19/09/2024
តើកម្មវិធី Gumball 3000 យើងចំណេញទេ ? ប៉ះពាល់ដល់វប្បធម៌ទេ ?
ចម្លើយជាខ្លី ៖ យើងចំណេញច្រើន ហើយមិនប៉ះពាល់ដល់វប្បធម៌អ្វីទេ ព្រោះគេមិនបានមកប៉ះពាល់វប្បធម៌យើងទេ ( កុំមានជំងឺជនរងគ្រោះបន្ទោសអ្នកដទៃ នៅក្នុងសៀវភៅ 7 habits គេនិយាយច្បាស់ណាស់ ) ហើយគេក៏មិនបានជិះឡានបុកប្រាសាទអង្គរវត្តយើងឱ្យខូចនោះដែរ ។ តស់ ! យើងមកសិក្សាទាំងអស់គ្នា អានមួយៗបងប្អូន ព្រោះរឿងទាក់ទងគ្នា អាចពិបាកយល់បន្តិចបើមិនយកចិត្តទុកដាក់ក្នុងការអាន ។
Gumball 3000 ជាកម្មវិធីមួយដែលបង្កើតឡើងតាំងពីឆ្នាំ 1999 ដោយសហគ្រិនជនជាតិអង់គ្លេសឈ្មោះ Maximillion Cooper ហើយគោលបំណងធំគឺធ្វើដំណើរពេញពិភពលោក ក្នុងការប្រណាំង និង ការជួបជុំរថយន្តទំនើបៗរាប់ពាន់គ្រឿង ដើម្បីទទួលយកបទពិសោធន៏ ល្អៗ ចេញពីការជិះឡានទាំងនេះ ហើយគេមានមូលនិធិជួយដល់យុវជន លើវិស័យអប់រំ និង វិស័យជាច្រើនទៀត ក្នុងនោះក៏មានការបង្កើតសាលារៀនជំំនាញជួយដល់មនុស្សគ្មានការងារធ្វើ ផ្តល់ អាហារូបករណ៍ដល់ក្មេងៗ នៅមានច្រើនណាស់បងប្អូន ដែល កម្មវិធីរបស់គេលើស 275 Programs នៅក្នុង 50 ប្រទេស បងប្អូនអាចចូលអាន Website របស់គេ https://gumball3000.com/ ហើយអ្វីដែលពិសេសនោះគេ នឹង សាងសង់ទីលានកីឡាបណ្តែតទឹកសម្រាប់សហគមន៍មូលដ្ឋានក្នុងនៅកំពង់ឃ្លាំង ខេត្តសៀមរាប និងការផ្គត់ផ្គង់ឧបករណ៍ជិះស្គីជាច្រើន នេះជាអ្វីដែលគេសរសេរនៅក្នុង Website ហើយគេបានសរសេរថា ៖ Gumball will create a new Guinness Book of Records attempt for the largest supercar display at one of the Wonders of the World at Angkor Wat នៅលើ Website របស់គេ នេះគេកំពុង Promote Angkor Wat ឱ្យយើងហើយ អ្នកមាននៅស្រុកគេភាគច្រើនគេអាននឹងមើលតាម Website ។ តស់ ! យើងមកនិយាយពីមួយចំណុចទៅមួយចំណុច នៅមានរឿងច្រើនណាស់ដែលយើងមិនបានដឹងពី Gumball 3000 ៖
1. រឿងចំណេញក្នុងវិស័យទេសចរណ៍យើងមិនសរសេរទេ ដោយសារបងប្អូនអាចយល់ហើយ ហើយយើងក៏បានឃើញបងប្អូនយើងសរសេរបានល្អដែរ លើផលចំណេញ ។
2. បងប្អូនរឿងជិះឡាននេះវាមិនខុសពីបងប្រុសម្នាក់ដែលជាជនជាតិខ្មែរឈ្មោះ Rith ប្រឹងជិះកង់ទៅអឺរ៉ុបដើម្បីយកលុយមកជួយកុមារកម្ពុជា នៅសៀមរាបទេ ។ យើងសាកគិតមើលបើយើងមានចិត្តចង្អៀតមិនទទួលគេ ព្រោះយើងគិតថាយើងនៅក្រ នេះជារឿងខុសធ្ងន់ណាស់ ព្រោះយើងគិតតែប្រយោជន៍យើងឬយើងគិតមិនដល់ ។ បងប្រុស ពេលទៅដល់ណាក៏មានអ្នកជួយដែរ ព្រោះការងាររបស់គាត់គឺជួយកុមារ ។ បងប្អូនយល់កន្លែងនេះទេ ? ទោះជាយើងគ្មានប្រយោជន៏អ្វីសោះក៏យើងត្រូវជួយពួកគេដែរ ព្រោះពួកគេជួយក្មេងៗនៅលើពិភពលោក គេមាន Foundation របស់គេច្រើនណាស់ ។ យើងសាកគិតមើល បើបង Rith ជិះកង់ទៅដល់ប្រទេសមួយគេមិនឱ្យគាត់ចូល យើងមានអារម្មណ៍បែបណាដែរ ?
2. បើតាម សៀវភៅ Give and take របស់លោក Adam Grant យើងខុសធ្ងន់ណាស់ ព្រោះគ្រាន់តែរឿងតូចបែបនេះយើងមិនអាចជួយគេបានដែរ យើងគិតតែពីប្រយោជន៏ខ្លួនឯង ហើយការគិតនេះខុសទៀតព្រោះគេមកផ្តល់ប្រយោជន៍ទេ ។ បើគិតតាមសៀវភៅ Mindset របស់លោកស្រី Carol Dweck យើងមាន Fixed Mindset យើងមិនចង់ចេះដឹងរបស់ថ្មីទេ កម្មវិធីនេះមិនងាយមានទេបងប្អូន ។ នៅប្រទេសជប៉ុន ឱ្យតែកម្មវិធីណាសប្បាយគេធ្វើហើយ មិនថាជាវប្បធម៌អ្វីទេ នៅ Singapore មានជនជាតិច្រើនប្រភេទណាស់ គេពូកែហៅអ្នកខ្លាំង ទៅជួយប្រទេសគេ នៅសភាអាមេរិក មិនមែនភាគច្រើនជាជនជាតិអាមេរិកទេ គឺជនជាតិជ្វីហ្វដែលគេរកអ្នកខ្លាំងចូលប្រទេសគេដូចគ្នា ។ តើបងប្អូនចង់ឱ្យជនជាតិយើង រស់នៅដូចកង្កែបមែនទេ ? គិតមើលឱ្យច្បាស់រឿងខ្លះ បើកចិត្តខ្លះទៅ កុំប្រកាន់មាំពេក អ្នកធំគេមិនដែលខ្វល់រឿងតូចៗទេ បើយើងរឿងតូចតាចប្រកាន់ដែរ ថ្ងៃក្រោយធ្វើធំម្តេចបាន ។ អ្នក 2+2 =4 គេច្រើនយកធ្វើត្រឹម Accountant តែគេមិនយកធ្វើអ្នកដឹកនាំទេ ព្រោះប្រកាន់មាំពេក ។
3. យើងគិតថាយើងខ្មាស់គេ យើងជាប្រទេសក្រ ចំណូលទាប ឱ្យឡានទាំងនេះចូលមកធ្វើអ្វី ៖ តើការមិនឱ្យចូលវាធ្វើឱ្យប្រជាជនយើងមានចំណូលខ្ពស់ទេ ? គឺនៅដដែល វាជារឿងពីរផ្សេងគ្នា ។ ពេលខ្លះយើងប្រើអារម្មណ៏ពេក ដល់ថ្នាក់រឿងល្អៗក៏យើងមិនចង់ឱ្យមានដែរ គេហ៊ានមកលេងប្រទេសយើង គេជាអ្នកមានគេគិតណាស់ គេមិនជ្រើសទៅលេងកូរ៉េខាងជើងទេ ហេតុអ្វីយើងមិនចង់ឱ្យគេមក ? និយាយនេះមិនមែនឱ្យតម្លៃលើអ្នកមានអ្វីទេ តើយើងចេះទំនាក់ទំនងអន្តរជាតិទេ ?
4. ពេលខ្លះយើងគិតថា ៖ យើងឱ្យតម្លៃគេពេក មែនទេ? បងប្អូនភ្លេចថាជនជាតិយើងជាជនជាតិបែបណាហើយ យើងចេះស្រឡាញ់គ្នា យើងចេះឱ្យតម្លៃគ្នា យើងចេះទទួលភ្ញៀវ ។ Admin មានបងស្រីបង្កើតម្នាក់គាត់ទៅរស់នៅប្រទេសបារាំងយូរហើយ ការគិតរបស់គាត់មិនដូចគាត់កាលពីនៅខ្មែរទេ មិនមែនមកពីកំហុសរបស់គាត់ទេ តែសង្គមនៅទីនោះបង្រៀនគាត់ នៅទីនោះបើអ្នកគ្មានអ្វីគេមើលងាយណាស់ មនុស្សមិនខ្វល់ពីគ្នាទេ នៅពេលគាត់ពិបាកម្តងកាលពី 10 ឆ្នាំមុន គាត់បានជនជាតិឡាវជួយគាត់មិនមែនជនជាតិបារាំងទេ ។ ដូចនេះការចេះទទួលភ្ញៀវជាវប្បធម៌ល្អ ដែលយើងត្រូវបង្ហាញទៅបរទេស មិនមែនសក់នរណាក្បាលអ្នកហ្នឹងដូចនៅបរទេសទេ ។ ខ្មែរយើងចេះឆ្លងវប្បធម៌នេះខ្លះៗហើយ មិនមានការជួយគ្នាដូចមុនទេ ដូចនេះបងប្អូនត្រូវមានវប្បធម៌របស់យើងវិញ ។ យើងនៅបរទេស យើងរៀនអ្វីដែលល្អៗពីគេបានហើយ អ្វីដែលមិនល្អគឺកុំរៀនធ្វើតាម វប្បធម៌ខ្មែរយើង ។ តាម Admin មើលមិនមានអ្វីដែលយើងឱ្យតម្លៃគេខ្ពស់ពេកដែលទទួលយកមិនបាននោះទេ មានតិចតួចដែរ ដែលបងស្រីម្នាក់ស្លៀកពាក់បែបវប្បធម៌ខ្មែរ រត់តាម Ishowspeed តែយើងមិនអាចហ៊ាមគាត់បានទេ ហើយគាត់គ្រាន់តែទៅថតរូប មិនមែនឱ្យ Ishowspeed ជិះពីលើនោះទេ ពេលខ្លះយើងប្រកាន់ខ្លាំងពេក ។ បងប្អូនត្រូវចាំវប្បធម៌មិនមែនរលត់ដោយរឿងតូចតាចបែបនេះទេ យើងជាប្រទេសសេរី រឿងខ្លះកុំ Mind ខ្លាំងពេក ។ ដូចបងប្រុសភេទទី 3 ម្នាក់ដែលជាអ្នកសិល្បៈ កាន់ទង់ជាតិខ្មែរ ហើយពាក់ក្រណាត់ជូតជើង អាហ្នឹងបានប៉ះពាល់ដល់ជនជាតិយើង វាមិនមែនជាការឆ្នៃម៉ូតទេ វាជាការធ្វើឱ្យសិល្បៈចុះទាប តែគាត់ម្នាក់មិនអាចបំផ្លាញ់វប្បធម៌យើងទេ គេដឹងថាគាត់ជាមនុស្សបែកបែបណាហើយ មានតែហៅមកណែនាំ ។ បងប្អូនយល់កន្លែងនេះទេ ?
5. នៅមានរឿងជាច្រើនទៀតដែលយើងចំណេញ ៖
- គេស្គាល់ Angkor Wat ថាជារបស់ខ្មែរ ។
- ប្រទេសយើងតូចណាស់មិនងាយមានគេស្គាល់ទេ ។
- យើងអាចដឹងថាស្រុកខ្មែរមានអ្នកមានច្រើនឬអត់គេរកស៊ីអ្វី ? សមហេតុសមផលទេ ?
-អ្នករកស៊ីនៅសៀមរាបអាចបានចំណូលខ្លះ ។
- យើងកំពុងបើកចិត្តទទួលយកប្រទេសលោកខាងលិច ។
Admin សរសេរមិនអស់ទេ តែជាខ្លីកុំប្រើអារម្មណ៍ពេក ហើយក៏កុំប្រកាន់មាំពេកដែរ ចេះបើកចិត្តទទួលភ្ញៀវ យើងមិនមែនជាកូរ៉េខាងជើងទេ ។ ហើយកុំភ្លេចរកសៀវភៅ គេអានផង ឈ្មោះ Gumball 3000 : 20 years on the road ។
SUC NEWS
#ចំណេះដឹងសង្គម
#ចំណេះដឹង
#ចំណេះដឹងពីសៀវភៅ
#ចំណេះដឹងទូទៅ
