Laine Reca Official

30/04/2026

fans

30/04/2026

“Hindi Lang Ayuda ang Aahon”

Sa pila ng umaga, hawak ang pangarap,
Bitbit ang pag-asa sa bawat pagharap.
May papel, may pirma, may pangakong tulong,
Ngunit ang sikap ko’y tila laging kulang.

Sabi nila’y gabay ang tulong ng bayan,
Upang sa hirap ay may sandigan.
Ngunit bakit sa bawat pag-angat ko’y may tanikala,
Na tila ba ako’y laging umaasa?

Hindi ba’t ako’y bumabangon sa pawis at puyat?
Sa bawat hakbang, sa takot ay lumalaban?
Bakit sa mata ng ilan ako’y “umaasa lang,”
Gayong ang pangarap ko’y di kailanman sumuko’t lumaban?

Ayuda’y pansamantala, hindi habang-buhay,
Kung ito’y kulungan, paano aangat ang tunay?
Gusto kong patunayan, hindi lang tumanggap,
Kundi magsikap, magtagumpay, at umangat.

Hindi ko hinahangad ang manatiling nasa laylayan,
Kundi ang makalaya sa gapos ng kahirapan.
Tulungan ninyo ako, hindi lang sa abot-kamay,
Kundi sa paghubog ng lakas na ako’y tunay na mabuhay.

Sapagkat ang pangarap ko’y hindi nakasandig,
Sa tulong na dumarating at biglang napapawi.
Ako’y lalaban, sisikap, at babangon muli,
Dahil ang pag-ahon ay nasa puso hindi sa ayuda lamang nakatali.

fans

30/04/2026

“Higit sa Listahan”

Nasa listahan ang pangalan ko may numero, may marka,
Sa Pantawid Pamilyang Pilipino Program ako’y kabilang, sabi nila’y pag-asa.
Ngunit sa likod ng tinta at papel na iyon,
May pangarap na sumisigaw: “Ako’y higit pa roon.”

Hindi ko ikinakahiya ang tulong na natanggap,
Ngunit ayokong doon na lamang ako makilala’t matawag.
Hindi ba’t sa bawat araw ako’y nagsisikap din?
Sa init ng araw, sa pagod na di kayang tumbasan ng salapi’t hangin.

May mga matang mapanghusga “Ay, nakaasa lang ‘yan,”
Hindi nila nakikita ang pawis na aking pinapasan.
Sa bawat baryang dumadating, may kapalit na dangal,
Na pilit kong binubuo sa mundo na tila salat sa paggalang.

Kung tulong ay tulay, bakit tila may hangganan?
Kung pag-angat ang layon, bakit may hadlang sa daanan?
Hindi sapat ang bigay kung kulang sa oportunidad,
Dahil ang tunay na pag-ahon ay may kasamang dignidad.

Hindi ako numero, hindi ako estadistika,
Ako’y tao na may pangarap na higit sa ayuda.
Balang araw, aalis din ako sa listahang ito,
Hindi dahil itinulak kundi dahil ako’y kusang tumayo.

At sa pag-ahon ko mula sa laylayan ng kahapon,
Patutunayan kong ang lakas ko’y di lamang hiniram sa ngayon.
Ako’y bunga ng sipag, tapang, at paninindigan

Higit sa listahan, ako’y may sariling pangalan.

fans 's

20/10/2024

19/10/2024

My Backyard view🥰
゚ ゚ ゚ ゚viralシ

16/10/2024

08/10/2024

Bhi'laine Bolante Recaña

08/10/2024

Payakap pls🙏
゚

06/10/2024

Ginoong at Binibining Aroroy 2024 Screening

゚ ゚viralシ ゚ ゚