11/06/2026
ایک سوال اپنی قوم کے ان
نام نہاد سرداروں اور مختلف گجر تنظیموں کے عہدیداروں پر ہے، جو بڑی بڑی بیٹھکوں، جرگوں اور اسٹیجوں پر تو قوم کے ہمدرد بنتے ہیں
، لیکن جب قوم کے کسی مخلص نمائندے کا پورا گھرانہ اجڑ جاتا ہے تو ان کی زبانوں پر تالے لگ جاتے ہیں۔جب بھی تمہارے اپنے پروگرام یا جلسے ہوتے ہیں، تو تمہیں قوم کے یہی غیور نوجوان یاد آتے ہیں۔ تم انہیں چندوں اور فنڈز کے لیے استعمال کرتے ہو، اپنے پروگراموں کو کامیاب بنانے کے لیے بستی بستی گھومتے ہو، اور یہ بھولے بھالے جوان تمہارے پیچھے کھڑے ہو کر تمہارے نام کے 'زندہ باد اور مردہ باد' کے نعرے لگاتے ہیں۔ لیکن آج جب قوم کے لیے قربانی دینے والا ایک بڑا لیڈر، ایک نامور ٹرانسپورٹر افضل خان گجر زخمی حالت میں کھڑا اپنے جوان بیٹے اور بھتیجے کا جنازہ اٹھا رہا ہے، تو تمہاری سرداری اور عہدے کہاں غائب ہیں؟کیا تمہاری غیرت اور تنظیمی یکجہتی صرف فوٹو سیشنز اور واہ واہ سمیٹنے تک محدود تھی؟کیا تم نے ان جوانوں کو صرف اپنے پیچھے نعرے لگانے اور اسٹیج سجانےکےلیےرکھاہواہے
اگر تم قوم کے ایسے مخلص نمائندے اور ٹرانسپورٹ لیڈر کے حق میں آواز نہیں اٹھا سکتے جس نے قوم کے لیے اتنی بڑی قربانی دی، اگر تم مظلوم کے حق میں سڑکوں پر نہیں نکل سکتے، تو تمہیں قوم کی سرداری اور تنظیموں کے عہدوں پر بیٹھنے کا کوئی حق نہیں ہے۔ یہ مصلحت پسندی چھوڑو، ورنہ تاریخ تمہیں قوم کے سوداگروں کے نام سے یاد رکھے گی۔ اب صرف کاغذی تنظیموں اور نعروں کا وقت نہیں، اب عملی میدان میں نکلنے کا وقت
سوات کو ایک بار پھر کس کے رحم و کرم پر چھوڑ دیا گیا ہے؟جب 40 کے قریب مسلح افراد جدید ہتھیاروں اور راکٹ لانچروں کے ساتھ ایک نامور ٹرانسپورٹر اور عوامی نمائندے پر حملہ کرتے ہیں اور گھنٹوں فائرنگ کرتے رہتے ہیں، تو ریاست کی رٹ کہاں سوئی ہوتی ہے؟کیا قانون نافذ کرنے والے ادارے صرف غریبوں کو ہراساں کرنے اور ناکوں پر کھڑے ہونے کے لیے ہیں؟پوری رات فائرنگ ہوتی رہی، گاڑیاں جلائی جاتی رہیں، لیکن پولیس اور انتظامیہ نے وقت پر کارروائی کیوں نہیں کی؟ جب امن و امان قائم کرنے کی بات آئے تو یہ نظام اندھا، بہرا اور گونگا ہو جاتا ہے۔ ہم اس مجرمانہ غفلت اور خاموشی کو مسترد کرتے ہیں۔ اگر ریاست اپنے شہریوں اور ٹیکس دینے والے بڑے ٹرانسپورٹرز کو تحفظ نہیں دے سکتی، تو وہ ٹیکس اور اطاعت کا مطالبہ کس منہ سے کرتی ہے؟ سوات کے امن کو دوبارہ ٹارگٹ کلنگ کی آگ میں جھونکنے کی اجازت اب نہیں دی جائے گی۔ یہ بزدلانہ نظام یاد رکھے کہ کہ خیبرپختونخوا کی جنتی بھی قومی ہیں وہ ظلم کی خیلاف ایک ہیں اور بزدیل نہیں ہے، ہمارا امن پسندی کا مطلب ہماری کمزوری ہرگز نہیں!آخری لفظ: اب خاموشی جرم ہےافضل خان گجر کے خاندان کا خون ہم سے بیداری مانگتا ہے۔ گجر قوم کے غیور جوانوں! اب اپنے سرداروں اور تنظیموں کے سست عہدیداروں کے فیصلوں کا انتظار مت کرو۔ اب ان کے پیچھے اندھے ہو کر نعرے لگانا بند کرو، بلکہ ان کا گریبان پکڑ کر سوال کرو۔ اٹھو اور اس ظلم کے خلاف اپنی آواز بلند کرو۔ ہم اپنے مشر افضل گجر کے ساتھ چٹان کی طرح کھڑے ہیں اور جب تک اس حملے کے ماسٹر مائنڈز اور سہولت کاروں کو کیفرِ کردار تک نہیں پہنچایا جاتا، ہمارا احتجاج اور ہماری مزاحمت جاری رہے گی۔امن ہمارا حق ہے، اور ہم اپنا حق چھین کر لینا جانتے ہیں
مختیار گجر 🖊️🖋️✒️
