Maez حساب تجاري

15/08/2026

26/07/2026

-بيصعبوا عليا جداً الناس اللي قلوبها عاشت الخضّة بدري ، ايوا انت قريتها صح ، القلوب اللي اتخضت بدري ، عاشت فـ ـزع الخـ ـذلان من أعز الناس في الدنيا ،
- النفوس اللي عاشت كل أنواع الحرمان ( حرمان من حنان الأهل )
و ( حرمان من إحتواء الأصدقاء )
( حرمان من الشعور بالإستقرار الحياتي الطبيعي )
و ( حرمان من قدرة على تجاوز الصعاب ) وأقصد هنا شتّى أنواع الصعاب من عِشرة ناس ما تتعاشرش، صعاب من تحمّل قلوب قاسية ، سواء في شراكة حياة أو شغل أو حتى أهل ، صعاب سباق عجلة الزمن ،
و ( حرمان الوصول لقرارات سليمة مصيرية)
( حرمان إن حد يفهمك ، يتقبّلك ، يسمعك ، يستوعبك)
(حرمان الهدوء وراحة البال )
( حرمان الشعور بالونس )
(الناس اللي اتكتب عليهم يبقوا وحيدين رغم وجود عدد كبير من الناس حواليهم، و ده مش من وحاشتهم ، ده ممكن يكون بسبب إختلافهم وتميّزهم ، لاقوا من الصعب حد يكون على نفس إيقاعهم في الشعور والعقل )
لو لقيت نفسك بالشكل ده ، او حد قريب منك بيعاني من الخضّة دي ، اقف جنبه واسنده وكلمه عن ميزاته الحلوة ، في ناس بتبقا فعلاً مستنية الكلمة البسيطة والتهوين والتطمين مش اكتر 🤚