Die Dromers Mark

02/09/2026

Waar begin 'n mens? 🌼

Hierdie naweek by Anderland was alles waarvoor ons kon hoop, en dan nog meer. Vyf jaar van Die Dromers Mark, gevier saam met die mense wat dit moontlik gemaak het: julle.

Aan elke maker wat vroeg opgestaan het en met liefde hulle stalletjie gepak het. Aan elke musikant wat vir ons gespeel het. Aan elke gesin, vriendekring, hondjie en kleintjie wat by die hek ingestap het. Aan elkeen wat 'n koppie koffie gekoop het, 'n stukkie brood geproe het, 'n handgemaakte skattie huis toe gevat het. ♡

Julle het van 'n gewone naweek 'n herinnering gemaak wat ons lank sal koester.

Dankie. Regtig, uit die diepte van ons hart. 🌼

Tot volgende keer, Dromers.

29/08/2026

28/08/2026

Hierdie was ons heel eerste gebed by ons heel eerste mark 29 Aug 2021 by Anderland.

Ons het ‘n droom gehad en al was dit in die middel van Covid - het ons die kans gewaag en binne die reëls ons eerste Dromers Mark gehou.

Ons kyk terug en is dankbaar wat die afgelope 5 jaar alles oor ons pad gekom het en is so dankbaar vir die Here en dat hy deel van ons storie is.

Was jy by daai einste mark gewees en sien ons jou die naweek?

Sien julle amper!

27/08/2026

'n Sneak-peak van paar van die nuwe Dromers wat hierdie naweek by die Mark is! 😍

Moet dit nie mis nie. Dis die laaste Potch Dromers vir 2026!

29-30 Aug
Anderland , Potch

26/08/2026

Die naweek waaraan ons al maande dink, beplan en droom is uiteindelik hier.

Anderland wag. Die stalletjies is amper reg. Die koffie is warm. Die grasperk is groen. En êrens tussen dit alles is 'n plekkie met jóú naam op.

Sien jou daar, Dromers. ♡

📍 Anderland, Potch
🗓️ 29–30 Augustus — HIERDIE NAWEEK
🎟️ Kaartjies aanlyn beskikbaar

26/08/2026

Ons het gevra. Julle het geantwoord. 🌼

"Beskryf 'n Dromer in drie woorde." En wat julle teruggestuur het, het presies vasgevat wie hierdie mark is:

Oop. Uniek. Avontuurlustig.
'n Dag vol lewe.
Feestig, kleurvol en Afrikaans.

Dis nie 'n mark wat probeer iets wees wat dit nie is nie. Dis 'n plek vir mense wat oop is vir nuwe geure, nuwe gesigte en nuwe stories. Wat waardering het vir die goed wat met liefde gemaak is. En wat weet 'n goeie dag hoef nie ingewikkeld te wees nie — net vol lewe, kleur en die soort geselskap wat lank bly.

Dis wie julle is. Dis wie ons is.

Sien jou binnekort. 🌼

📍 Anderland, Potch
🗓️ 29–30 Augustus

25/08/2026

Dreams are better when we build them together.

We’re so excited to have FNB SA joining us as the Silver Collaborator for our Spring Dromers Mark at Anderland.

At Dromers, we believe in creating a space where small businesses, makers and creatives can share what they’ve built, connect with their community and take their dreams a little further.

FNB shares that belief in supporting entrepreneurs as they start, run and grow their businesses - and we’re so grateful to have them alongside us for this market.

Thank you, FNB, for believing in local businesses, entrepreneurship and the dreams behind them.