21/04/2025
Dis potjiekos seison! Hier's een van ons gunstelling resepte: Wildsvleis Potjie met Rooiwyn en Kruie!
Bestanddele:
• 1.5 kg wildsvleis (beskikbaar by Die Namibiër se Deli!)
• 2 eetlepels olyfolie
• 2 groot uie, grof gekap
• 3-4 wortels, in dik skywe gesny
• 3-4 selderystingels, in dik skywe gesny
• 4-5 knoffelhuisies, fyngekap
• 250 ml droë rooiwyn
• 500 ml beesvleisaftreksel
• 2 eetlepels tamatiepasta
• 2 lourierblare
• 1 takkie vars roosmaryn
• 3-4 takkies vars tiemie
• 500g aartappels, geskil en in groot stukke gesny
• 250g sampioene, in kwarte gesny
• Sout en swartpeper na smaak
Metode:
• Die vleis: Verhit die olie in jou gunstelling potjie pot oor matige tot hoë hitte. Geur die wildsvleisblokkies goed met sout en peper. Braai die vleis tot dit aan alle kante bruin is. Skep die gebraaide vleis uit en sit eenkant.
• Die groente: Voeg die gekapte uie by en braai tot sag en deurskynend (5-7 min). Voeg die wortels en seldery by en braai vir nog 5 min. Roer die fyngekapte knoffel by en braai vir nog 1 min.
• Die wyn: Gooi die rooiwyn in die pot en skraap enige vasgebrande stukkies van die bodem los. Laat die wyn vir 3 min prut om af te kook.
• Die geur: Roer die tamatiepasta en beesvleisaftreksel in. Voeg die lourierblare, roosmaryn en tiemie by.
• Laat hom prut: Plaas die gebraaide wildsvleis terug in die pot. Maak seker die vleis is byna heeltemal bedek met vloeistof. Bring tot kookpunt, verlaag die hitte tot laag, sit die deksel op en laat dit vir 2-3 uur prut. Roer nou en dan.
• Laaste groente: Na 2-3 uur, voeg die aartappelstukke en sampione by. As nodig, voeg nog aftreksel by.
• Laat hom weer prut: Sit die deksel weer op en laat hom vir nog 45-60 minute prut, of tot die aartappels sag is en die sous verdik het.
• Verwyder die lourierblare en takkies kruie voor opdiening.
• Bedien saam met rys, stampmielies of 'n stukkie vars brood met 'n dik laag botter!
Wenke:
• Lê jou vleis oornag in 'n marinade van rooiwyn, kruie en speserye.
• Wees geduldig met die prutproses – dit is waar die ware geure ontwikkel!
Vrede in Vleis 🐗🐗🐗
