21/08/2026
شي مايدوم لا الدنيا ولا الصحة ولا الفلوس ولا حتى ناس حسبناهم باش يعيشو ديما ديما كيف كنا صغار..بارح في ليام كان عمري عشرة سنين ساعات تحس نهار طويل أما سنين فيسع فيسع ،اكثر حاجة والاكثر وجع تكتشف أنو عمرك تعدا من غير مادنيا تستأذنك ..متخليش الوقت يفرض عليك روحو اصعب شي انك تعيش سنين وأنت تستنى في الوقت المناسب والوقت المناسب للتوا مجاش ..افهم أحبيبي أنو مثماش حاجة ثابثة ثما حقيقة مفزعة برشا كل شي يتبدل كل شي ڨاعد يفوت وأنت زادة ڨاعد تفوت .وهنا يجي لبالي الاية القرانية" كُلُّ شَيْءٍ هَالِكٌ إِلَّا وَجْهَهُ"ثم كُلُّ مَنْ عَلَيْهَا فَانٍ وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ.
-الوقت يعدي ودنيا تجري وأنت بيناتهم ڨاعد تكبر من غير ماتحس
