14/06/2026
پچھلے الیکشن کے بعد جمال داوڑ اور رحیم داوڑ کے درمیان بعض غلط فہمیوں کی بنیاد پر ایک تنازعہ چل رہا تھا۔ اس دوران بہت سے معززین اور خیرخواہوں نے صلح کی کوششیں کیں، مگر کسی نہ کسی وجہ سے فیصلہ مؤخر ہوتا رہا اور معاملہ لٹکا رہا۔
Jamal Dawar Jamal Dawar Rahim Dawar
آج اللہ کے فضل و کرم سے وہ گھڑی آ پہنچی جس نے دلوں کی دوریاں ختم کر دیں۔ رحیم داوڑ نے بڑے پن، عاجزی اور اخلاص کا مظاہرہ کرتے ہوئے ملک میرے سیدے جان عرف (لالئ) کی معزز فیملی کے ٹاؤن شپ بنوں میں واقع بنگلے پر ننواتہ کی۔ یہ قدم صرف ایک رسم نہیں بلکہ دل سے اٹھنے والی سچائی اور صلح کی نیت کا عملی اظہار تھا۔
اس موقع پر جمال داوڑ نے بھی عظمتِ کردار اور فراخ دلی کی اعلیٰ مثال قائم کی۔ انہوں نے ننواتہ کو عزت کے ساتھ قبول کرتے ہوئے رحیم داوڑ کو مکمل طور پر معاف کر دیا اور یوں ماضی کی تمام تلخیاں ختم ہو گئیں۔ معافی کے اس فیصلے نے ثابت کر دیا کہ اصل طاقت بدلے میں نہیں بلکہ درگزر میں ہوتی ہے۔
آج کے بعد جمال داوڑ اور رحیم داوڑ کے درمیان کسی بھی قسم کا کوئی تنازعہ باقی نہیں رہا۔ یہ صلح نہ صرف دونوں خاندانوں کے لیے سکون اور خوشی کا باعث بنی بلکہ پورے علاقے کے لیے بھائی چارے، امن اور اتحاد کا پیغام بھی بن گئی۔
اللہ تعالیٰ اس فیصلے کو دائمی خیر، محبت اور اتفاق کا ذریعہ بنائے، دونوں خاندانوں کو ہمیشہ عزت، سلامتی اور خوشحالی عطا فرمائے، آمین
