慢活.葡萄牙 （Portugal Life balance）

11/06/2026

約2個月前Novobanco 要我今年內相隔不到2個月的第二次update資料，無辦法都係照佢要求，只是再比多一次同樣的資料佢地，因我新咭都係未有收到，事隔2個月，今天又收到銀行電郵，好消息係話已幫我更新咗資料，但係就要我確認我黃金簽證申請類別，真係越來越煩，真係好想取消咗係佢地個戶口，吾想每2個月比佢地煩，而且佢地啲工作速度咁快，用2個月先幫我地更新到資料，不過佢地肯幫我搞都算好了。😅😅😅😅

02/06/2026

今次想請大家幫忙做個調查，我知近日陸續有朋友收到新咭了，所以想問大家之前有無入過AIMA 個renewal portal呀?而攞到咭嘅朋友，而家用返第二張咭嘅號碼重login到入個portal嗎？有個朋友攞咗，而家就入吾到了，而我未攞到，但而比我登記和recover password 後都入吾到，想了解一下，謝謝。

02/06/2026

昨天係AIMA第一天的罷工，但還有少量職員上班辦理預約個案。

以上資訊是律師和客人昨天去完回來講我知的。

各個AIMA人手情況可能有吾同，請自行和你自家律師了解情況。

因我請求律師幫忙問我renew 咭情況，職員話排隊印製中，我相信這是官方標準答案。🤣🤣🤣🤣

30/05/2026

最近時有在FB專頁上睇到有申請入籍人仕的分享他們的入籍申請批核時間表，有啲一年多搞惦，有啲等成5年，有時一年到第二步都無用，第三，四步可能等成4年，全程5年，所以新例以第一張咭計居住10年後先可以申請入籍，有可能全程花15年時間，吾計等第一張咭嘅時間，如果加埋有可能子女由申請時重係BB,到等父母批出時可能都已18歲，到時要獨立申請入籍，考葡文試（除咗一早已在葡萄牙讀葡文學校嘅可以吾使考），另外文化試吾知使吾使。🥲

另外真實朋友個案申請入籍3年，而家重係第一步，希望佢一來就2，3，4步一年內完成啦，但咁都要4年。🥲

最近葡萄牙新聞報道有葡萄牙部長話，政府改例由居住5年變10年並無違反丞諾，因政府地從來無話申請GV居住期夠5年可以入籍，係移民中介騙我地啫。😅從來無肯定會批出國籍，其實批吾批從來都係國家嘅決定，吾批都係有權的。😬

這個貼係純粹分享FB, 網聞，朋友得來的資訊，不喜勿插，吾好粗言穢語。謝謝。🙏

我相信大家可能聽到嘅比我多。😊

28/05/2026

個頭先問有無GV申請人最近收到新咭或分享下情況，因我9月辦理續咭，到而家都未收到新咭，但就成日比銀行叫update 居留咭，個頭AIMA下星期一開始會採取4天罷工行動，因星期四假期，所以即係話由5月30日起直到6月7日有9天假期，所以你急我吾急，一於休息9日先。🤣🤣🤣🤣

https://www.portugalresident.com/aima-announces-four-days-of-strike-action-due-to-degradation-of-work-conditions/

28/05/2026

我的會計師在5月初幫我交報稅表，當時會計查看我一家3口的2025年稅務紀錄時，發現有一間公司報了我太太幫她打工，在2025年度內出了9###多歐的糧，但我家這幾年都無打工，都吾識葡萄牙語點揾工呢，于是我問會計是否要報案有人盜用佢身份，佢話吾使，只須在報稅時取消這項收入便可，遞交後約一星期AT已回覆我，並確認資料正確，已且在10天後即今天竟然有退稅入了我銀行戶口，所以葡萄牙嘅政府部門，吾係全部都做嘢慢嘅，吾係追交稅，係退稅都咁快手。🤣🤣🤣🤣😊😊😊😊

但明年我相信無退稅了，因為囝囝已再無學費減免和要獨立報稅，佢嘅所有使費再無得在我的稅表內減免，而佢又吾可以打工住，咁即係有得使無得減，包括250歐雜項，保險，醫療，餐飲，運動，交通，書報，剪髮等等開支都不能扣了。另外因我有預繳租金收入稅金的，所以加埋全部先有少少退款啫。😅

備註：其實吾明個間公司點解會報錯我太太稅號，因葡萄牙稅號吾係順序，吾大可能因打錯1，2個號碼的，而且就算有咁啱，個名都對吾上，點報呢？這點我真的吾明白，但稅局已退稅好似又無問題咁。🤪

18/05/2026

今日葡萄牙共和國日報已公報新國籍法在5月19日星期二生效。

所有未遞交入籍申請者，則須要依新法，由第一張咭發出日計十年，如是葡語系國家和歐盟國則須7年時間後才可申請了。

https://www.jn.pt/nacional/artigo/nova-lei-da-nacionalidade-entra-em-vigor-na-terca-feira/18085582

11/05/2026

有黃金簽證申請者預備向葡萄牙政府提出集團訴訟。
https://www.imidaily.com/europe/500-golden-visa-holders-prepare-collective-lawsuit-against-portuguese-state/

10/05/2026

葡萄牙IRN已在數天前澄清了，在新國籍法生效前，入藉申請是以網上遞交申請日期計算，但須由律師代表申請入籍。

O IRN esclarece que, “para efeitos de aplicação das alterações à lei, será considerada a data de submissão do pedido na plataforma”. Seguro tinha pedido que processos pendentes não fossem afectados.

03/05/2026

葡萄牙總統最終通過新修訂的國籍法了，

但詳細情況有待公報。

https://www.dn.pt/pol%C3%ADtica/pr-promulga-decreto-que-altera-lei-da-nacionalidade-mas-desejava-maior-consenso