09/12/2025
"๐๐๐๐ ๐๐๐๐ ๐๐๐๐๐"
Ako po si Jaycee. Wala pong specific name yung ukay namin โ talagang ukay-ukay lang. Iba-iba ang tinda namin, galing US at Korea. Ako naman po si Christian. Pareho lang po kami ng pwesto; nagbebenta po kami ng mga dress, blouse, pants at palda, depende po sa napapanahon. Minsan po may pangโ2-piece, seasonal po ang tinda namin. Pag Christmas, nag-iiba po kami ng mga damit โ puro pang-alis. Pag summer naman, puro sando at shorts. Galing po siyang ibang bansa pero online lang po namin siya ino-order, bodega po.
Ako naman po si Jazzy. Ang binibenta ko ay mga vintage items โ mga pants, blouse, sweater, at mga old trends na bumabalik ngayon. Mga branded items tulad ng US brands. Same lang po kami lahat ng supplier; magpipinsan po kami. Ako at si Jaycee ay magkapatid, tapos si Christian ay pinsan namin. Parang family business na rin po namin ito. Matagal na po kami simula 2019, panahon pa ng pandemic. Kasama po namin noon ang mga tita namin na may pwesto din dito ng videoke. Nagsimula kami ng pandemic; vintage na kami noon pa. Matagal na po kaming nagbebenta ng damit.
Dati po tuwing Sunday lang ang tiangge. Tapos noong nag-pandemic, doon na nagsimulang dumami ang tao pag Sunday. Sana lumalabas kami, kaya lang nawalan kami ng pwesto. Yung mga tita po namin matagal na talagang nagtitinda dito โ nagtitinda po sila ng karne sa El Camino Wet Market. Hanggang sa naisipan din po nilang magtinda ng mga plato at laruan, tapos lumipat na lang sila dito sa pwesto nila ngayon na videoke, inuman, saka ukayan.
Dati ang lakas po ng kita namin. Minsan mas nakakabenta pa kami ng weekdays kaysa Sunday. Ngayon po, parang inaasahan na lang ang Linggo. Sabado at Friday minsan matumal. Pero laban pa rin โ babawi na lang po. Minsan uuwi ka, benta mo โฑ100, babawi mo na lang kinabukasan. Pero may mga araw din naman na talagang nakakabenta. Pag December po, minsan lang talaga maganda ang benta โ pagpasok lang ng Disyembre. Pero ngayon po, di mo maramdaman. Mas dumami din po ang nagtitinda ngayon. Ganun naman po talaga sa business: minsan may matumal, bawi na lang.
Ang ginagawa po namin kahit pare-parehas ang tinda namin, ginagawa na lang naming presentable โ malinis, maayos, pili-pili. Sineselect po namin yung magaganda para pag bumili ang customer, walang makikitang may damage. Tinatanggal po namin yung alam naming hindi mabebenta. Kahit kami, gusto namin yung maganda at importante malinis.
Pag tuwing bagyo, andito pa rin kami. Nakabantay kami; tinalian at niligpit namin lahat. Kinubkob namin ng lona para kung sakaling mabutas yung bubong, hindi mababasa. Tinalian na lang po namin ng mga pampabigat. Pag umuulan, hirap talaga kami dito. Binababa po namin yung lona, iniilagan namin yung mga tinda. Tapos pag wala na pong ulan, balik lang po sa dati. Pero pag maulan, wala po talaga โ dugoโt pawis na lang. Tawa na lang po kami, bawi na lang bukas. Wala eh, tiyaga lang. Ito na lang yung hanapbuhay namin, pinagkukuhanan namin. Masaya naman po โ pero laban lang.
๐ข๐ฝ๐ฒ๐ป๐ถ๐ป๐ด ๐ต๐ผ๐๐ฟ๐: ๐ต ๐๐ ๐๐ผ ๐ต ๐ฃ๐
๐๐ผ๐ป๐๐ฎ๐ฐ๐ ๐ก๐๐บ๐ฏ๐ฒ๐ฟ: ๐ฌ๐ต๐ฑ๐ฒ๐ต๐ฑ๐ณ๐ณ๐ฐ๐ญ๐ต
