https://www.facebook.com/896026770259237/

AKL Online Market, Jurong west Street 62, Singapore (2026)

18/12/2025

Happy family trip 🥰😍😘

18/12/2025

🙏🏻🙏🏻🙏🏻 ဆုတောင်းပြည့်တဲ့ ပီလခတ်ဘုရားလည်း
မရောက်ရောက်အောင်သွားပြီး ဖူးခဲ့ကြသေးတယ်
ဘုရားကျောင်းက ကျွေးတဲ့ သတ်သတ်လွတ် ပဲဟင်း
ခရမ်းချည်သီးချတ်နဲ့ ပါပလာကြော် ထမင်းလေးလည်း
ဝင်စားခဲ့ကြသေးတယ် 😋😋😂😍

11/12/2025

Respect People ☺️😊

11/12/2025

ဟိုဘက်အိမ်က wifi ရနေသောအခါ😂😁

10/12/2025

ကျွန်မတို့ မိဘတွေဟာ ကလေးတွေ ပျော်ရွှင်ဖို့၊ မိသားစု အေးချမ်းသာယာဖို့ဆိုပြီး ကြီးမားတဲ့ အရာတွေကို ရှာဖွေတတ်ကြပါတယ်။ အားလပ်ရက် ခရီးထွက်တာ၊ ဈေးကြီးတဲ့ လက်ဆောင်တွေ ပေးတာ ဒါမှမဟုတ် အိမ်ကြီးကောင်းကောင်း ဆောက်တာမျိုးပေါ့။ ဒါပေမဲ့ အတွေ့အကြုံအရ သိလာရတာက မိသားစုရဲ့ ပျော်ရွှင်မှုဟာ နေ့စဉ် ဘဝရဲ့ သေးငယ်တဲ့ အစိတ်အပိုင်းလေးတွေ ပေါ်မှာပဲ တည်မှီနေတာပါပဲ။

ကျွန်မတို့ရဲ့ ဘဝတွေဟာ အလုပ်၊ ကျောင်း၊ ဖုန်း၊ လူမှုကွန်ရက်တွေနဲ့ ဖိစီးနေတဲ့ ဒီခေတ်ကြီးမှာ မိသားစု ဆက်ဆံရေးကို ပိုမို ခိုင်မာနွေးထွေးအောင် ဘယ်လို တည်ဆောက်ကြမလဲ။ မိခင်တစ်ဦးအနေနဲ့ ကိုယ်တိုင် လက်တွေ့ ကျင့်သုံးဖို့ကြိုးစားနေတဲ့၊ တကယ်ကို ထိရောက်မှုရှိတဲ့ နေ့စဉ် အလေ့အကျင့် (၅) ခုကို စာဖတ်သူ မိဘတွေအတွက် မျှဝေပေးချင်ပါတယ်။

အလေ့အကျင့်တွေဟာ အချိန်အများကြီး မယူပါဘူး၊ ဒါပေမဲ့ ရလဒ်ကတော့ ကြီးမားလှပါတယ်။

🔹၁🔹နေ့စဉ် မိနစ် (၃၀) တိတိ “အာရုံစိုက် အချိန်” ကို သတ်မှတ်ပါ
ဒီအချက်က အဓိက အကျဆုံးလို့ ပြောလို့ရပါတယ်။ ကျွန်မတို့ဟာ ကလေးတွေနဲ့ အတူရှိနေပေမဲ့ တကယ်တမ်း အာရုံစိုက်မှုက ဖုန်းထဲ၊ အီးမေးလ်ထဲ အလုပ်ထဲအာရုံရောက်နေတတ်ပါတယ်။

🔺ဘယ်လို လုပ်မလဲ?
ညနေအလုပ်က ပြန်လာတဲ့အချိန် ဒါမှမဟုတ် ညအိပ်ရာ မဝင်ခင်မှာ တစ်ခြား အနှောင့်အယှက်တစ်ခုမှ မပါဘဲ သားသမီးတစ်ဦးချင်းစီနဲ့ (ဒါမှမဟုတ်) အိမ်ထောင်ဖက်နဲ့ ၃၀ မိနစ်လောက် အတူရှိပေးပါ၊ စကားစမြည်ပြောပေးပါ။ ဖုန်းကို အဝေးမှာ ထားပါ။ ကလေးတွေပြောတာကို နားထောင်ပေးပါ။ နေ့တစ်နေ့ကို ဘယ်လို ဖြတ်သန်းခဲ့ရလဲ မေးမြန်းပါ။

🔺ဘာကြောင့် အရေးကြီးသလဲ?
မိနစ်အနည်းငယ်ဆိုပေမဲ့ ကလေးတွေဟာ သူတို့အတွက် မိဘရဲ့ အာရုံစိုက်မှုက (၁၀၀) ရာခိုင်နှုန်း ရှိနေတယ်ဆိုတာကို ခံစားရတဲ့အခါ လုံခြုံမှုနဲ့ ချစ်ခြင်းမေတ္တာကို အပြည့်အဝ ရရှိပါတယ်။

🔹၂🔹ကျေးဇူးတင်ခြင်းနှင့် ဂုဏ်ပြုခြင်းအလေ့အကျင့်
ကျွန်မတို့ မြန်မာလူမျိုးတွေဟာ ချီးမွမ်းစကားကို နှုတ်က ထုတ်ပြောဖို့ တွန့်ဆုတ်တတ်ကြပါတယ်။ ဒါပေမဲ့ အသိအမှတ်ပြုခြင်းဟာ ဆက်ဆံရေးအတွက် စွမ်းအားတစ်ခုပါပဲ။

🔺ဘယ်လို လုပ်မလဲ?
ညစာ စားပွဲဝိုင်း၊ ဒါမှမဟုတ် အိမ်ကနေ မထွက်ခွာခင်မှာ တစ်ယောက်ချင်းစီကို "ဒီနေ့ ဘယ်အရာအတွက် ကျေးဇူးတင်မိလဲ" ဆိုတာကို ပြောပါ။ ဥပမာ- "သားလေး ဒီနေ့ အဖေ့ကို ရေတစ်ခွက် ခပ်ပေးလို့ ကျေးဇူးတင်တယ်"၊ "အမေ ဒီနေ့ အရမ်းပင်ပန်းမယ့် အလုပ်တစ်ခုကို အောင်မြင်အောင်လုပ်ပြီးသွားလို့ အရမ်းဂုဏ်ယူတယ်" စသဖြင့် ပြောပေးပါ။

🔺ဘာကြောင့် အရေးကြီးသလဲ? မိသားစုဝင်တွေဟာ သူတို့ရဲ့ လုပ်ဆောင်ချက်လေးတွေ၊ ကြိုးစားမှုလေးတွေဟာ တန်ဖိုးရှိတယ်ဆိုတာ ခံစားရတဲ့အခါ မိမိကိုယ်ကို တန်ဖိုးထားတဲ့ စိတ် မြင့်တက်လာပြီး အချင်းချင်း ပိုမို တန်ဖိုးထားတတ်လာပါတယ်။

🔹၃🔹စိတ်ခံစားမှု ဘေးကင်းရာ နေရာ (Safe Space) ကို ဖန်တီးပါ
ကျွန်မတို့ အိမ်ဟာ အပန်းဖြေရာ၊ အားအင်ပြန်ဖြည့်ရာ နေရာ ဖြစ်ရုံမကဘဲ စိတ်ဆိုးဒေါသထွက်တာ၊ ဝမ်းနည်းတာ၊ ရှုံးနိမ့်တာ စတဲ့ မည်သည့် စိတ်ခံစားမှုကိုမဆို လုံခြုံစွာ ဖော်ထုတ်နိုင်တဲ့ နေရာ ဖြစ်ဖို့ လိုပါတယ်။

🔺ဘယ်လို လုပ်မလဲ?
မိဘတွေဟာ ကလေး ဒါမှမဟုတ် အိမ်ထောင်ဖက် စိတ်ထိခိုက် ဝမ်းနည်းနေချိန်မှာ အဆုံးအဖြတ် မချဘဲ (Non-judgmental) နားထောင်ပေးနိုင်ဖို့ လေ့ကျင့်ပါ။ "ဒီလို မလုပ်သင့်ဘူး/ မဖြစ်သင့်ဘူး" လို့ ပြောမယ့်အစား "အခုလို ခံစားနေရတာကို နားလည်ပါတယ်" လို့ ပြောဆို ဆွေးနွေးပါ၊နှစ်သိမ့်ပေးပါ။

🔺ဘာကြောင့် အရေးကြီးသလဲ?
စိတ်ခံစားမှု လုံခြုံမှုရှိတဲ့ အိမ်မှာ ကြီးပြင်းလာတဲ့ ကလေးတွေဟာ ပြင်ပ ကမ္ဘာနဲ့ ရင်ဆိုင်ရာမှာ ပိုမို ခံနိုင်ရည်ရှိပြီး မိဘကိုလည်း ယုံကြည်မှု အပြည့်ရှိပါတယ်။

🔹၄🔹အတူတူ စားသောက်ခြင်း ကို မိသားစုဓလေ့အဖြစ် သတ်မှတ်ပါ
စားပွဲဝိုင်းဆိုတာ အစာစားတဲ့ နေရာ သက်သက် မဟုတ်ပါဘူး။ အဲဒီနေရာဟာ ဆက်သွယ် ပြောဆိုတဲ့ နေရာ၊ နေ့တစ်နေ့ရဲ့ အမှတ်တရတွေကို ဝေမျှတဲ့ နေရာပါ။

🔺ဘယ်လို လုပ်မလဲ?
တစ်ပတ်မှာ အနည်းဆုံး (၃) ရက် သို့မဟုတ် ဖြစ်နိုင်ရင် နေ့တိုင်း ညစာကို ဖုန်းမပါဘဲ၊ တီဗီ ပိတ်ပြီး အတူတူ စားသောက်ပါ။ စားပွဲဝိုင်း စကားဝိုင်းရဲ့ ခေါင်းစဉ်ကို တစ်ယောက်စီ အလှည့်ကျ ရွေးချခိုင်းပါ။

🔺ဘာကြောင့် အရေးကြီးသလဲ?
စားပွဲဝိုင်းမှာ စကားပြောဆိုခြင်းဟာ မိသားစုဝင်များကြား စကားပြောဆိုမှု စွမ်းရည်ကို တိုးတက်စေသလို၊ ကလေးတွေရဲ့ စာသင်ကျောင်း ဘဝနဲ့ ပတ်သက်တဲ့ အချက်အလက်တွေကိုလည်း အလွယ်တကူ သိရှိနိုင်ပါတယ်။

🔹၅🔹ပျော်ရွှင်စရာ မိသားစု လှုပ်ရှားမှု ရိုးရာဓလေ့ကို တည်ဆောက်ပါ
ကြီးကျယ်ခမ်းနားဖို့ မလိုပါဘူး။ ရိုးရှင်းတဲ့ ရိုးရာလေးတွေဟာ မိသားစုရဲ့ မှတ်ဉာဏ်တွေကို ဖန်တီးပေးပြီး ပျော်ရွှင်မှု ဟော်မုန်းတွေကို ထုတ်ပေးပါတယ်။

🔺ဘယ်လို လုပ်မလဲ?
ဥပမာ- သောကြာနေ့ ညတိုင်း အတူတူ ပဟေဠိ (Puzzle) ဆက်ခြင်း၊အဖွဲ့လိုက်ဆော့ရတဲ့ဂိမ်းတစ်ခုခုကစားခြင်း ၊တနင်္ဂနွေ မနက်တိုင်း အတူတူ မုန့်ဖုတ်ခြင်း၊ ဒါမှမဟုတ် လစဉ် ပထမဆုံး စနေနေ့တိုင်း အိမ်နီးချင်း ပတ်ဝန်းကျင်ကို အကူအညီပေးခြင်း စတဲ့ ရိုးရှင်းတဲ့ လှုပ်ရှားမှုတစ်ခုကို သတ်မှတ်ပါ။

🔺🔺ဘာကြောင့် အရေးကြီးသလဲ?
ဒီလို ရိုးရာဓလေ့လေးတွေဟာ မိသားစုဝင်တွေကြား အပြန်အလှန် ပူးပေါင်းဆောင်ရွက်မှုကို မြှင့်တင်ပေးပြီး နောင်နှစ်ပေါင်းများစွာ ကြာတဲ့အထိ ပြန်ပြောင်းပြောဆိုရမယ့် ချစ်စရာ မှတ်ဉာဏ်တွေကို ဖန်တီးပေးပါတယ်။

🍀ပျော်ရွှင်တဲ့ မိသားစု ဘဝဆိုတာ ကံကောင်းခြင်းတွေကြောင့် ရလာတာ မဟုတ်ပါဘူး။ နေ့စဉ်နေ့တိုင်း သတိရှိရှိနဲ့ တည်ဆောက်ယူရတဲ့ အနုပညာတစ်ရပ်ပါ။ အခု ဖော်ပြခဲ့တဲ့ အလေ့အကျင့် (၅) ခုဟာ အချိန်၊ ငွေ၊ အင်အား သိပ်ပေးစရာ မလိုဘဲ ချက်ချင်း စတင်နိုင်တဲ့ အရာတွေပါ။

ကျွန်မတို့ မိခင်တွေ၊ ဖခင်တွေအနေနဲ့ ပြီးပြည့်စုံဖို့ အကြီးကြီးတွေကြိုးစားနေမယ့်အစား မိသားစုတည်မြဲဖို့ ကိုသာ ခုလိုအသေးလေးတွေကစပြီးအာရုံစိုက်လိုက်ပါ။ ဒီနေ့ကစပြီး မိသားစုထဲက အလေ့အကျင့် တစ်ခုကို ရွေးချယ်ပြီး စတင်ကြည့်လိုက်ပါ။ ရလဒ်ကောင်းတွေက မေမေတို့ဖေဖေတို့ကို အံ့အားသင့်စေမှာ အသေအချာပါပဲ။အစပိုင်းမှာခက်သယောင်ရှိပေမဲ့ တဖြည်းတဖြည်းကြိုးစားကြည့်ပါနော်။ပိုမိုနွေးထွေးတဲ့ ပျော်ရွှင်စရာကောင်းတဲ့ မိသားစုဘဝကိုရဖို့ ဆန္ဒပြုလိုက်ပါတယ်ရှင်။

©️Mommii Khin's Storyline

(ရှဲလိုကရှဲ ကော်ပီယူလိုကယူပါ ကျွန်မပေ့နာမည်လေးကိုအသိအမှတ်ပြုထည့်ပေးရင်ရပါဘီရှင်)

#မိသားစု

10/12/2025

Auto cleaning machine 😁☺️

10/12/2025

👌👌

10/12/2025

ဆရာမရင်လေးတယ် သားရေ😍😁

10/12/2025

Love you Mom ❤️😘😍

10/12/2025

So playful my son ☺️❤️

AKL Online Market

18/12/2025

18/12/2025

11/12/2025

11/12/2025

10/12/2025

10/12/2025

10/12/2025

10/12/2025

10/12/2025

10/12/2025

Address

Website

Alerts

Contact The Business

Shortcuts

Share

Category