05/02/2025
حضور ِ والا
میکوں نی پتہ
وفائیں کیا ہن
جفائیں کیا ہن
میکوں بس اتنا خبر ہے سائیاں
میڈا تاں سب کجھ متھاج تیڈا
میڈی حیاتی تیں راج تیڈا
اے دل وی تیڈا
تے جان تیڈی
اے ساہ دا تھورا
امان تیڈی
جے تیکوں ڈیکھوں تاں رات گزرے
جے تیکوں سوچوں تاں سجھ ابھاروں
جے لب چلیجن تاں
تیڈیاں گالھیں تیں
تیڈے کلمے
بیا نہ کہیں دو دھیان ویندے نہ ذہن ویندے
تیڈے خیالیں دی بیقراری
ھ رات ساری
اے تیکوں پتے
اے توں سمجھدیں
زمانہ جانڑے تاں
چیوو جانڑے
اساں تاں تیڈی طلب دے ماریے پنل پیاسے
اساڈے سینے ملچدی سک دا سرور ڈیکھو تاں ایویں لگدے جو
ساڈے اندر دا تھل پیاسے
آساں تھلوچڑ
آساں بیٹوڑی
آساں روہیلے
آساں دامانی
آساں تاں اپنے پنل دے پیریں دا کوئی نشانی
آساں تاں جگ دے فقیر لوک ہیں
حضور تیڈے اسیر لوک ہیں
مگر اے سچ ہے حضور ِ والا
تیڈے تعلق دے کچے دھاگے دی ترٹی تند ہیں
ولا وی تیڈے نیاز مند ہیں
عثمان قاصر
