زهوَة التونسية, Rue Okba ibn Nefaa, La Marsa (2026)

13/12/2024

تنجم تعطي قلبك وتخسر ..
أما عمرك لا تخسر كيف تتلهى بصحتك وبشرتك ♥️♥️

كيفاش 🙄🙄

ايجا هوني توى نقلك
👇👇👇

قريبا ...

اللهم ♥️

يسر واعن و زد وبارك ☺️ لكل حد متعمل عليك وشادد في خيط اليقين آلي بينك وبين ♥️

#تونسي
#تونسية

#ترند2024

بعد غياب كبير ..
عدت ولله الحمد♥️

21/04/2023

عيدكم مبارك وسنين دايمة
ربي يحييكم لامثالو وينعاد عليكم بالخير واليمني والبركات 😍😍
#بالتونسي
#عيدالفطرالمبارك #عيدسعيد #عيدية
#عيدفطرمبارك

14/04/2023

صحة شريبتكم ❤❤ الكولكايا😍

وانت قاعد تشق في الفطر تذكرت التشخشيخ متع فطور الصباح وقلت ماصاب نجم ناكل حتى شوية بسيسة او كويس زرير بعد الماكلة
لكن... معدتك تقلك ...(( متنجمش)
عندها الحق... بحكم الصيام والبطن تمتلئ فيسع ... فتقول ...
ان شاء الله بعد العيد نشري شوية بسيسة ونعوض الشهوة متاعي❤
وانت قاعد هكاكا تعرضك ستاتو زهوة تتبختر قدامك (بحكم انت عامل متابعة ليا وهذا يشرفني ويفرحني يا غالي😘 )
تقول باللازمة الا منكلمها بعد العيد طول ونشوف اش عندها وندلل روحي
خلي عاد اذا من جماعة الميزان الي ينقص في وقت الصيام
رد بالك 😳😳

❤

#تونسي
#تونسية

#تيكتوك

#بسيسة #زرير #بسكوي
#كوكيز

من الملونات الغذائية ..

#لمسات #جداتنا

02/04/2023

صباحات 🌸🌸

كل متركز في خدمتك وتحاول تقدم بالشوية من غير لا تزرب وتكون انسان تقي نقي في الي تقدم فيه
بقدرة ربي توصل وتحقق كل مرادك وربي يعطيك على قد قلبك

ركز مليح فاش تعمل واش تنجم تضيف ومتتلفتش وراك خاطر تنجم طيح وتتمهمش وخلي الناس تركز معاك مش انت تركز عليهم

غدوة صبحو في البوسطة وهزو كولياتكم 😊😍

27/03/2023

صحة شريبتكم 🌸🌸
في شهر رمضان برشا ناس تسمن
وبرشا ناس تضعف
وهذا يرجع للبدن متع الشخص
يا يحرق برشا ويبذل في مجهود كبير
يا بدنو ناقص فيتامينات و بروتينات ووو او مدخن ...
وهذا الاخير يضر برشا البدن

بطلب من متابعة وفية للصفحة 🌸
خلطة صاحبة
للمحافظة على الوزن المثالي ...للجسم

#تونسي
#تونسية

(بدون إضافات وملونات غذائية ...)

الخدمة بالكيف ❤ ☺

20/03/2023

شهر رمضان الكريم ،شهر الخير والفرحة شهر اللمة والهمة العالية في العباادات
شهر الصدقة وكل دينار يخرج يرجع أضعاف مضاعفة

شهر فيه طعم خاص وفرحة تغمر قلوبنا بحلوله

على المنوال التقليدي
نودكم بكوكتال زهوة وبسوم ياسر مزيان وفي المتنااول رغم غلاء المواد الاولية
فما 3 أنواع فقط نظرا للطلب المكثف عنا في المحل ،وبرشا ناس قالولي وينك على السوشيال ميديا
خذيت بالخاطر رغم ضيق الوقت ..😌

كميات محدودة ...
لبسيسة القمح
بسيسة الجلجلان
بسيسة كوكتال (الي في الصورة )فيها كل شي ...غنية عن التعريف
جربت قبل وتحب تعاود أو تحب تشري أول مرة .مرحبا بيك واسال علينا قبل 😁❤️

(خليلي مساج بريفي ...)

ربما نقلكم على حاجة جميلة جدا ،لكن كل شي في وقتو حلو
وأكيد برشا احباب باش تفرحلي ♥️😁

باي باي
les amours ♥️♥️♥️♥️

14/02/2023

كل ڨرة 🐐🐐🐐🐐واحنا بردانين
وبالهريسة العربي دافين
يا رجال عليكم بالجوااري وهن كالآتي ☺️☺️☺️☺️
محمصة جارية
مقرونة جارية
شربة لسان عصفور جارية
شربة شعير جارية
برغل جاري
وان شاء الله فيه الشفاء

بالمناسبة☺️الهريسة العربي في تخفيض اليوم وغدوى ☺️ ان شاء الله

#تونسي
#تونسية

08/02/2023

إذا كان حسيتو تبدّل الأيامات هاذي راهو يحضر في هدية للصُحيبة متاعو

قلّو راني محضرتلك هدية و فلفليه بالهريسة
أفطر بيه قبل ما يتعشى بيك 🤣

750غ هريسة عربي ب15د
هريسة العادة و العوايد 🌸

ــــــــ
تحب تجي حذانا لدكّان زهوة البحر لزرق -المرسى
أو نوصلولك لباب الدار ب7د
كلمونا على 92.090.019 أو مسج للصفحة

06/02/2023

عسلامتكم
غدوى تلقاوني على موجات إذاعة المنستير Radio Monastir
باش نحكي شوية على مشروعي وبداياتي وبعض المنتوجات ♥️الخاصة بيا

شكرا للي كان سبب ممتنة ليك ♥️🌹
وشكرا للصحفية Refka Zneti

اسم البرنامج "دروب النجاح "

العشية ان شاء الله مع 14:45

تبع الموجة ☺️
👇👇👇
المنستير : 106.1
سوسة: : 90.0
المهدية : 95.7
القيروان : 97.3
نابل : 98.5
تونس الكبرى : 104.7

05/01/2023

اغلبية شعوب العالم العربي والغربي
ونخص بالذكر الشعب التونسي
يعانيو من مشكل صحي وهو "constipation" برشا ناس يتقلقو برشا عند الدخول لبيت الخلاء شيبا وشبانا وحتى الصغيرات وهذا جراء الاطعمة متاعنا والافراط في أكل بعض المأكولات الي تساهم في الحالة هذه .. وبعد التدهور الي يوصللو البدن ،ينجم الانسان بتجرح أو يصيرلو نزيف بلطف عليكم أو حتى تنجم تتسبب في امراض أخرى ..
وهذا يخلي الشخص يحشم ومايحبش يمشي يعدي ويقعد هكاكا ويكمل ياكل الي يجي قدامو اخضر ويابس (مثل التمساح )
المهم الطبيب يفسرها اكثر واذا متقلق أمشي عدي
لكن نصائح مولات زهوة
حافظ على شرب برشا ماء وابعد شوية على العجين والمشروبات الغازية والخبز
وحاول تمارس الرياضة واحرم روحك شوية من اللبسة وعود بدنك بعادة الأكل الصحي كيف بعض أنواع البسيسة ،حليب المعزة ،ونخص بالذكر للا التلبينة الي في الصورة
فيها منافع كثيرة ووصى بيها الرسول صلى الله عليه وسلم وحث على اتخاذها عادة غذائية بحكم تلين المعدة ومتخليش المصران الخشين يتعب ويتسبب في برشا مشاكل من بينها طاطا "constipation"
والاهم هي ترتح نفسنيا وتعالج الاكتئاب وهذا ما قيل عنها .

المرة الاولى متقبلهاش يمكن بحكم أحنا شعب نموت على الحلويات ،لكن كي تتعود بيها حتى 3 مرات في الجمعة ،تولي ههه تتوحشها ❤️ وهذا وارد وتولي تحبها خلاص ♥️

متوفرة بكميات محدودة ،
الكغ : 9 د فقط الي ما يقدرش يشري ،يحاول يتحصل على الشعير يغسلو ويشيحو وبعد ينقيه ،ثم يهزو للطاحونة يترحا وبعد يغربلو ويتحفظ في حكة بلار وقبل ما تسكر عليه حط عود قرفة و3كعبات قرنفل وتغلق العلبة جيداههه
كان متنجمش الكرفي هذا الكل
خلي مساج بريفي وعدي كومند 😁الكميات محدودة جدا نعاود نأكد ههه خاطر الشعير بح ،لا يوجد ،مفماش الا بعد رحلة كبيرة من البحث والتوسل لبعض الفلاحين الصغار ،خاطر الكبار يهزوه للصحاح 😌😁

نهاركم فل أحبابي ♥️ وردو بالكم من الامساك 😌

#تونسي
#تونسية

04/01/2023

يا حسرة كي كنا نشريو الحليب بالستيكا توى باش تتحصل على باكو حليب ،لازم تصبح على العطار وتمسي عليه وتقضي من عندو ☺️
لكن البسيسة إذا تحب عليها تجيك من غير لا تصبح ولا تمسي عليا 😁 فقط تخلي مساجك في الصفحة الرسمية
نجاوبك على كل التفاصيل الكليكايا ☺️

#تونسي
#تونسية

#عدنا #للحياة

03/01/2023

المقرونة الي عندنا في بلادنا تقريبا نفس الامبلاج ،نفس الشكل وساعات تفرق في اللون ..
ولا ربطيما خالتي وردة تعارك في رندة ولا عمتنا السنبلة الذهبية تسب فيهم في كل ثنية ..

فبحيث .. كل حد يخدم على روحو ويخدم ناس معاه وينحي عليه لغة المنافسة الخبيثة وسرقان التصاور والستاتيات والكلام الخايب وو ويحب لنفسو كيف ما يحبو لغيرو
ويحاول يخلي لمسة خاصة بيه
وراهو
الي تحبو للناس ،يجيك أفضل ببرشا من رب الناس وهذا كي يكون قلبك باهي ،الفلوس راهي تمشي وتجي .. ركز على خدمتك ويزيك من لغة هاو ما يعرفش ووقتاه جا وو يعني الي عندو غرام يبطل معادش يطبقو باش فلان ما يتغشش ..

وعاشت المقرونة السباڨتي نمرو 2 هههه

نقصد عاشت زهوة زهوَة التونسية ♥️♥️ والي جاي خير بعد التسجيل ننتقلو للي كاتب باذن الله خير كثير♥️♥️. وباش توليو ...🤭🤭 خلي مرة أخرى خير ههه الستر باهي لساني ما يهنينيش هه
المرة الجاية نقلكم ❤️🌹 ان شاء الله

زعمة اش باش نعمل بالزڨوڨو 🙄

#تونسي
#تونسية
#

#عدنا #للحياة ♥️♥️

بليز زيدو صوحابكم 😘😘😘

زهوَة التونسية

13/12/2024

21/04/2023

14/04/2023

02/04/2023

27/03/2023

20/03/2023

14/02/2023

08/02/2023

06/02/2023

05/01/2023

04/01/2023

03/01/2023

Address

Telephone

Website

Alerts

Shortcuts

Share

Category