10/10/2023
ANG LAYUNIN NG NAMAMAHALA SA PAGTUTURO SA ATIN
Sa tuwing sumasapit ang kaarawan ng Tagapamahalang Pangkalahatan ng Iglesia Ni Cristo, ang kapatid na EDUARDO V. MANALO ay ipinagpapasalamat ng mga kaanib ng Iglesia sa Panginoong Diyos sa paglalagay Niya ng Pamamahala sa Iglesia na buong giting at pagmamalasakit na ginagampanan ang banal na layunin ng Diyos para sa Iglesia.
Nais ng Diyos na ang Kaniyang mga hinirang ay makarating sa piling Niya sa Bayang Banal pagdating ng takdang panahon. Kaya ganito ang Kaniyang pahayag sa kanila:
“Sinabi Mo sa akin, ituturo Ko ang daan na dapat mong lakaran. Ako ang magiging iyong tagapagturo At Siyang magbabantay sa iyo.” (Awit 32:8 CEV, isinalin sa Filipino)
Ang kinakasangkapan ng Diyos sa pagtuturo Niya sa atin ay ang Namamahala sa Iglesia:
“Na akoý ginawang ministro nito, ayon sa pamamahala na mula sa Dios na ibinigay sa akin para sa inyo upang maipahayag ang salita ng Dios.” (Col. 1:25)
Kaya ang Namamahala sa Iglesia ay nagsisikap, nagpupunyagi sa pagtuturo nang buong kaya sa layuning dalhin ang mga kaanib sa Iglesia Ni Cristo sa uring sakdal at walang kapintasan sa harap ng Diyos at ng Panginoong Jesucristo (Col. 1:28-29 MB).
Ito ang dahilan kaya hindi alintana ng Kapatid na EDUARDO V. MANALO ang anomang hirap, pagod, at panganib na kanilang nararanasan. Sa maraming pagkakataon ay isinasantabi nila ang kanilang pansariling kapakanan at damdamin, at ang laging ipinagpapauna ay ang kapakanan ng Iglesia matiyak lamang nilang ituro sa atin ang daan na pinalalakaran ng Diyos sa atin.
Ipinagsasanggalang nila tayo sa mga nais puminsala ng ating karapatan. Inaakay tayo sa lubos na pagsunod at sa puspusang pagbabagong buhay upang tayo’y makarating sa uring karapatdapat sa kaligtasan.
Marapat lamang na lalo nating pag-ukulan ng lubos na paggalang at pag-ibig ang Namamahala na nagpapagal para sa atin (I Tes. 5:12-13 MB). Lalo tayong pasasakop, susunod at makikipagkaisa sa kanilang pangunguna sa atin (Heb. 13:17), sa paraang lalo
