05/09/2024
جمعنالكم أنواع و طرق الغش في بيع الحوت :
🦑 الصوبيا البنينة تبات في الملح جمعة و بعد بالماء تتنفخ و تزيد في الميزان (ماهوش أفار كي تطيبها يتكشف الخنار)
🐟 التريليا يمكيجولها 💄 بالدواء الأحمر أو ملون غذائي أحمر باش تظهر فرشكة و كي تغسلتها تسيبت لون أحمر 🤦
🦑🐙 الشوابي و القرنيط و المسكة نفخوه بالماء يزيد في الميزان و إشري يا فنان (أسوام نار و في البنة ماعندك ماتختار)
🦐الشفرات و الكروفات يباتو ماء و ثلج باش يزيد في الميزان (ياخي هوما حمص منفخ و إلا لوبيا 🤔) إشري يا مواطن .
🐟 الحوت الكبير يحطولها دواء الاحمر في خياشم باش تظهر فرشك😂 الحوت يظهرلك بالدم متاعو من بحرو 😬
🦑 الشوابي الخشين يعبيولو راسو بالحوت الصغير باش زايد في ميزان 😂 و قيد على حوت ياكل حوت و المواطن قليل الجهد يموت 😌
🐟 حوت الواد والباراجات يُقطع أجزاء أجزاء ويباع على أنه مناني أو إسبادون (حوت الواد باهي و صحي أما علاش نحبو يتغشش علينا المناني و نفقرو جيب الزوالي و نزيدو نغشوه كي البوهالي) 🤨
🦈 كلب البحر بأنواعو و الحصيرة أو الرية يبعوه مقصوص على أساس (سفن) والسفن معادش موجود قريب ينقرض (مافماش سفن مش باش يولي جن في طور الإنقراض يهديكم)
🐟 الغش في التسميات عااد برشا جو و بارشا أنواع متاع حوت خاصة كيف يكونو من نفس العائلة يشبهو لبعضهم ينجم يبيع نوع على أساس نوع اخر (خليهم بأساميهم و ماتضيعش المستهلك و تغشو) ☺️
😈نوع ٱخر من أنواع الغش، هو انو البحار يدخل للبحر معاه حوت مربي مثل واطة/دوراد و يخرج بيه على اساس بلدي و من بحرو و يبيعو بسوم غالي ( راو الحوت المش متربي عمرو لا يتربا 😆 )
🚧 بخلاف أنواع و فازات السرقة في الميزان إلي ماتجيش عالبال..
لذلك المستهلك يلزموا يعرف يفرق مليح بين الأنواع و بين الأنواع في نفس عائلة المنتوج البحري ما يتغشش . مهمة صعبة و لكن موش مستحيلة!🙏
شكرا اكل الاعضاء الي عاونونا باش نجمعو هذي الطرق باش المستهلك يكون فايق ولد أختي 😉
حقا: الغشاش لاتباركلوا!🤠
