23/10/2024
Sa Islam ay kapag namatayan tayo ay hindi pweding ipagdiwang ang 3 days, 7 days, 40 days, 100 days dahil yan ay wala sa katuruan ng Islam, kaya ang mga ganitong gawain ay nararapat na iwasan dahil ito ay bid-a at lahat ng gumagawa ng bid-a ay parusa ng Allah ang naghahantay sa kanila sa kabilang buhay.
Sa Islam yung namatayan ay hindi sila yung magpakakain sa tao, bagkus yung mga taong namatayan ay sila yung nararapat na bigyan ng tulong, katulad ng mga pagkain o kung ano yung kanilang pangangailangan, sila ang nawalan, sila yung higit na dapat bigyan ng tulong, ganyan ang turo sa Islam.
Sinabi ni Ibn Umar Radiyallahu Anhu, ang lahat ng bid-a ay kaligawan kahit ang pananaw ng tao dito ay mabuti.
Ibig sabihin ay may mga bid-a na para sa tao ay ito ay hindi masama, pero hindi lingid sa kanilang kaalaman na ang gawaing bid-a ay kaligawan, at lahat ng gumagawa ng bid-a ay parusa ang naghahantay sa kanila.
At dagdag natin ang sinabi ni Ibn Mas-ud Radiyallahu Anhu, sabi niya ang pananatili sa gawaing sunnah kahit ito ay simpleng gawain ay mas mainam kumpara sa mga gawaing bid-a.
Tanong: Kung walang 3 days to 100 days ay anong gagawin pagkatapos mailibing yung tao?
Sagot: Pagkatapos ng libing ay ang magagawa natin ay ang tanggapin ng buong puso na siya ay bumalik na sa Allah at ilagay natin sa ating mga puso’t isipan na balang araw ay tayo na naman ang babalik sa Allah.
Yan ang pinakamagagawa natin at hindi na natin kailangan magdiwang o magkanduli ng 3days to 100 days, dahil ang ganyang gawain ay wala sa katuruan ng Islam, bagkus yan ay bid-a o taliwas na gawain.
Harada Poncian Adil✍🏻
