyak ang walang patid na paghahatid ng mga serbisyong pampubliko.
Gayunpaman, ang mga sumusunod na tanggapan ay magpapatuloy sa regular na oras ng trabaho (limang araw sa isang linggo) dahil sa mahalagang serbisyong kanilang ginagampanan kabilang ang Municipal Health Office (MHO), Municipal Disaster Risk Reduction and Management Office (MDRRMO), Public Safety Office (PSO), Mariveles Command Center, Mariveles Public Market Office (except Collection Unit), Rescue Medics, at ang MENRO Street Sweepers, Garbage Collectors, at Ground Maintenance Personnel.
Pinapayuhan ang publiko na planuhin nang maayos ang kanilang pagbisita at mga transaksyon.
