26/04/2024
مرحوم يا ابوي عساك مرتاح
وعسى جنة الخلد مأواك
الهم والضيق والحزن سفاح
لكن يا ابوي والله يفداك
يالله عسى خير الأعمال مفتاح
لك وبجنة الفردوس نلقاك
دايم بفعول الخير تجتاح
مفنود خيرك وطيّب سواياك
جودك عود في كل الانحاء فواح
ترثيك أبواب الكرم وتنعاك
كنت البرق في السماء لا لاح
كل استبشر مجيك وملفاك
كنت الضياء وكنت شمعة الأفراح
وكانت اخلاق العرب كلها بيمناك
تبكيك أرواح بها حبك إجتاح
ماصدقت موتك وتخايل محياك
صوتك بااذني بقى لليوم صداح
وضحكتك لوحه حفظتها لذكراك
كنت الصبور وروحك أطهر الأرواح
يالله عسى صبرك في الجنات يلقاك .