22/02/2023
قروية جَات من البلد
من بيت ابوُهَا مُحشمَه
جات من أجل العلم
تحَقق أهداف ابوها وامها
ابوها وصَاها بِأحترام
بي كلمة حلوه مُمعنه
قال ليها يا بِت يا هناء
اوعِك تروحي دمنا
وقال ليها الجامعة غِش
وخلق كتير بتلمهااااااا
ناس فرق من كلِ ناس
وناس بتلعب بشمِلها
وعايزنك بالفرح الجميل
باكر تحققي حلمنا
وتتخرجي بأمتياز
والفرح كلو يعمنا
وقالتلو بكل إحترام
باكر تشوف بنتك هناء
تسقيك من كأس الفرح
ورافعه راسك في السماء
وبعد ما عده أسبوع
صبحت كتير متغيرة
مرات بتلبس لبسِ كيف
وصبح الأمرِ ما بهمها
نست ابوها الكان زمان
وصيتو راحت منها
غشاها واحد بالكذب
وقال ليها ياخ انتِ القمر
يا زوله انتِ مغننه
بريدك وما بقدر عديل
خلينا نعيش ياخ حبنا
وقالتلو بهمسه وحنين
بعيش معاك يا حبنا
وما عارفه انو الحب غش
وأصبح خلاص بالمصلحه
عاشت معاهو وصدقتُ
وساقها في يوم بالمساء
في شقة سمحه مرتبة
عاشت معاهو الليلة ديك
ونست ابوها وامها
وبعد ما وصل لي مقصدو
قال ليها حبنا انتهاء
وخلها في حسره وندم
وندمت كتير لي حبها
وصية لي كل بِت بلد
كَرامِتك ارفعي همها
واوعكِ تبدلي حشمتك
وخليكِ دوام متحشمه
أيمن البحري
