Ustaad Lakuuka

08/08/2026

Berri 10:00 subaxnimo ayaa la shaacin doonaa natiijada imtixaanka. Si aad u sii diyaar garowdo, natiijadaadana aad u hesho munaasabadda kaddib, fadlan booqo linkigan:

https://banadir.exams.so/bogga_hore_list.php?page=list1

Kaddibna raac tilmaamaha ka muuqda sawirka si aad u hesho natiijadaada.

Guul ayaan idiin rajaynaynaa dhammaantiin.

22/07/2026

10/04/2026

Iskuulka Himalaya waa astaanta dadaal, dulqaad, iyo horumar muuqda. Waxaa lagu bilaabay si aad u kooban—10 kursi iyo 10 miis—laakiin himilo sare iyo shaqo joogto ah ayaa ka dhigtay meel ay ku barbaaraan jiilal aqoon leh. Muddo 15 sano ah ayuu si hagar la’aan ah u barbaarinayay arday, isagoo maanta gaaray heer sare oo lagu faano, kana mid noqday goobaha waxbarasho ee hormuudka ah.
Himalaya ma aha oo keliya dugsi, waa xarun riyooyin lagu dhiso, maskaxdana lagu iftiimiyo. Waa meel ay ka soo baxeen arday leh aqoon, akhlaaq, iyo himilo sare oo u diyaarsan mustaqbal ifaya.
Ugu dambayn, waxaan mahad gaar ah u jeedinaynaa Ustaad Feysal Muuse, kaalinta weyn ee uu ka qaatay horumarka iskuulka iyo doorka uu ka ciyaaray kor u qaadista waxbarashada, gaar ahaan bulshada reer Jowhar. Dadaalkiisa iyo hogaamintiisa waxay noqdeen tiir adag oo lagu gaaray guushan maanta muuqata.
Mahadsanid Ustaad Feysal Muuse—raadka aad reebtay waa mid lagu daydo, laguna faano.

23/03/2026

Waxaan hambalyo iyo bogaadin u dirayaa Ustaad Cumar Cusman Maxamed (Ustaad Cumar Madoowe) oo ku guuleystay shahaadada Master Degree.

Guushan waa mid muujinaysa dadaal, dulqaad iyo karti sare. Waa tallaabo muhiim ah oo ku dayasho mudan, kana tarjumaysa himilo sare iyo horumar joogto ah.

Waxaan kuu rajaynaynaa mustaqbal ifaya, guulo hor leh iyo in aqoontaada aad bulshada uga faa’iideyso si wanaagsan.

Hambalyo mar kale, Ustaad 👏🎉