02/03/2023
ပြင်လို့ မရတဲ့ အကုသိုလ် 🔴
ပုထုဇဉ် ဆိုတာ
ကောင်းတာလည်း လုပ်မိတာပဲ
မကောင်းတာလည်း လုပ်မိတာပဲ …
အဲဒီတော့
မကောင်းတာတွေ လုပ်မိပြီးလို့ ရှိရင်လည်း
တစ်သက်လုံး အရှုံးပေးရတော့မလား ဆိုတော့
မဟုတ်ဘူး …
အဲ့ဒီ ကံတရားတွေက
လွတ်မြောက်တဲ့ နည်းလမ်းတွေရှိတယ် …
ဆိုပါစို့ -
အကုသိုလ်တစ်ခု လုပ်ထားမိပြီး
ပြင်လို့မရတဲ့ အကုသိုလ် ဆိုတာ မရှိဘူးနော် …
ဒေဝဒတ်ကြီးဟာ
အမြင့်ဆုံး အကုသိုလ် ကံကို
ကျူးလွန်ထားတယ် …
ဘုရားနဲ့ပတ်သက်တဲ့
" လောဟိတုပ္ပါဒက " တို့
သံဃာနဲ့ ပတ်သက်တဲ့ " သံဃာဘေဒက"တို့ ဆိုတဲ့
ဒီ " ပြစ်မှုကြီး နှစ်ခု "ကျူးလွန်ထားတယ် …
" ဒေဝဒတ် " နဲ့ ပတ်သက်ပြီး
မြတ်စွာဘုရားက " ဗျာဒိတ် " ပေးတယ် …
ဘာပေးလဲ ?
"အာပါယိကော နေရယိကော ဒေဝဒတ္တော "
ဒေဝဒတ် က
အပါယ် ရောက်မှာပဲ ငရဲကျမှာပဲလို့
" definate " ပြောတယ် …
" အတေကိစ္ဆော "
ပြင်လို့ မရတော့ဘူး , ကုစားလို့မရ တော့ဘူး …
" ကပ္ပဋ္ဌော "
" တစ်ကမ ္ဘာလုံး ငရဲခံရမယ် " လို့
ဒီလိုပြောတယ် …
အဲဒီ ပြောဆိုချက်နဲ့ ပတ်သက်ပြီးတော့
ရဟန်းအချို့က " သံသယ " ဖြစ်တယ် …
မြတ်စွာဘုရားက ဘာဖြစ်လို့
" ဒေဝဒတ် " ကို ဒီလို အတိအကျကြီး
ပြောနိုင်တာတုန်းလို့ ဆိုတော့ …
မြတ်စွာဘုရားက
ရှင်းပြတယ်
ဒါလည်း မှတ်သားစရာ တစ်ခုပဲ …
ဘယ်လို ရှင်းပြတုန်းလို့ ဆိုတော့
" ဒေဝဒတ် " ရဲ့ " သန္တာန် " မှာတဲ့
အပ်ဖျားလေးလောက် …
{ စာထဲမှာတော့ " သားမြီးဖျား "လို့ ပြောတယ် }
နားလည် အောင်လို့
အပ်ဖျားကလေးလောက်
ထောက်ပြစရာ နေရာမှာတောင်
ဖြူစင်တဲ့ သဘာဝတရားတွေ မကျန်တော့ဘူး တဲ့ …
ဒီလို မကျန်လို့
" ငါ ဘုရား " က ဒီလိုဟောတာ …
အကယ်၍
အပ်ဖျားလေးလောက် ထောက်ပြစရာ
ကုသိုလ်လေး ကျန်နေသေးတယ် ဆိုရင်
ငါ ဒီစကားမပြောဘူးတဲ့ …
ကြည့် …
ဒေဝဒတ်မှာ ကုသိုလ်တွေ
လုံးဝ ကုန်သွားတဲ့ အဓိပ္ပါယ်
မြတ်စွာဘုရား ပြောတယ်နော် …
အဲ့ဒီ ပုဂ္ဂိုလ်မျိုးမှ
ငရဲကျမှာလို့ " အတိအကျ " ပြောလို့ရတယ် …
ကျန်တဲ့
" ပုဂ္ဂိုလ် " တွေ " ငရဲကျမယ် " လို့
" အတိအကျ " ပြောလို့မရဘူး …
မြတ်စွာဘုရားရဲ့ " ဒေသနာတော် " က ဒီလို …
ကြည့် -
ဟောပုံချင်း မတူဘူး …
" ပါဏာတိပါတ " နဲ့ ပတ်သက်ပြီးတော့
" နိဂဏ္ဌနာဋပုတ္တ " က
" ပါဏာတိပါတ " အမှုပြုတဲ့ " ပုဂ္ဂိုလ်အားလုံး "ဟာ
" ငရဲကျတယ် " ဒီလိုဟောတယ် …
မြတ်စွာဘုရားက အဲဒီလို မဟောဘူး …
ဟောပုံခြင်း
တူ , မတူ စဉ်းစားကြည့် …
ဗုဒ္ဓမြတ်စွာက
" ပါဏာတိပါတော နိရယသံဝတ္တိနိကော "
"ပါဏာတိပါတ အမှုသည်
ငရဲ ၌ ဖြစ်စေနိုင်တယ်လို့ ဟောတာ …
ဒါ ငရဲ မှာဖြစ်ရမယ်လို့
မဟောဘူးနော် …
အကုသိုလ်အမှု ပြုရင်
ငရဲကျမယ်လို့ မပြောဘူး …
ဒီဟာ က
ငရဲ ကို ကျစေနိုင်တယ် ဆိုတဲ့
စကားကိုပြောတာ …
သေချာပေါက်
ကျမယ်လို့ ပြောတာ မဟုတ်ဘူး …
သို့သော်
သူ အကျိုးပေးရင် ငရဲ ကျဖို့ရှိတယ်
မကောင်းတဲ့ အကျိုးကိုပေးမယ် ဆိုတာကို
ပြောတာ …
ဒါပေမယ့်
လူတစ်ယောက်ကို ကြည့်ပြီး
ဒီလူဟာ ငရဲကိုသွားမှာ ဆိုတာတော့
" ဒေဝဒတ် " ကို " အတိအကျ "ပြောတယ် …
" ကံ " ဆိုတာ
အခြံအရံ အကြောင်းတွေပေါ်မှာ
မှီတည်ပြီး အကျိုးပေးတယ် …
အခြေအနေ ကောင်းတွေ ရှိနေတဲ့ ပုဂ္ဂိုလ်မှာ
ဒီအကုသိုလ်ကံက အကျိုးပေးလို့ မရဘူး …
မြတ်စွာဘုရားက -
" လောဏကပလ္လသုတ် " မှာ
" ဆားခဲ " နဲ့ ဥပမာ ပေးထားတာ
မှတ်သားစရာပေါ့ …
ဆားခဲလေး တစ်ခဲကို
သောက်ရေခွက်ထဲ ထည့်လိုက်ရင်
သောက်မဖြစ်အောင် " ငန် " မှာပဲ …
ဒါပေမယ့်
အဲဒီ ပမာဏ " ဆားခဲ " ကို
ရေကန်ထဲ ထည့်လိုက် " မြစ် " ထဲထည့်လိုက်
ပျောက် သွားမှာပဲ …
လူတွေမှာ
တစ်ယောက်နဲ့ တစ်ယောက်
အခြေအနေချင်း မတူကြဘူး
ဒီလိုမှတ်ရမယ် …
#ပါချုပ်_ဆရာတော်_ဘုရား
