Listahan ng bibilhin ni ermat sa puregold

Listahan ng bibilhin ni ermat sa puregold Contact information, map and directions, contact form, opening hours, services, ratings, photos, videos and announcements from Listahan ng bibilhin ni ermat sa puregold, Grocers, San Jose del Monte.

hihintayin ko ang iyong pagdating.kahit hindi ko alam kung kailan at hindi alam kung saan.ang alam ko lang sa ngayon e g...
02/01/2024

hihintayin ko ang iyong pagdating.
kahit hindi ko alam kung kailan at hindi alam kung saan.

ang alam ko lang sa ngayon e gusto kita.

-kulas

05/11/2023

Paubos na yung isang bucket natin nung nagsimula kang bumangka. Mahilo-hilo na din ako nun. Ang layo kasi ng pinanggalingan ko tapos sinundo pa kita sa trabaho mo bago tayo nag savanno.
Hilong-hilo ako sa paulit-ulit mong pagbabanggit na bias ang media. Na panay puna sila sa kasalukuyang pangulo dahil nabayaran sila.
Sumakit ang ulo ko sa mga paratang mo na kalaban ng bayan yung mga ayaw sa confidential fund. Sinabi mo pa na katulad ko ay dapat ding mag-move on na ang mga taong anti-marcos dahil sobrang tagal na ng nangyaring martial law. Idinugtong mo pa na mapagpatawad ang Diyos sa kahit sino man, kaya dapat ding patawarin na si Marcos sa mga nagawa nya noon.
Sukang-suka ako nung narinig ko ang mga sumunod mong sinabi. 'Tangina ayaw nyo maging HUC yung San Jose kasi tutol kayo sa pag-unlad. Puro kontra amputa'
Inaya talaga kita ngayon dahil espesyal ang araw na to para sakin. Balak ko sanang muling makipagbalikan sayo, kasi aminin ko, hanggang ngayon mahal parin talaga kita. Pero nung narinig ko yung mga sinabi mo, King ina wag na lang.
Inubos ko ang laman ng bote ko, at kung pwede lang talagang ipalo ko sayo yun, ipinalo ko na. Sapat na siguro yung mga nasabi mo para di na kita balikan.

-jigs

25/10/2023

Walang silbi yang "no to huc" mo kung yung partido naman kung san ka nakabilang e nagpopromote ng yes.
Dahil kung dyan pa lang nawalan ka na ng boses paano pa kaya kapag halimbawang nahalal ka na?

-kulas

10/05/2023

Basang mga unan, limot na kung paano matulog
Ikaw bumuo pero ikaw din pala ang dudurog

-kulas

04/04/2023

Kung babalik ka na sakanya, baunin mo tong pag-ibig ko. At kung babalik ka, nandito lang ako lagi, naghihintay.

-jigs

11/03/2023

mabigat yang dala mo pero ang gaan mo pa rin kausap, salamat

-kulas

17/01/2023

sasagutin mo kaya ko 'pag tumawag ako ulit?

dapat pala tinanong ko yan bago mo ko babaan.

mag-iisang taon na rin pala nung sinabi mong di ka na masaya. ay teka nga sumaya ka ba satin? kasi ako, sobra.

hinihintay ko pa rin yung pagkakataon na makakain tayo ng sabay sa paborito mong restaurant at makapagsimba kasama ang nakababata mong kapatid na iyong kamukha.
sabay nating ipagdarasal na sana mapaayos na yung kwarto mo para may sarili kang
espasyo sa mga gabing lumuluha ka, sa mga gabing tinatapik ka ng lungkot at sa mga gabing may bumubulong sayo na itigil na.

pero nakakabilib na nandyan ka pa rin at nagpapatuloy ngunit sa kabilang banda e nakakahinayang kasi yung tawagan natin naputol.

ang bilis ng panahon no at hindi mo man lang ako sinabihan na may nobyo ka na pala.
akala ko dati pahinga lang, ayaw mo na pala talaga.
akala ko oras lang sa isa't-isa yung nawala, yung pake mo rin pala.

kaya eto ako bumabalik-balik sa mga pag-uusap natin. nagbabakasakali. kinukumusta kung ayos ka lang ba kahit minsan e hindi mo na nagagawang sumagot. siguro dahil nga marami ka pang tawag na dapat unahing sagutin. basta laging mong tatandaan naka bukas ang linya ng telepeno ko kung sakaling gusto mo tumawag ha, magmamadali akong sagutin ka 'wag ka mag-alala. at huwag mo iisipin na naging masama ka dahil hindi ka na tumatawag o di kaya matawagan. call center agent ka na ngayon, marami ang nasa linya baka nasa dulo pa talaga ang aking pangalan.

-kulas

15/01/2023

naririnig ko parin ang boses mo sa mga paborito nating kanta. nakikita parin kitang nagbabasa ng paborito mong libro sa may maliit na lamesa sa loob ng aking kwarto, nagluluto ng agahan sa may kusina, at kung minsan ay nakatambay sa may sala.

naamoy parin kita sa mga unan at kumot sa k**a ko. kailangan ko na yatang maglaba. Ang totoo'y itinigil ko na ang paninigarilyo dahil hindi ko maiwasang maalala ka pag nakakalanghap ako ng usok.

ikaw ang panaginip sa araw na gusto kong magkatotoo at nagiging bangungot naman sa gabi, hindi ako pinapatulog ng boses mo sa mga paborito nating kanta, ng amoy mo sa aking unan at kumot. parang multong nagpaparamdam sa tuwing ako'y nag-iisa.

ayoko ng ganitong pakiramdam. gusto kitang makalimutan. pero hindi basta-basta nawawala ang alaala, lalo kung ayaw mong bitawan

-jigs

15/01/2023

kakapasok lang nung hunyo nun eksakto pasukan nung nagsimula tayong magka-usap.

ewan ko kung nagandahan ba ko sayo kasi madalas naman wala kang litrato sa iyong peysbuk o baka siguro dahil masyado kang misteryoso. di ko talaga alam

medyo maluwag na nung panahon na yun pero nakatakip pa rin ang mukha ng mga tao.
isang taong pandemya ba naman ang dumaan e mabuti na nga lang e nakakalabas na ang mga tao at nakakapagtrabaho kahit papaano

pagiistiwardes ata ang iyong kurso sa pagkakatanda ko. hindi ako sigurado kasi ang tagal na rin pero sana tama ako. basta ang natatandaan ko napakagaling mo maggantsilyo.

At wala nga sana ko balak magsulat ng ganito buti sumakit ngipin ko, naalala ko tuloy kung saan ka nun nagtatrabaho.

Osiya, saka ko na nga lang itutuloy ikuwento pagmagaling na ko

-kulas

Address

San Jose Del Monte
3023

Website

Alerts

Be the first to know and let us send you an email when Listahan ng bibilhin ni ermat sa puregold posts news and promotions. Your email address will not be used for any other purpose, and you can unsubscribe at any time.

Shortcuts

Share

Category